வெள்ளி வீடியோ 180907 : காலம் நமக்குத் தோழன் காற்றும் மழையும் நண்பன்

பெத்த மனம் பித்து என்றொரு படம்.  1973 இல் வெளியான இப்படத்தில் நாயகன் நாயகி முத்துராமன் - ஜெயா.

முத்துராமன் என்றதும் ஒரு இடைவெளிக்குப் பின் வரத்தொடங்கி இருக்கும் ஏஞ்சல் சிரிக்கக்கூடும்!  ஆனால் பாட்டைக் கேட்டுப்பாருங்க ஏஞ்சல்...  

துரை ஸார் கண்டிப்பாக ரசிப்பார்.   கீதா அக்கா...  "நான் இந்தப் படம் பார்க்கவில்லை" என்பீர்கள்.  நானும் பார்க்கவில்லை!

வி. குமார் இசையில் பூவை செங்குட்டுவன் பாடலை டி எம் எஸ்ஸும், பி சுசீலாவும் பாடி இருக்கிறார்கள்.

பாடலைக் கேட்கும்போதே காட்சி அமைந்திருக்கக் கூடிய பின்னணி புரியும் பாடல்.  வி குமார் இனிமையாக இசை அமைத்திருக்கிறார்.

காலம் நமக்குத் தோழன் 

காற்றும் மழையும் நண்பன் 

பொன்னூஞ்சல் இல்லை 

பூமெத்தை இல்லை நீ வந்த வேளையிலே 

பொன்னூஞ்சல்தானே தாயின் மனம் 

பூ மெத்தைதானே தந்தை மனம் 

ஆராரோ பாடும் பாடும் அன்பான நெஞ்சம் 

கண்ணே நீ துயிலும் மஞ்சமடா..  மஞ்சமடா...

செல்ல மகள் செல்வமகள் சீரோடு வாழ்ந்த மகள் 

ஏழையுடன் வந்தாளடா..

ஸ்ரீராமன் அடிதொட்டு பின்செல்லும் சீதைக்கு 

பெருமைகள் வேறேதடா..

பெத்த மனம் பித்தாக பேதை மனம் கல்லாக 

தன் சொந்தம் வெறுத்தாளடா 

தந்தை மனம் தவித்திருக்க பரமனுடன் துணை நின்ற 

பார்வதியும் பெண்தானடா 

தனிமரமாய் நின்றவனைத் தழுவுகின்ற பூங்கொடியாள் 

சுகமென்ன கண்டாளடா 

கொடியுண்டு மரமுண்டு 

குழந்தையெனும் கனியுண்டு குறையென்ன கண்டேனடா 

உனதன்னை துயர்தன்னை நான் தீர்க்கும் முன்னாலே 

உன்கவலை கொண்டேனடா 

கண்ணனாக நீயிருக்க மன்னனாக அவரிருக்க 

கவலைகள் எனக்கேதடா