புதன் 180926 அ, த, பா எங்கே?

                               

சென்ற வார எங்கள் கேள்விக்கு, முதல், முழு பதில் கூறிய திண்டுக்கல் தனபாலனுக்கு, பாராட்டுகள். 

பிறகு நெல்லைத்தமிழன் மாணவர்களுக்கு மார்க் கொடுத்திருந்தாலும், என்ன புத்திமதி கூறுவார் என்று சொல்லவில்லை. 

கீதா சாம்பசிவம் யாருக்கு, எவ்வளவு  மார்க் என்று குறிப்பிட்டுச் சொல்லவில்லை. 'நிறைய' என்பது எவ்வளவு என்று சொல்லமுடியாது. எல்லோருடைய விடைத்தாளிலும், முதலாக அவர்கள் எழுதியுள்ள ஏழு விடைகளில்,  மூன்று தவறான விடைகள். எல்லோரும் கடைசி மூன்று விடைகள் சரியாக எழுதியிருந்தனர். அப்போ ஒருவருக்கு மட்டும் அதிக மதிப்பெண் கொடுப்பது லாஜிக்கலி சரி என்று தோன்றவில்லை. முயற்சிக்குப் பாராட்டுகள். 

பானுமதி வெங்கடேஸ்வரன் ஆசிரியையாக, நிறைய assumptions செய்துள்ளார். மாணவர்கள் காபி அடிக்கவில்லை என்பது எங்கள் கேள்விகளின் விவரங்களிலேயே ஓரளவு கூறப்பட்டுள்ளது. எப்படி என்று நிதானமாக கேள்வியை ஆராய்ந்தால் தெரியும். முதல் ரேங்க் வாங்கும் மாணவனின் பெற்றோரை மட்டும் அழைத்து பேசுவேன் என்கிறார்! என்ன பேசுவார் என்று சொல்லவில்லை! அவர் பிரம்பைத் தேடி எடுப்பதற்குள், நான் நிறுத்தி, ஓடிவிடுகிறேன்! 
   

DD, NT, - இந்த இருவருக்கும், பரிசு கொடுக்க முடிவு செய்துள்ளோம். அவர்களின் அலைபேசி எண்களுக்கு, ஒரு தொகையை, ரீ சார்ஜ் செய்வதன் மூலம், பரிசின் பயன், இந்தப் பதிவு வெளியாகும், புதன் அன்று அல்லது அதற்கு முன்பு அவர்களுக்குக் கிடைக்கும். 
               

எங்கள் கேள்விக்கு, குரோம்பேட்டை குறும்பன் வாட்ஸ் அப்பில் அனுப்பியுள்ள பதில்:  
                                 
மூன்று மாணவர்களுக்கும் மதிப்பெண் எதுவும் கொடுக்கமாட்டேன். வகுப்பில், மற்ற மாணவர்களின் திருத்தப்பட்ட விடைத்தாள்களைக் கொடுத்த பின், இந்த மூன்று மாணவர்களின் பெயர்களைக் கூறி, அவர்களின் முயற்சியை, எல்லோரையும் கைதட்டிப் பாராட்டச்
சொல்வேன். 
                    
பிறகு, அந்தந்த மாணவர்களிடம், அவரவர்களின் விடைத்தாளைக் கொடுத்து, "நீங்கள் எழுதிய பத்து விடைகளில், ஏதோ மூன்று விடைகள் தவறு. ஒருவர் லைப்ரரிக்கும், வேறு ஒருவர் ஆபீஸ் ரூமுக்கும், மற்றவர் சயன்ஸ் லேபுக்கும் சென்று, உங்கள் விடைகளில், ஏதேனும் மூன்று விடைகளை, குறுக்குக் கோடு போட்டு, அடித்து, எடுத்து வந்து, என்னிடம் கொடுங்கள்" என்று சொல்வேன். அவர்களின் திருத்தத்திற்குப் பின்பு, என்ன மதிப்பெண் வருகின்றதோ அதுதான் அவர்களின் மதிப்பெண். 
               
