ரவை உப்புமா, ரவை பொங்கல், ரவை கிச்சடி, ரவை கஞ்சி வித்தியாசங்கள்?

 

ஜெயகுமார் சந்திரசேகரன் : 

உப்புமா ரவை எப்படி உண்டாக்கப்படுகிறது ? 

# சின்ன சோளம் என்று கடுகை விட பெரிதாக மிளகை விட சிறிதாக ஒரு தானியம் உண்டு. உப்புமா ரவை அதிலிருந்து தயாராகிறது. 

உப்புமா ரவையும் கோதுமை ரவையும் கோதுமையில் இருந்து உண்டாக்கப்படுவதுதான். ஆனால் நிறத்திலும், சுவையிலும், வித்தியாசமாக இருக்கின்றன ஏன்?

# மேலே கொடுத்துள்ள பதிலைப் பார்க்கவும்.

ரவை உப்புமா, ரவை பொங்கல், ரவை கிச்சடி, ரவை கஞ்சி வித்தியாசங்கள்?

# எல்லாவற்றையும் சாப்பிட்ட அனுபவம் இருக்கும்போது, வித்தியாசங்களைப் பிறர் சொல்லித்தான் தெரிந்து கொள்ள வேண்டுமா ?

& செய்முறையில் சேர்க்கப்படும் பொருட்களைப் பொருத்து சுவையில் வித்தியாசம் இருக்கும். இங்கு பட்டியலிடப்பட்டுள்ளவைகளில் எனக்குப் பிடித்த ஒரே தயாரிப்பு, ரவா கஞ்சி. காலையில் நடைப்பயிற்சி முடித்து வந்ததும், தோசை மாவு பதத்தில் ரவா கஞ்சி -  மோர் கலந்து உப்பு போட்டு, கடுகு பெருங்காயம், மோர்மிளகாய் தாளித்து, குடிப்பேன். ரவா கஞ்சிக்கு அடுத்தபடியாக எனக்குப் பிடித்தது ரவா கேசரி மற்றும் ரவா தோசை மட்டுமே!  

இனிப்பு உப்புமா ஏன் கேசரி என்று சொல்லப்படுகிறது?

# உப்புக் கேசரியை உப்புமா என்று சொல்வதால்தான்! 

கே. சக்ரபாணி சென்னை 28: 

இப்போதெல்லாம். பெரும்பாலான  கார்களில்   ஸ்டெப்னி இருப்பதில்லையே  கவனித்திருக்கிறீர்களா?  தங்கள் கருத்து என்ன? 

#  விற்பனை விலை குறைவாகக் காட்டும் உபாயம். மேலும் இப்பொழுது தொலைபேசியில் கூப்பிட்டாலே எல்லா பிரச்சினைகளையும் சரி செய்து கொள்ள முடிகிறது.‌ அந்த மாதிரியான சேவை செய்பவர்கள் முன்பு இல்லவே இல்லை. இப்பொழுது ஏராளமாக இருக்கிறார்கள்.

& நான்கு வருடங்களுக்கு முன்பு வரை, மோட்டார் வாகன சட்டப்படி, சாலைகளில் இயக்கப்படும் எல்லா வர்த்தக வாகனங்களுக்கும் உபரி சக்கரம் (ஸ்பேர் வீல்) பொருத்தப்படவேண்டும் என்ற சட்டம் அமலில் இருந்தது. 

2020 ஆம் ஆண்டு இந்திய அரசின் சாலைப் போக்குவரத்து & நெடுஞ்சாலை அமைச்சகம் ஒரு சட்டத் திருத்தம் வெளியிட்டது.  அதன்படி, ஏப்ரல் 2021 ஆம் ஆண்டு முதல் இந்தியாவில் விற்கப்படுகின்ற M1 வகை கார்களில் (3.5 டன் எடை & 9 இருக்கைகள் வரை உள்ள கார்கள் ) டயர் காற்று அழுத்த கண்காணிப்புக் கருவி மற்றும் டயர் பழுது பார்க்க ஏதுவாக உள்ள கிட் உள்ள, உள்ளே காற்றுக் குழாய் இல்லாத டயர் (tubeless tyre) பொருத்தப்படும் கார்களுக்கு உபரி சக்கரம் தேவை இல்லை என்று அறிவிக்கப்பட்டது. 

" Spare wheel not compulsory for all passenger vehicles - MoRTH

Cars equipped with a tyre pressure monitor, a tyre repair kit and tubeless tyres to be exempted from carrying a spare wheel." 

