"திங்க"க்கிழமை : கார்ன் ஃப்ளேக்ஸ் மிக்ஸர் - பானுமதி வெங்கடேஸ்வரன் ரெஸிப்பி

 

 கார்ன் ஃப்ளேக்ஸ் மிக்ஸர்

தேவையான பொருள்கள்:

கார்ன் ஃபேளேக்ஸ் - 200 gms

காலையில் பிரேக்ஃபாஸ்ட் சாப்பிட பயன்படுத்தும் கார்ன்ஃப்ளக்ஸ் இல்லை. மிக்ஸர் செய்வதற்கு என்று அடர் மஞ்சள் நிறத்தில் சற்று தடியாக கிடைக்கும்.

பொரிக்கத் தேவையான எண்ணெய்

உப்பு  - 1 டீ ஸ்பூன்

காரப்பொடி - 1 டீ ஸ்பூன்

முந்திரி பருப்பு  10 -15

கிஸ்மிஸ் - 2 டேபிள் ஸ்பூன்

நிலக்கடலை  -  2 டேபிள் ஸ்பூன் 

கருவேப்பிலை- ஒரு ஆர்க்

செய்முறை:

ஒரு சிறிய கப்பில் உப்பு, காரப்பொடி இரண்டையும் கலந்து வைத்துக் கொள்ளவும்.

வாணலியில் தேவையான எண்ணெய் ஊற்றி, அது காய்ந்ததும், ஒரு கையளவு கார்ன் ஃப்ளேக்ஸ் போட்டு பொரித்தெடுக்கவும். பொரிந்த கார்ன்ஃபேளேக்ஸ் அடர் மஞ்சள் நிறம் குறைந்து க்ரீம் நிறமாக, மெலிதாக இருக்கும்.

பொரித்த கார்ன் ஃபேளேக்ஸை வடிதட்டில் போட்டதும் அதன் மீது கலந்து வைத்திருக்கும் உப்பு, காரத்தூள் கலவையை சிறிதளவு கைகளால் எடுத்து தூவவும். இதே  முறையில் எல்லா வற்றையும் வறுத்த பின் ஒடித்த முந்திரி, கிஸ்மிஸ், கருவேப்பிலை ஆகியவற்றையும் வறுத்து, வறுக்கப்பட்ட கார்ன் ஃப்ளக்ஸோடு சேர்த்து காற்று புகாத டப்பாவில் போட்டு குலுக்கி மூடி வைத்து விடவும். 

ருசியான, அதே நேரத்தில் செய்வதற்கு சுலபமான மிக்ஸர் இது.