"திங்க"க்கிழமை : காரக்குழம்பு மசாலா பொடி - துரை செல்வராஜூ ரெஸிப்பி

 காரக் குழம்பு  மசாலாப் பொடி..

ஃஃ ஃஃ ஃஃ ஃஃ

குவைத்தில் சொந்த சமையலில் இருந்தபோது கைப்பக்குவமாக தயாரித்துக் கொண்ட - காரக் குழம்புக்கான  மசாலாப் பொடி...

தேவையான பொருட்கள்:

கடலைப் பருப்பு 4 Tbsp

உளுத்தம் பருப்பு 2 Tbsp

அரிசி 2 Tbsp  

மிளகு 1 Tbsp 

வெந்தயம் 3 Tbsp 

சீரகம் 5 Tbsp 

உலர்ந்த மல்லி 6 Tbsp

உலர்ந்த குண்டு மிளகாய் 10

கறிவேப்பிலை  5 இணுக்கு

கல் உப்பு தேவையான  அளவு

நல்லெண்ணெய் 2 Tbsp 

தேவையான பொருட்கள் 

காரக் குழம்பு 

செய்முறை :-

கறிவேப்பிலையை முதல் நாளே வெயிலில் உலர வைத்துக் கொள்ளவும்..

வாணலியை மிதமான சூட்டில்  வைத்து  நல்லெண்ணெய் விட்டு காய்ந்ததும்  மேற்குறித்த பொருட்களை ஒவ்வொன்றாக கல் உப்பு உட்பட  சிவக்க வறுத்துக் கொள்ளவும்.

மிளகாய் முதற்கொண்டு எந்தப் பொருளும் கருகி விடக்  கூடாது. 

வறுத்தெடுத்த பொருடகள் நன்றாக ஆறியதும்  முதலில் மிளகாயைப் பொடி செய்து கொண்டு -  அடுத்தடுத்து வறுத்த பொருட்களை  மிக்ஸியில் இட்டு  பொடி செய்து கொள்ளவும். 

அரைத்தெடுத்த பொடியை காற்று புகாத (Air tight container) கலனில் அதிக பட்சமாக மூன்று மாதங்களுக்கு சேமித்து வைத்திருக்கலாம்..

நான்கு பேருக்கான குழம்பு என்றால்  2 Tbsp மசாலாப் பொடி போதும். 

காரக் குழம்பு தாளிப்பதற்கு எப்போதும் தரமான நல்லெண்ணையையே பயன்படுத்தவும்..

ஃஃஃ