அவர்களுக்கு, என்னுடைய புத்திமதி : 
       
"பொதுத் தேர்வில், இந்த மாதிரி எல்லாவற்றுக்கும் விடைகள் எழுதாதீர்கள். சாய்ஸ் கொடுத்துள்ளபடி மட்டும் விடை அளியுங்கள், பதில் நன்றாக, சரியாகத்  தெரியும் என்ற கேள்விகளுக்கு  மட்டும் விடை எழுதுங்கள்" 
                            
(யோவ் கு. கு  நீர் ரொம்ப தாராளம்தான்! மார்க்தானே ! காசா பணமா! அள்ளி விடுங்க! ஆனால், உங்களுக்குப் பரிசு எதுவும் கிடையாது!) 

ரேவதி சிம்ஹன் : 
                              

பதில் சொல்லப்படாத கேள்விகள் எந்த நரகத்துக்குப் போகும்?

    
பதில் தராத ஆசிரியர் எந்த நரகத்துக்குப் போவார் என்று நேரடியாகக் கேட்கலாமே ! 

  
மௌனம் சர்வார்த்த சாதகம்! பதில் சொல்லப்படாத கேள்விகள் சொர்க்கத்திற்குத்தான் போகும். 

                 

கீதா ரெங்கன் :

                    

அம்மா என்று பொதுவாகச் சொல்லி குழந்தைகளின் அம்மா நுதான் சொன்னேன் என்று வீட்டம்மாவிடம் தப்பித்துவிடலாமே?

பதில்: அம்மா என்று சொன்னவுடனேயே கொழுக்கட்டையடிகள் வாங்கிவிட்டேன். அப்புறம் ஒவ்வொரு அடிக்கும், 'அம்மா, அம்மா, அம்மா, அம்ம அம்ம அம்மா!' என்று ஏ ஆர் ரஹ்மான் போல சொல்லிக்கொண்டிருந்தேன்! 

                      

ஏஞ்சல்: 

                  

1,உங்கள் பார்வையில் தப்பு /தவறு என்பது எது ?

தெரிந்து செய்வது தவறு.

என் பார்வையில், எதுவுமே தப்பு இல்லை என்று சொன்னால், அது தவறு!

2,லோன் வொர்ட்ஸ் என்கிறார்களே இரு மொழியில் ஒரே வார்த்தை யூஸ் பண்ணுவாங்க ..kaputt ஆங்கிலத்திலும் ஜேர்மனிலும் இருக்கு இரண்டுக்கும் ஒரே அர்த்தம்தான் . அப்படி தமிழை வேறு மொழியினர் கடன் வாங்கி இருக்காங்களா பிற மொழியில் தமிழ் சொற்கள் இருக்கா ?        

மிளகுத்தண்ணி கட்டமரம் போன்ற தமிழ்ச் சொற்கள் ஆங்கிலத்தில் வழங்குகின்றன. 

   

"காசை நீட்டு" cashew nut ஆயிற்று என்று சமத்காரம் செய்வதும் உண்டு! 

             

                              

3,Child prodigies பலர் வாழ்க்கையில் இளவயதிலேயே அஸ்தமிப்பது ஏன் ? இன்னும் சிலர் பாதை மாறியும் போறாங்க அதன் காரணமென்ன ? 
         
அதீத பிராபல்யம் அதிக சம்பாத்தியம் இரண்டுமே இளவயதுக்கு ஆகாது. அகம்பாவம் திமிர் உல்லாசத்தில் ஆர்வம் எளிதில் உண்டாகும்.

           

4,சினிமா சீரியல்களில் சிறு பிள்ளைகளை நடிக்க வைக்க வயது வரம்பு உண்டா ? 
                

சினிமாவில் குழந்தைகள் நடிக்க வயது வரம்பு இருப்பதாகத் தெரியவில்லை. கார்டியன் அல்லது பெற்றோர் உடனிருக்க வேண்டும் என்ற விதி இருப்பதாக நினைவு. ஆனால் பெற்றோரின் பேராசை குழந்தைக் கலைஞர்களை பாதித்திருக்கிறது.

              
5,நம்ம நாட்டில் ஹோம் ஸ்கூலிங் இருக்கா ? 
              

நிறைய சப்ஜெக்டுகள் வீட்டிலிருந்தபடி படித்து பரிட்சை எழுதலாம். இது ஹோம் ஸ்கூலிங்தானே !

ஓ, இருக்கே! ஹோம் ஸ்கூலில்தான் நான் சமையல் கற்றுக்கொண்டேன்! 
         