July 2020 : In a recent notification, the Ministry of Road Transport and Highways (MoRTH) has made an amendment to the Central Motor Vehicles Rules (CMVR), stating that passenger vehicles falling under the M1 category, subject to certain conditions, are not required to be sold with a spare wheel (from April 2021).

தற்காலத்தில் பெரும்பாலான கார்களில் tubeless tyre பொருத்தப்படுவதால் உபரி சக்கரம் பொருத்தப்படுவதில்லை. 

= = = = = = = =

KGG பக்கம் : 

பிப்ரவரி மாத புகைப்பட போட்டியும், பரிசும். 

கீழ்க்கண்ட விவரங்கள் பல தளங்களில் பிப்ரவரி 19 ஆம் தேதி வெளியிடப்பட்டது. 

 பக்கம் 1 

எங்கள் Blog

வலைப்பக்கத்தில், கடந்த பிப்ரவரி 5 அன்று

மாதம் ஒரு பரிசுப் போட்டி (link)

அறிவித்து,

உழைப்பே உயர்வு என்ற தலைப்பிற்கு,

வாசகர்கள் எடுத்த படங்கள்

கேட்டிருந்தோம்.

எங்களுக்கு வந்த படங்களை, அடுத்துள்ள பக்கங்களில் தொகுத்தளித்துள்ளோம்.

நீங்கள் ஒவ்வொரு படமாகப் பார்த்து,

எது முதல் பரிசுக்கு உரியது என்று தேர்ந்தெடுக்கவும்

இது சம்பந்தமாக ஒரு poll வெளியாகும் – அதில், நீங்கள் தேர்வு செய்த படம் வெளியாகியுள்ள பக்கம் எண்ணை குறிப்பிடவும்

மக்கள் தீர்ப்பே மகேசன் தீர்ப்பு.

மேற்கண்ட குறிப்புடன், மின்நிலா புத்தகங்கள் குழு, எங்கள் Blog வாசகர்கள் குழு மற்றும் மின்நிலா facebook பக்கம் எல்லாவற்றிலும் ஒரு வோட்டுப் பெட்டி திறந்து, எல்லோரும் வோட்டுப் போடும் வகையில், பிப்ரவரி 19 ஆம் தேதி முதல் பிப்ரவரி 24 ஆம் தேதி வரை, வோட்டுப் போட அவகாசம் அளித்தேன். 

வெளியிடப்பட்ட படங்கள் : 

பக்கம் 2 

 பக்கம் 3 

பக்கம் 4 

பக்கம் 5 

பக்கம் 6 

பக்கம் 7 

பக்கம் 8 

பக்கம் 9 

பக்கம் 10 

பக்கம் 11 

பக்கம் 12 

பக்கம் 13 

 மேற்கண்ட படங்களில், அதிக வோட்டுகளைப் பெற்ற படங்கள் பக்கம் 11 ல் வெளியாகியுள்ள படம் (நெல்லைத்தமிழன் அனுப்பிய படம்) மற்றும் பக்கம் 6 ல் வெளியாகியுள்ள படம் (ஸ்ரீராம் அனுப்பிய படம்) 

இதில் ஒரு வேடிக்கை என்ன என்றால், மேற்கண்ட இருவருமே தாங்கள் அனுப்பிய படங்களுக்கு வோட் போடவில்லை! வேறு ஒரு படத்திற்குத்தான் வோட் போட்டிருந்தனர்! 

பரிசு பெற்ற இருவருக்கும் பரிசுப் பணம் நாளை அனுப்பிவைக்கப்படும். 

இந்த இருவரோடு, போட்டிக்கு படங்களை அனுப்பி பங்கேற்ற 

எம் தில்லைநாயகம், 

கே சக்ரபாணி,  

கீதா ரெங்கன் 

பானுமதி வெங்கடேஸ்வரன், 

அனு ப்ரேம், 

பெயரிலா 

எல்லோருக்கும் நன்றி. 

= = = = = = = = = =

ஞாபகம் இருக்கட்டும். 

அடுத்த படப் போட்டியின் தலைப்பு " தெய்வீகம்" 

படங்களை அனுப்ப இறுதி தேதி 18.3.2025 மாலை 6 மணி. 

நீங்கள் அனுப்பும் படம் அதிக வோட்டுகள் பெறவேண்டும் என்றால், உங்கள் ஆதரவாளர்களை 

மின்நிலா புத்தகங்கள் வாட்ஸ் ஆப் குழுவில் சேர்க்கவும். 

link :  https://chat.whatsapp.com/FN6K62MKkXwLHfuzHTeCd1

நன்றி. 

அடுத்த வாரம் சந்திப்போம். 

 = = = = = = = = = = = =