நான் தரிசனம் செய்த கோவில்கள்: நெல்லைத்தமிழன் : வைரமுடி யாத்திரை 10

 

வைரமுடி யாத்திரை – ஹொசஹொலாலு, மாண்ட்யா – பகுதி 10

கோவில் வெளிப்புறத்தில் நூற்றுக்கும் மேற்பட்ட சிற்பங்கள் இருக்கின்றன என்று சொல்லியிருந்தேன். அதில் விஷ்ணுவின் சிற்பம் மாத்திரம் 20க்கும் மேல் இருக்கின்றன. இது தவிர, பிள்ளையார், மஹிஷாசுரமர்த்தினி, நடனமாடும் சரஸ்வதி போன்ற பல்வேறு சிற்பங்களும் இருக்கின்றன. இந்தச் சிற்பங்களின் செய்நேர்த்தி என்னை வியக்கச் செய்தது. இதுபோன்ற ஆனால் கடல் காற்றால் பழுதுபட்ட சிற்பங்களை நான், கங்க்ரோலி துவாரகையில் ருக்மணி கோவில் கோபுரத்தில் பார்த்திருக்கிறேன். ஹொசஹொலாலுவில் சிற்பங்கள் பெரும்பாலும் சேதமடையவில்லை. ஆனால் கங்க்ரோலி த்வாரகையில் சிற்பங்கள் உடைந்து, அரித்துக்கிடக்கின்றன.

நட்சத்திர வடிவில் கூர்மையாக முடியும் இடத்திலும் சிற்பங்களின் மேன்மை. 

லக்ஷ்மி நாராயணர் மற்றும் விஷ்ணு சிற்பங்கள். 

இன்னும் நிறைய படங்கள் உண்டு. ஒவ்வொரு படத்தையும் கூர்ந்து கவனித்தால், அதில் உள்ள சிற்பங்கள் என்ன என்ன என்பதை நீங்களே கண்டுபிடிக்கலாம். இதை எப்படித் திட்டமிட்டுச் செய்திருப்பார்கள், எவ்வளவு நாட்கள்/மாதங்கள் ஆகியிருக்கும், ஓரிருவர் வேலையா இல்லை மிகப் பெரும் குழுவா, முழு கோவிலும் இப்படித்தான் இருந்ததா இல்லை சில பல பகுதிகளை நாம் இழந்திருக்கிறோமா? இவ்வளவு அருமையான கலைச்சிற்பத் தொகுதியுடன் அமைந்த கோவிலுக்கு நுழைவாயில் பிரம்மாண்டமாக இல்லையே, கோவிலைச் சுற்றி புல்தரை மட்டுமே இருக்கிறதே என்றெல்லாம் பல கேள்விகள் நமக்கு எழும்.  அடுத்த வாரம் பார்ப்போமா?

(தொடரும்)