தோசை அம்மா தோசை !

 

ஜெயகுமார் சந்திரசேகரன்: 

​தோசை எனப்படுவது யாது? யார் அதை முதலில் உண்டாக்கியது?

# தோசை என்பதோர் உணா எல்லாரும்
ஆசையாய்த் தின்பர் மகிழ்ந்து.

தோசை முதலில் சைடோஜி எனும் மராட்டியரால் உருவாக்கப்பட்டது.  அவர் பெயரில் இருக்கும் சைதோ ஆகிய முதல் எழுத்துக்களை திருப்பிப்போட்டு தோசை என்று பெயர் வைத்தார். திருவல்லிக்கேணியில் இப்போதும் அவர் பெயரில் சைடோஜி சந்து என்று இருப்பதை காணலாம்.

& கூகிளுக்கும்,விக்கிக்கும் நன்றி! 

Who is the founder of dosa?

Chalukya King Somesvara III

History. Dosa has been known to be around since at least the 5th century AD in India. It is believed that the crepe was found initially in and around the Temple streets of Udipi, Karnataka. The Chalukya King Somesvara III first wrote about Dosa in Tamil literature in 1054 AD

Food historian P Thankappan Nair states that the battle for the origin of dosa is won by Karnataka over Tamil Nadu. According to him, it originated in Udupi town in Karnataka, which is perhaps why you see most South Indian joints (especially those famous for dosa) with the word 'Udupi' in their name.

தோசை எத்தனை வகைப்படும்?

# எவ்வளவு உணவு பதார்த்தங்கள் இருக்கின்றனவோ அவ்வளவு வகையிலும் தோசைகள் இருக்கின்றன.

& விக்கிபீடியா படி 37 வகை தோசைகள் உள்ளன. 

ஆனால் பெங்களூரு தள்ளுவண்டி கடைகளின் படி, 99 வகை தோசைகள் உள்ளன. 

ஒரு தள்ளுவண்டியில் எட்டிப் பார்த்தேன். 

சாதாரண மாவு; சாதாரண தோசைக்கல் இரண்டையும் வைத்துக்கொண்டு, ஒரு சாதாரண ஆள், 

14 தட்டுகள். 

ஒரு தட்டில் காரட் துருவல்,

மற்றொன்றில் குடமிளகாய் துண்டங்கள்,  இப்படி , வெள்ளரி, மிளகாய்ப்பொடி, பீன்ஸ், பீட்ரூட், என்று பலவகை பொருட்கள். 

எல்லாவற்றையும் Permutations & Combinations வகையில் சேர்த்தால், 99 வகை தோசைகள் வரும் என்று நினைக்கிறேன். இல்லை என்றால், ரவா தோசை + above combinations, மைதா தோசை with மற்ற கலவைகள் என்று செய்வார் போலிருக்கு!  

பிடித்த தோசை முருகலா, மெதுவா?

# கருகல் தவிர்த்த தோடிதமான சூடாக  

முறுகலுக் குண்டோ நிகர் ?

& தோசையில் முருகல்; வடையில் மெது! 

தோசை மட்டும் ஏன் சைவம் அசைவம் என்று இரண்டு பக்கமும் சாய்கிறது?

# அசைவ தோசை என்று எதுவும் கிடையாது. அதன் துணைப் பதார்த்தம் அசைவமாவதுண்டு. அத்து மீறல்.

மசால் தோசையை கண்டுபிடித்தவர் யார்?

# மசால் தோசையைக் கண்டு பிடித்தவர் ஒரு கடைநிலை ராணுவத்தவர். எடுபிடி வேலை செய்பவர்களுக்கு அந்தக் காலத்தில்  பட்டாளத்தில் "மசாலஜி" என்று பெயர்.‌

& கூகிள் ஆண்டவர்படி, எல்லா வகை தோசைகளுக்கும் ஆரம்பம் உடுப்பி (கர்நாடகா) மட்டுமே. 

ஆன்மிகம் என்ற வார்த்தை இந்து மதத்தினர் மட்டுமே பயன் படுத்தும் ஒரு வார்த்தை. அதன் தெளிவான அர்த்தம் என்ன? பக்தி சம்பந்தப்பட்டது? மதம் சம்பந்தப்பட்டது? வாழ்க்கை சம்பந்தப்பட்டது? எது சரி?