கீதா சாம்பசிவம் : 

                 

ஶ்ரீராமனையும் ஶ்ரீகிருஷ்ணனையும் எல்லோரும் எல்லாத்தரப்பினரும் வணங்கினார்களா? அல்லது பிராமணர்களால் மட்டும் ஆராதிக்கப்பட்டனரா?  (ஆழ்வார்கள், நாயன்மார்கள் தவிர்த்து ) (Forwarded question) 
           
ராமனையும் கிருஷ்ணனையும் சிலப்பதிகாரமும்  வாழ்த்தி வணங்குகிறது. அவர்கள் எல்லாருக்கும் பொதுதான். 

எல்லாத் தரப்பினரும் வணங்கினார்கள் என்றுதான் தெரிகிறது. கடவுள் நம்பிக்கைக்கு, ஜாதி வித்தியாசங்கள் கிடையாது. 

            

முந்தைய கேள்வியைப் போன்று, இதுவும் ஒரு Forwarded question. 

கேட்டது யார் என்று கேட்டவருக்குத் தெரியும். எங்களுக்குக் கேள்விதான் முக்கியம்; யார் கேட்கிறார்கள் என்பது அல்ல! 

எனக்கு ஒரு கேள்வி சில வருஷமாகவே இருக்கு தவறுன்னா மன்னிச்சிடுங்க ஆனா கேட்பேன். 

அது, நான் சின்ன பிள்ளையா இருந்தப்போ மார்க்கெட் போவோம் அழகான களி மண்ணில் செய்த  குட்டி பிள்ளையார்கள் இருப்பாங்க அதே கடையில் எருக்கம்பூ மற்றும் தேவையான பொருட்களை வாங்கி பிள்ளையார் சதுர்த்தி கொண்டாடுவாங்க சிலர் மெரினா பீச்சுக்கு போய்  அந்த களிமண் பிள்ளையாரை  கரைப்பாங்க,எங்க பின் வீட்டம்மா அவங்க கிணத்தில் பக்கெட் வச்சி இறக்குவாங்க .இதனால் நம் சூழல் ஏதும் பாதிக்கப்படப்போவதில்லை ,ஆனால் இப்போ பெயிண்ட் அடிச்ச பெரிய பிள்ளையார்களை கடலில் இறங்குவதை பார்த்தேன் அது நீர்நிலையை பாதிக்காதா ?அதோடு அதில் பிளாஸ்டிக் போன்ற பொருட்களும் கலந்திருக்குமே ? இது சரியா ..எதற்காக அந்த அழகான டெகரேட் செஞ்ச  குட்டி  பிள்ளையாரை நீரில் இறக்கணும் ? வீட்டில் ஒரு மூலையில் அழகா வைக்க கூடாதா ?

ஆடி மாதம் விதைப்புக்கு நிலத்தைத் தயார் செய்யும்போது களைச்செடிகளை வெட்டி, புல் பூண்டு இவற்றை அப்புறப் படுத்தி வரப்பை சீர் செய்வார்கள்.

களி மண் குவித்து ஒரே இடத்தில் கிடப்பதற்குப் பதில் ஊர் முழுவதும் சின்னதும் பெரியதுமாகப் பிள்ளையார், எலி, குடைக்கு சப்போர்ட் இப்படி கொடுத்து விடுவார்கள்   பூஜைக்குப் பின் நீர்நிலைகளில் அல்லது ஆறுகளில் கலந்து வண்டலாகிவிடும்.

எருக்கு முதலிய களைகளும் அகலும். இப்போது show வுக்காக வர்ணம் பிளாஸ்டிக் எல்லாம் கூடிவிட்டது. 

நீரில் கரைக்காது வீட்டில் வைத்திருந்தால் தூசி ஒட்டடை இவற்றிலிருந்து பாதுகாப்பது கஷ்டம். சில நாட்கள் கழித்து எறியவும் மனசு வராது. வைத்திருந்து விரிசல்களுடன் பார்க்க மனதுக்கும் கஷ்டமாக இருக்கும். விநாயகருக்கு உரிய மரியாதை கொடுக்கவில்லை என்று அவர் கோபித்துக் கொள்ளாவிட்டாலும் நம் மனச்சங்கடம் தவிர்க்க முடியாது.  நாம் சற்று ஆலோசித்து நீர்நிலைகளைத் தூய்மைப் படுத்தும் பொருள்களைத் தேர்ந்தெடுத்து உபயோகிக்கலாம்.

