"திங்க"க்கிழமை : உளுந்துப் பொடி - துரை செல்வராஜூ ரெஸிப்பி

 உளுந்துப் பொடி

*** *** *** *** *** *

முழு உளுந்து 200 கிராம்

கறுப்பு எள் 100 கிராம்

இரண்டையும் சுத்தம் செய்த பின் இரும்பு வாணலியில் மிதமான சூட்டில் தீய்ந்து விடாமல் தனித்தனியே வறுத்துக் கொண்டு ஆறியதும் மிக்ஸியில் ஒன்றாகப் போட்டு கரகரப்பாக அரைத்துக் கொள்ளவும்..

அவ்வளவு தான்.. 

வாரம் இரண்டு முறை இந்தப் பொடியில் 4 tbsp எடுத்துக் கொண்டு தேங்காய்த் துருவல் 2 tbsp, சுத்தமான (நாட்டுச்) சர்க்கரை 1 tsp சேர்த்துப் பிசைந்து உருண்டைகளாக்கிச் சாப்பிடலாம்.. தேங்காய்த் துருவலின் ஈரம் மட்டுமே போதும்..

வேறு ஒன்று:

பச்சைப் பயறு 200 கிராம்

வறுக்கப்பட்ட நிலக்கடலை

அல்லது பொட்டுக் கடலை 100 கிராம்

பச்சைப்பயறு சுத்தம் செய்த பின் இரும்பு வாணலியில் மிதமான சூட்டில் தீய்ந்து விடாமல் வறுத்து எடுத்துக் கொண்டு  - ஆறியதும் மிக்ஸியில்  அரைத்துக் கொள்ளவும்..

வாரம் இரண்டு முறை இந்தப் பொடியை 4 tbsp எடுத்துக் கொண்டு தேங்காய்த் துருவல் 2 tbsp , (விரும்பினால்) நாட்டுச் சர்க்கரை 1 tsp சேர்த்துப் பிசைந்து உருண்டைகளாக்கிச் சாப்பிடலாம்..

இவைகளுக்கு தேங்காய்த் துருவலின் இனிப்பே போதும்.. நாட்டுச் சர்க்கரை என்பது மேலதிக சுவைக்கே!..

" எதுக்குடா சாமி இந்தக் கஷ்டம்?.. கடலை மிட்டாயையும் எள் உருண்டையையும் காசு கொடுத்து வாங்கித் தின்று விடலாமே!.. " - என்று நினைப்பவர்களுக்காக -

இது இதுதான்..

அது அதுதான்!..

நம்முடைய நலம்

நம்முடைய கையில்!..

***