# ,ஆத்மா தொடர்பானது ஆன்மீகம்.

பக்தி, மதம், வாழ்க்கை எல்லாவற்றுடன்  சம்பந்தப் பட்டதுதான்.‌

ஆமாம் வெஜ் எறா என்றால் என்ன? காயா, என்ன காய், அல்லது கொழுக்கட்டையா? ரகசியமா சொல்லுங்க.

* இது சம்பந்தப்பட்ட ஹோட்டல் காரர்களை கேட்க வேண்டிய கேள்வி. சமைத்தது நான் அல்ல.  சாப்பிட்டது மட்டும்தான் நான்!

கே சக்ரபாணி ; சென்னை 28: 

புல்லாங்குழலுக்கும்  தேன் குழலுக்கும் உள்ள  ஒற்றுமை என்ன? 

# இரண்டுமே வாயோடு தொடர்புள்ளவை .‌

& புல்லாங்குழலில் காற்று நுழைந்தால் புதுப்புது இசையாகும் 

    தேன்குழல் வாயில் நுழைந்தால் புதுப்புது சுவையாகும்! 

வக்கீல்கள்  கருப்பு கோட்  அணிவதை  விடவில்லை.  ஆனால்  இப்போதெல்லாம் பெரும்பாலான  டாக்டர்கள். வெள்ளை கோட். அணிவதை விட்டு விட்டார்கள் ஏன். அந்த டிசிப்ளின் இல்லை? 

# டாக்டர்களுக்கு ஸ்டெதாஸ்கோப் அடையாளம் மட்டுமே போதுமானதல்லவா ? 

இவர் டாக்டரா வேறு யாராவதா என்ற ஐயப்பாடு தோன்றும் இடங்கள் இருக்குமானால் அங்கு டாக்டர்கள் வெள்ளைச் சீருடை அணிவது தேவையாக இருக்கும்.

பத்திரிகைகளில் தங்களைப்பற்றி வரும் விமர்சனங்களை  பார்த்து  அரசியல்வாதிகள்  யாரேனும் திருந்தியிருப்பார்களா?  

# விமர்சனம் ஆலோசனை புத்திமதி இவை எவற்றாலும் யாரும் திருந்தியது கிடையாது. திருந்த வேண்டும் என்கிற எண்ணம் நம் அகத்திலிருந்து எழ வேண்டும். அப்படி எழுவதற்கு சில சமயம் சில சம்பவங்கள் , சில பேச்சுக்கள் போன்றவை காரணமாக அமைவதுண்டு.

& திருந்துவதாவது! விமரிசகரைத் தூக்கி உள்ளே போட்டு மாவுக்கட்டு கட்ட ஏற்பாடு செய்வார்கள்! 

 பானுமதி வெங்கடேஸ்வரன்: 

கோவில்களில் இருக்கும் அகலமான படிகளை பலர் மதிக்காமல் தாண்டிச் செல்வதன் தாத்பர்யம் என்ன?

# இறைவன் சன்னிதானத்தை நெருங்கும் போது ஒரு சிறு மரியாதை காட்டுகிறோம் என்கிற திருப்தி  தவிர வேறு ஏதும் விசேஷ தாத்பரியம் இருப்பதாகத் தெரியவில்லை.

ரொம்ப அகலமான படிகளைத் தாண்டும் போது கால் தடுக்கும் அபாயம் இருக்கிறது.

& கோயிலுக்கு செல்லும் போது கோயில் நுழைவாயிலின் முதல் படிகட்டில் கால் வைக்காமல் அதை தாண்டி செல்வது வழக்கம். அதனை பலரும் அவதானித்திருப்போம் இதற்கு என்ன காரணம் என்று எப்போதாவது சிந்தித்திருக்கின்றீர்களா? 

கோயில் நுழைவாயிலின் முதற் படி சற்று அகலமாதனதாகவே எப்போதும் அமைக்கப்படும். இருப்பினும் அதனை தாண்டியே செல்ல வேண்டும்.

கோவிலுக்குள் நுழையும் முன்னர் கால்களை கழுவிவிட்டு தலையில் தண்ணீர் தெளித்துக்கொண்டு பின்னர் கோபுரத்தை வணங்கியே கோவிலுக்குள் செல்ல வேண்டும் என இந்து சாஸ்திரத்தில் குறிப்பிடப்படுகின்றது. 

கோவிலில்  நாள் முழுவதும் மந்திரங்கள் ஓதப்பட்டு, மங்களகரமான இசைகள் ஒலிக்கப்பட்டு அந்த இடம் முழுவதும் நேர்மறை ஆற்றல்களால் நிறைந்திருக்கும். இப்படிப்பட்ட புனிதமான இடத்திற்குள் செல்லும் போது நாம் சுமந்த செல்லும் தேவையற்ற சிந்தனைகளை சுமந்து செல்லக் கூடாது. 

