"திங்கக்கிழமை : கோஸ் குடைமிளகாய் பொரியல் / jamaican style sweet pepper and cabbage poriyal - ஏஞ்சலின் ரெஸிப்பி

இது ஜமைக்கன் நாட்டு ரெஸிப்பி ..  எங்க நண்பர் குடும்பம் ஒரு முறை செய்து தந்தாங்க . 

ஜமைக்கன் நாட்டு  மக்கள் நம்ம இந்திய உணவுகளை அதிகம் அவர்களின் சமையலில் சேர்ப்பாங்க .

இதன் சுவை மிகவும் பிடித்திருந்ததால் உங்களுடன் இங்கே பகிர்கின்றேன் :) 

ஒரிஜினல் ரெஸிப்பியில் உப்புக்கு பதிலா வெஜிடபிள் ஸ்டாக் கியூப்ஸ் மேகி என்று நினைக்கிறேன் 

அதை சேர்த்திருந்தார் நண்பி.  எனக்கு அஜினோமோட்டோ, மோனோசோடியம் க்ளூட்டமேட் போன்றவற்றை சமையலில் சேர்ப்பது பிடிக்காது.  ஆகவே அதற்குப்பதில் உப்பும் சோயா சாஸும் சேர்த்தேன் .

இந்த பொரியல் செய்வது மிக சுலபம்.  சப்பாத்தி, ரொட்டி, நான் வகைகளுக்கு தொட்டுக்கொள்ளலாம். 

மேலும் தயிர் சாதம் சாம்பார் சாதம் ரசம் சாதம் இவற்றுக்கு  உகந்த கூட்டு. .

தேவையான பொருட்கள்

--------------------------------------------- 

பொரியலுக்கு 

---------------------------

ஜூலியன் கட் ,மெலிதாக நீளவாக்கில் அரிந்த 

முட்டைகோஸ்...... 1 கப் 

சிவப்பு குடை மிளகாய் அல்லது ரெட் சில்லி பெப்பர் ..1/2 கப் 

தக்காளி ......1/2 கப் 

ஒரு சிறு பல் பூண்டு  பொடியாக grate செய்தது ..(இது அவரவர் விருப்பம் )

சீரகம் ...1/2 தேக்கரண்டி 

சோயா சாஸ் ...1/2 தேக்கரண்டி 

மிளகாய்த்தூள் 1/2 தேக்கரண்டி 

உப்பு ,எண்ணெய் தேவையான அளவு .

நான்  வெங்காயம் சேர்க்கவில்லை .(விருப்பமிருந்தால் சேர்க்கலாம் ) அதேபோல கடுகு மற்றும் மஞ்சள் தூளையும் சேர்க்கவில்லை .சேர்ப்பது optional .

 இந்த நீள சிவப்பு மிளகாய் இங்கே சூப்பர் மார்க்கெட்டில் கிடைக்குது பார்க்கத்தான் நெருப்பு நிறம் ஆனா சும்மா  பச்சையாவே கடிச்சி சாப்பிடலாம் காரமேயில்லை :)  (போலி மிளகாய் போல! - ஸ்ரீராம் )

இதை pizza அப்புறம் பாஸ்தாவில் சேர்ப்பதுண்டு .சும்மா வதக்கியும் சாப்பிடலாம் சீஸுடன் .

செய்முறை 

============

முதலில் அடுப்பை பற்றவைத்து கடாய் அல்லது சட்டியை வைத்து சிறிது எண்ணெய் ஊற்றவும் 

எண்ணெய் சூடானதும் அதில்  1 தேக்கரண்டி சீரகத்தை போட்டு வதக்கவும் ..

தீய விடாமல் லேசாக வதக்கும்போதே பொடியாக நறுக்கிய பூண்டு பல்லை போடவும் 

உடனே அதில் ஜூலியன் கட் போல் நீளவாக்கில் நறுக்கிய கோஸை சேர்த்து வதக்கவும் 

அத்துடன் கறிவேப்பிலையும் சேர்த்து வதக்கவும் 

இப்போ லேசா வதங்கி வரும்போது உப்பு மற்றும் மிளகாய்த்தூள் சேர்க்கவும் 

பிறகு நறுக்கிய குடைமிளகாயை சேர்க்கவும் 

மீண்டும் சிம்மில் வைத்து வதக்கிக்கொண்டே அரிந்த தக்காளித்துண்டுகளை சேர்க்கவும் .

சட்டியில் சமைப்பதால் சூடு எல்லாப்பக்கமும் சமமாக பரவுவதால் மூடி போட வேண்டிய அவசியமில்லை .

பிறகு 4 அல்லது 5  நிமிடங்களில்  காய்கள் அந்த சூட்டிலேயே வெந்தவுடன் அரை தேக்கரண்டி சோயா சாஸ் ஊற்றி  பிரட்டி இறக்கவும்  இறுதியில் கொத்தமல்லி தழை சேர்க்கலாம் .

இதை நெல்லைத்தமிழன் ரெசிப்பி ஜீரக ரசத்துடன் சாப்பிட்டோம் ..  மிகவும் அருமையான ருசி ..

நீங்களும் செய்து பாருங்கள் .


அன்புடன் ஏஞ்சல்.

[ சாப்பிடும் ஆசை வருகிறது.  சந்தர்ப்பம் எப்போது அமையுமோ.....! - ஸ்ரீராம்  ] 

தமிழ்மணம்.