The Underlying Message Of Ganesh Visarjan

The Sanskrit word 'Visarjan' has many meanings. In the context of worship and pooja, it refers to the act of respectfully laying the idol used for worship to rest. During Ganesh Chaturthi, the idol used for worship is seen as a temporary vessel that holds the spiritual form of Lord Ganesha. Once the period of worship is over, the idol submerged in a water body.

             

Teaches Us To Respect Each Other

The creation of an idol requires efforts from people from different walks of life. A fisherman may dig up the clay required for the idol from the river bed, a potter or an artist creates beautiful idols and a priest performs the worship. It teaches us teamwork and mutual respect.

Reminds Us That Life Is But Momentary

Ganesha is created with a lot of love. The idol is only an inanimate object. It is the love and devotion of the masses that transforms mere clay into something that possesses spiritual powers. And then when the time comes, it is returned to the nature. Similarly, we are made up of only flesh and bones, animated by the power of our soul. This body too, will one day, return to the nature.

Tells Us That God Does Not Have A Physical Form

During Ganesh Chaturthi, we invite the spiritual form of Lord Ganesha into the idol and when the period of worship is over, we respectfully ask him to vacate the idol and then submerge it in water. This shows us that God does not have a form and is 'Niraakar'. We give it a form or 'Aakar' only to be able to enjoy the various aspects of pooja such as- Darshan (sight of the Lord), Shravan (listening to the praise of the Lord), Sparsha (to touch the Lord), Gandha.

The Cycle Of Life

The ceremony of Visarjan is symbolic of the cycle of life and death we go through. The murtis of Ganesha is created, worshiped and then returned to the nature only to be reanimated next year. We too take birth, perform the duties of life and die only to be born again in a new form.

Teaches Us Detachment

Visarjan teaches us to be detached from the world around us. Everything we love and cherish is only Maya of the Lord or an illusion. At one point or other, we will be separated from it and need to understand that all that never belonged to us. No matter how much we love Ganpati Bappa, when the time comes, we have to submerge the idol and let it go.

Teaches Us Not To Be Attached To Material Wealth

The Visarjan teaches us that material wealth and worldly pleasures are only for the body and not for the soul.

வாட்ஸ் அப் :

பானுமதி வெங்கடேஸ்வரன் :

பேருந்தில் ஜன்னலோர சீட், ரயிலில் ஜன்னலோர சீட், விமானத்தில் ஜன்னலோர சீட். உங்கள் விருப்பம், அனுபவம் எது,எப்படி?

                               

பேருந்தில் காட்சிகள் பகலில் நன்றாக இருந்தன..பக்கத்து சீட்டுக்காரருக்கு குமட்டும் வரை! 

இரவுப் பயணத்தில் ஒரு பக்கம் குளிர்ந்து காது வலி

நாம் ஜன்னல் கண்ணாடியில் தலை சாய்த்ததும் பின்னிருக்கைக்காரர் நகர்த்துவார்.

விமான ஜன்னல் ஒரு நல்ல அனுபவம்.  ஒரு பருமனான ஆள் அடுத்த சீட்டில் அமரும் வரை! 

                    

அந்தக்கால(50 வருடம் முந்திய) ரயில் பயணங்களில் ஜன்னலோரக் காட்சிகள் + பத்திரிகை தின்பண்டம் இவை வாங்க முடிந்தது +ve 

         

 நம் முன் கையைத் தொட்டு பிச்சை கேட்பவர்கள், அடுத்த ஜன்னலிலிருந்து வெற்றிலை துப்புவோர் இவை -ve.

              

ஜன்னலோரம் சீட்  இருந்தால் அடுத்தவரால் சங்கடம் ஒருபக்கத்தில் மட்டுமே.1940~50 களில் ரயில் ஜன்னலோர சீட்டில் பயணித்து கண்ணில் கரித்தூள் விழுந்து கஷ்டப் பட்டதும் உண்டு.

டாய்லெட் செல்ல,  தூங்கும் பக்கத்துப் பயணிகளை சங்கடப்  படுத்தவேண்டியிருப்பது ஒரு மைனஸ். 