கோவில் படிகட்டில் கால் வைத்து உள்ளே செல்லும் போது எதிர்மறை எண்ணங்களை நாம் சுமந்து உள்ளே செல்வதாகவே அர்த்தம். அதன் காரணமாக தான் படிக்கட்டை தாண்டி செல்ல வேண்டும் இவ்வாறு படிகட்டை தாண்டும் போது நமது எண்ணங்களில் மாற்றம் ஏற்படுகின்றது. 

நமது உள்ளத்தில் இருக்கும் தேவையற்ற சிந்தனைகள் மற்றும் எதிர்மறை ஆற்றல்களை கோவிலுக்கு வெளியிவேயே விட்டு செல்வதை உணர்த்துவதற்காகவே  கோயில் செல்லும் போது படிக்கட்டை தாண்டி செல்ல வேண்டும்.

(நன்றி : manithan.com website.) 

நெல்லை : 

வாசகர்களுக்கான கேள்வி: 

ஹோட்டல்ல ஒரு பொருளுக்கு விலை, பல செலவுகளை உள்ளடக்கியது என்று நான் நம்பறேன். ஒருவன் சாப்பிட உட்கார்ந்தால், வாழை இலை உள்ள தட்டு, டம்ளர் எல்லாம் வைக்கறாங்க, இவன் வடை மாத்திரம் சாப்பிட்டுவிட்டுக் கிளம்பிவிடலாம். ஒரு வேளை அடுத்த து அவன் ரவா தோசை சாப்பிட்டால் அதுக்குன்னு புதுசா வாழை இலை, தட்டு தருவதில்லை. நியாயமா பார்த்தால் இருக்கும் வாழை இலையிலேயே அடுத்தடுத்த ஐட்டம் சாப்பிடும்போது அவற்றின் விலை குறையவேண்டாமா?  உதாரணமா வடை 30 ரூபாய்னா, நான் இட்லி சாப்பிட்டுட்டு அதே இலைல வடை சாப்பிட்டேன்னா எனக்கு 25 ரூ தானே சார்ஜ் பண்ணணும்? அடுத்து ரவா தோசையும் சாப்பிட்டால், 70 ரூக்கு பதில் 65 தானே சார்ஜ் பண்ணணும்?

>>>>> வாசகர்கள் பதில் சொல்லவும். 

= = = = = = = = = = =

KGG பக்கம் :

பாண்டிச்சேரி பயணத்தில் எடுத்த படங்கள் - மேலும் சில. 

 யாரோ இருவர். 

தென்னை இளங்கீற்றினிலே தாலாட்டும் தென்றலது .. 

பூவே செம்பூவே !

வானும், நிலமும் !

கம்ஃபர்டபுளாக கம்பு நுனியில் அமர்ந்து என்ன யோசனையோ! 

சிறு தீவுகள்! 

மீதி படங்கள், அடுத்த வாரம். 

= = = = = = = = = = = = =

" உழைப்பே உயர்வு " தலைப்பிற்கு, நீங்கள் எடுத்த படங்களை அனுப்பிவிட்டீர்களா? 

மார்ச் மாத படம் தலைப்பு: "தெய்வீகம்" 

தெய்வீகம் என்ற வார்த்தையின் பொருளை நன்றாக உள்வாங்கிக்கொள்ளுங்கள். 

" தெய்வீகம் என்பது கடவுள் அல்லது தெய்வத்தின் குணங்களைக் கொண்ட ஒன்றை (அல்லது யாரையாவது) விவரிக்கப் பயன்படும் சொல். இந்த வார்த்தை ஒரு குறிப்பிட்ட கடவுள், ஒரு உயர்ந்த உயிரினம் அல்லது உலகளாவிய சக்தியையும் குறிக்கலாம்." 

ஆதலால் - நீங்கள் எடுத்த தெய்வப்படங்களை அனுப்பாதீர்கள்! 

படத்தைப் பார்த்ததும் - " ஆஹா! தெய்வீகமா இருக்கே " என்று எங்கள் நடுவர்கள் நினைக்கவேண்டும். 

படம் நீங்கள் எடுத்ததாக இருக்கவேண்டும். 

போட்டி இறுதி தேதி : மார்ச் 18, மாலை ஆறு மணி. 

= = = = = = = = = = = = =