"திங்க"க்கிழமை : காண்ட்வி - குஜராத்தி டிஷ் - புவனா குமார் ரெஸிப்பி

 காண்ட்வி 

புவனா குமார்

ஒரு கப் கடலை மாவுக்கு ஒரு கப் கட்டித் தயிர் வேண்டும்.  அந்த தயிரை நீ....ர்க்க கரைத்துக் கொள்ள வேண்டும்.  எவ்வளவு முடியுமோ அவ்வளவு Thinனா தோசை மாவு போல கரைத்துக் கொண்டு அதில் மஞ்சள் பொடி போட்டுக் கொள்ளவும்.  மேலும் அதனுடன் பச்சை மிளகாய் (உங்கள் காரத் தேவைக்கேற்ப)  இஞ்சி, தேவைப்பட்டால் கொத்தமல்லியும் சேர்த்து நைஸாக  அரைத்துக்கொள்ளவும். அதை நீர்க்கக் கரைத்துள்ள மோரில் கலக்கவும்.  இப்போது அந்த கடலை மாவையும் இதில் சேர்த்து கலக்கவும். கட்டி இல்லாமல் தண்ணியாய் கரைத்து கிளறி வைத்துக் கொள்ளவும்.  டீ வடிகட்டி போல எதிலாவது இந்த 

கரைத்த மாவை வடிகட்டிக் கொள்ளலாம்.  தப்பித்தவறி திப்பி திப்பியாய் இருந்தால் கூட வடிகட்டி எடுத்து விடலாமாம்.  புவனா சொல்கிறார்.

சில தட்டுகள் எடுத்து தலைகீழாக கவிழ்த்து வைத்து விட்டு சிறிது எண்ணெய் தடவி (அல்லது அப்படியே கூட) தயாராய் வைத்துக் கொள்ளலாம்  அப்புறம் முடிந்தால் நான்ஸ்டிக் அல்லது சாதாரண வாணலி எடுத்துக்கொண்டு அதில் இதை கொட்டி, (எண்ணெய் தேவையில்லை) கிளறிக்கொண்டே வரவும்.  அது கொஞ்சம் கொஞ்சமாக கெட்டியாகி வழுவழு என்று க்ரீம் போல வரும்.  இந்நிலையில்.அதை தயாராக வைத்துள்ள தலைகீழ் தட்டுகளில் ஸ்மூத்தாக ஸ்ப்ரெட் செய்ய வேண்டும்.  ஆனால் வேகமாக செய்ய வேண்டும்.  ஓரொரு கரண்டி அதில் ஊற்றி, தட்டு முழுவதும் தின் லேயராக பரப்பி வைக்க வேண்டும்.  அதன் பிறகு கடுகு, சீரகம், எள், கறிவேப்பிலை, பச்சை மிளகாய், கொத்துமல்லி, பெருங்காயம் தாளித்து அதன்மேல் பரவலாக ஊற்றி விட்டு, பிறகு பச்சை தேங்காய் துருவலை அதன்மேல் தூவி விட வேண்டும்.  அதன் பிறகு அது ஆறிய உடன் பிஸ்கட் கட் செய்வது போல அதை கட் செய்ய வேண்டும்.  ஒரு பக்கத்திலிருந்து தொடங்கி சுற்றி சுற்றி சுற்றி சுற்றி கட் செய்துகொண்டு வரவேண்டும்.  

                                
இதை எந்த அளவு Thin ஆக தயார் செய்கிறோமோ அந்த அளவு அது சுவையாக இருக்கும் என்கிறார் புவனா குமார்.  கட் செய்து எடுத்து படத்திலிருப்பது போல சுருட்டி, மடக்கி  விட வேண்டுமாம்.  தாளிதம் தவிர வேறெதற்கும் இதில் எண்ணெய் கிடையாது என்பது ஒரு ப்ளஸ் என்பது புவனா குமார் சொல்லும் முக்கியமான விஷயம்.