சென்னை மின்தொடர் வண்டியில் பயணித்த முப்பது வருடங்களும், பெரும்பாலும் ஜன்னலோர இருக்கைதான் என்னுடைய தேர்வு. கிட்டத்தட்ட தாம்பரம் டு பீச், பீச் டு தாம்பரம் பயணம் என்பதால், காலியாக இருக்கும் வண்டியில், மூன்றாவது பெட்டியில் ஏறி, ஸ்டேஷன் சைட் அல்லாத மறு பக்கத்தில், டிரைவர் பக்கம் முதுகு இருக்கும் வகையில் உள்ள ஜன்னலோர சீட்தான் என் அரியாசனம்! புத்தகம் படித்துக்கொண்டே பயணம் செய்வேன்.

ஜன்னலோரத்தில் / ஜன்னலில் சில சமயங்களில், காணப்பட்ட அசுத்தங்கள் மைனஸ் பாயிண்ட். மழை காலத்தில், உள்ளே தாராளமாக ஒழுகுகின்ற தண்ணீர் மைனஸ் பாயிண்ட். 

                

 ஃபுட் பாலில் அடுத்தடுத்து மூன்று கோல்கள் போடுவதையும், கிரிக்கெட்டில் ஒரே பௌலரே அடுத்தடுத்து மூன்று விக்கெட்டுகள் எடுப்பதையும் hat trick என்கிறார்கள். தொப்பிக்கும் இந்த சாதனைகளுக்கும் என்ன சம்பந்தம்?

                

Ian fleming wrote in goldfinger

Once is happenstance

Twice is coincidence

Thrice is enemy action

Football cricket  இவற்றில்  hat trick like a magician pulling rabbits out of a hat.

                 

இங்கிலாந்தில் 1870 ல் ஒரு பவுலர் மூன்று விக்கெட்களை மூன்று பந்து வீச்சில் தொடர்ச்சியாக வீழ்த்த அதைக் கொண்டாடும் வகையில் பணவசூல் செய்து ஒரு  hat வழங்கிப் பாராட்டினார்களாம். The trick that earned a hat, so hat trick. இது பின் மற்ற ஆட்டங்களுக்கும் பற்றிக்கொண்டது என்கிறார்கள்.

               

(தகவல் இணையத்திலிருந்து)

                  

இந்த வாரக் கேள்வி:

உங்களுக்கு,  அசையா சொத்து வாங்க, அவசரமாக ஒரு பெரிய தொகை உடனடியாகத் தேவைப்படுகிறது. அந்தத் தொகையை, உங்களால் உடனே திரட்ட முடியாது. ஆனால், ஆறு மாத காலத்துக்குள், உங்களால் அதை திரட்ட முடியும். 

வேறு ஊரில் வசிக்கும் ஒரு நண்பரிடம் சென்று, அந்தத் தொகையைக் கடனாகக் கேட்கிறீர்கள். அவரிடம் பணம் இல்லை. ஆனால், அவர், தன்னுடைய தூரத்து உறவினராகிய, பணக்காரர் ஒருவரிடம், உங்களையும் அழைத்துச் சென்று, அவரிடம் பேசி, குறைந்த வட்டிக்கு  ஏற்பாடு செய்து, பணத்தை வாங்கிக் கொடுக்கிறார். 

வீட்டுக்கு வந்த பிறகு, உங்கள் நண்பர் உங்களிடம், பணத்தை சிறுதவணைகளில் அவ்வப்போது எனக்கு அனுப்பு. அதை நானே என் கையால், அந்தப் பணக்கார உறவினரிடம் கொடுத்துவிடுகிறேன் என்கிறார். 

இதற்கு, நீங்கள் ஒப்புக்கொள்வீர்களா? பணம், கடன் கொடுத்தவரிடம் சரியாகப் போய் சேர்கிறதா என்று எப்படி உறுதிசெய்துகொள்வீர்கள்?  

               

உங்களுக்கு, கடன் கொடுத்தவரை முன்னே பின்னே தெரியாது. அவரிடம் நீங்கள் நேரடியாகப் பணத்தைக் திருப்பிக் கொடுக்க எண்ணினால், உங்கள் நண்பர் மனவருத்தம் அடைவார். இந்த நிலைமையை எப்படிச் சமாளிப்பீர்கள்? 

                     

( ஊசிக் குறிப்பு : அ, த, பா எல்லோரும் நாடாளுமன்றத் தேர்தல் பணிகள் பற்றி மய்யமாக ஆலோசனை செய்துவருவதால், இந்த  வாரம் இங்கே தலைகாட்டவில்லை!)