யாரோடு இங்கு எனக்கென்ன பேச்சு... நீதானே கண்ணே நான் வாங்கும் மூச்சு...

நெமிலி எழில்மணி எழுதிய பாடலை தானே இசை அமைத்து பாடி இருக்கிறார் T M சௌந்தர்ராஜன்.  

தேன்பாகும் சர்க்கரையும் சுவைத்தால்தான் தித்திக்கும் 

தென்பழநி முருகன் பேரை சொன்னாலே தித்திக்கும் - தேன்பாகும் சர்க்கரையும் 

வான்மீதில் மேகமென்று வருவதும் குகனல்லவா 

வான்மீதில் மேகமென்று வருவதும் குகனல்லவா 

வளரவைக்கும் மழையாக தருவதும் அவனல்லவா  - தேன்பாகும் சர்க்கரையும் 

அவன் தரும் பஞ்சாம்ருதம் தித்திக்கும் - அவன் 

அடியார் வாழ்க்கை என்றும் தித்திக்கும் 

அவன் தரும் பஞ்சாம்ருதம் தித்திக்கும் - அவன் 

அடியார் வாழ்க்கை என்றும் தித்திக்கும் 

அவன் புகழ் நிறைந்திருக்கும் எத் திக்கும் - அவன் 

அன்பர்கள் நினைத்ததெல்லாம் சித்திக்கும்  - தேன்பாகும் சர்க்கரையும்  

================================================================================================

மூன்று நாட்கள் கால்ஷீட் இருந்தும், அரைநாளில் 'காக்கி சட்டை' படத்துக்கான கம்போசிங் வேலைகள் முடிந்து விட, மிச்சம் இருந்த நாட்களில் இளையராஜா சில பாடல்களை ட்யூன் தயார் செய்து 'ஸ்ட்டாக்'கில் வைத்துள்ளார்.  அதில் ஆறு பாடல்கள் ஒரு தொகுப்பாய் வைத்திருந்தார்.  சிலர் அதிலிருந்து ஒன்றிரண்டு பாடல்களைக் கேட்டபோது தர மறுத்து, 'மொத்தமாய் ஒரே செட்' என்று சொல்லியுள்ளார்!!

இதை சவாலாக ஏற்று R சுந்தரராஜன், பஞ்சு அருணாச்சலம் துணையுடன் 'வைதேகி காத்திருந்தாள்' படத்தை தயார் செய்தார்.  கேப்டனுக்கு அது ஒரு மாறுதலான படம்.  ராகவேந்தருக்கும், கன்னடத்தில் பிரமிளா ஜோசாய் என்று அறியப்படும் பரிமளம் ஆகியோருக்கு இது முதல் படம்.

இந்தப் படத்தின் பாடல்களைஆண் குரலுக்கு ஜெயச்சந்திரன் மட்டுமே பாடி இருந்தார்.  மேலே 'விக்கி'யில் சொல்லி இருக்கிறது பாருங்கள்..  அதில் சில யானைகள் இந்தப் பாடலை  தினசரி பாடல் ஒலிக்கும் நேரத்துக்கு சரியாய் வந்து கேட்டு விட்டு செல்வது பற்றி நானும் படித்து மிக வியந்திருக்கிறேன்.

இந்தப் படத்தில் வரும் 'மேகம் கருக்கையிலே' பாடலில் நடித்திருக்கும் நடிகர் பெயர் வெள்ளை சுப்பையா.  கோயம்புத்தூரில் 1937 ல் பிறந்தவர்.  சினிமா ஆசையில் வீட்டை விட்டு ஓடிவந்தவர்.  மாணவன் படத்தில் மாணவனாக நடித்துள்ளாராம்.  அந்தப் படத்தில் கமல் கூட மாணவன்!  சுமார் 1500 படங்களுக்கு மேல் சிறு வேடங்களில் நடித்துள்ளார் என்பது செய்தி.  பாசமலரில் அவருக்கு நல்ல வேடமாம்.  படத்தில் எந்த இடத்தில் வருவார் என்று நினைவில்லை.

மேலே படத்தில் இருப்பவர் நம் அபிமான பாடகர் ஜெயச்சந்திரனேதான்.  அனைவராலும் விரும்பப்பட்ட பாடலான இந்த 'ராசாத்தி உன்னை' பாடல் எந்த ராகத்தில் அமைந்துள்ளது என்பதை கீதா ரெங்கன் சொல்வார்!

மதுரை சினிப்ரியாவில் இந்தப் படம் பார்த்தபோது முதல் மூன்று நாட்கள் ரசிகர்கள் இந்தப் பாடல், 'காத்திருந்து காத்திருந்து', மற்றும் 'இன்றைக்கு ஏனிந்த ஆனந்தமே' பாடல்களை ஒன்ஸ்மோர் கேட்டுக் கேட்டு தியேட்டர்காரர்களை ஒரு வழி செய்தது நினைவிருக்கிறது.  நான் சென்ற அன்று இந்தப் பாடலை மட்டும் மறுபடி ஒளிபரப்பினார்கள்.

ராசாத்தி உன்ன காணாத நெஞ்சு காத்தாடி போலாடுது 

ராசாத்தி உன்ன காணாத நெஞ்சு காத்தாடி போலாடுது

பொழுதாகிப்போச்சு விளக்கேத்தியாச்சு

பொன்மானே ஒன்னத் தேடுது     -  ராசாத்தி உன்ன

கண்ணுக்கொரு வண்ணக்கிளி காதுக்கொரு கானக் குயில் 

நெஞ்சுக்கொரு வஞ்சிக்கொடி நீதானம்மா - கண்ணுக்கொரு 

தத்தித் தவழும் தங்கச் சிமிழே பொங்கிப் பெருகும் சங்கத் தமிழே

முத்தம் தர நித்தம் வரும் நட்சத்திரம் 

யாரோடு இங்கு எனக்கென்ன பேச்சு 

நீதானே கண்ணே நான் வாங்கும் மூச்சு

வாழ்ந்தாக வேண்டும் வாவா கண்ணே  -  ராசாத்தி ஒன்ன 

மங்கை ஒரு கங்கை என மன்னன் ஒரு கண்ணன் என

காதில் ஒரு காதல் கதை சொன்னால் என்ன

அத்தை மகளோ மாமன் மகளோ சொந்தம் எதுவோ பந்தம் எதுவோ

சந்தித்ததும் சிந்தித்ததும் தித்தித்திட 

அம்மாடி நீதான் இல்லாத நானும் 

வெண்மேகம் வந்து நீந்தாத வானம் 

தாங்காத ஏக்கம் போதும் போதும்

ராசாத்தி உன்ன காணாத நெஞ்சு காத்தாடி போலாடுது 

பொழுதாகிப் போச்சு விளக்கேத்தியாச்சு

பொன்மானே ஒன்னத் தேடுது 

ராசாத்தி உன்ன காணாத நெஞ்சு காத்தாடி போலாடுது 

காத்தாடி போலாடுது