"திங்க"க்கிழமை : Schezwan Peas and Beans Fried Rice - JKC ரெஸிப்பி

 

Schezwan Peas and Beans Fried Rice

(by JKC)

வேண்டிய பொருட்கள்

1/ ஸ்செஸ்வான் சாஸ்,

2/ வடித்த புழுங்கல் அரிசி சோறு

3/ காய்கறி கடைகளில் கிடைக்கும் பச்சை பட்டாணி

4/ பச்சை பட்டர் பீன்ஸ்

5/ பச்சை சோயா பீன்ஸ்

6/ பச்சை நிலக்கடலை.

பச்சை பட்டாணி போன்றவை இல்லையேல் உங்கள் விருப்பத்திற்கேற்ப வேண்டிய உலர்ந்த பீன்ஸ் வகைகளை (ராஜ்மா, ஸ்வீட் கார்ன், சன்னா, பட்டாணி போன்றவை) எடுத்துக்கொள்ளுங்கள்.

சுவை கூட்ட முந்திரி, மற்றும் கிஸ்மிஸ் உபயோகிக்கலாம். அதே போல் வெங்காயம், சோயா சாஸ், ஸ்வீட் தக்காளி சாஸ் என்பவையும் சேர்க்கலாம்.

சோற்றுக்கு நான் உபயோகித்தது கர்நாடகா டீலக்ஸ் பொன்னி அரிசி

செய்முறை

ஒரு வாணலி அல்லது வோக்கை அடுப்பில் வைத்து இரண்டு ஸ்பூன் நெய் அல்லது எண்ணெய் ஊற்றிக்கொள்ளவும்.

வேக வைத்த பட்டாணி மற்றும் பீன்ஸ் வகையறாக்களை எண்ணையில் சிறிது நேரம் பச்சை வாசனை போகும் வரை வதக்கவும். முந்திரி கிஸ்மிஸ் சேர்ப்பதானால் அதையும் சேர்த்து கொள்ளவும்.

பின்னர் சோற்றை வாணலியில் சேர்த்து ஒரு பிரட்டு பிரட்டிக் கொள்ளவும்.

செஸ்ஸுவான் சாஸை கொஞ்சம் கொஞ்சமாக சேர்த்து தேவையான அளவு காரம் வந்தவுடன் நிறுத்தி உப்பு சேர்த்து நன்றாக பிரட்டிக்கொள்ளவும்.

இதற்கு தொட்டுக்கொள்ள ஜவ்வரிசி வடாம், lays, pringles, bingo, mad angles போன்ற சிப்ஸ் வகையறா, kurkure, fryums போன்றவை, அப்பளம், ரைத்தா, ஓமப்பொடி, காராபூந்தி போன்ற நம்கீண் வகையறா நன்றாக இருக்கும்.

இந்த வகை சோற்றில் பட்டை கிராம்பு போன்ற மசாலா பொருட்கள் இல்லை என்பதை கவனிக்கவும்.