கேட்டு வாங்கிப் போடும் கதை : பெண் பாவம் பொல்லாதது - அதிரா - சீதை 31

பெண் பாவம் பொல்லாதது!:)

இன்று செவ்வாய்க் கிழமை:) அதனால இன்று சேவல் கூவுவதற்குள் சீதை, ராமனை மன்னிச்சே ஆகோணும்:).. நான் சீதையின் கைல..விரல்ல:) விழுந்தாவது.. ராமனை மன்னிக்கச் சொல்லப் போகிறேன்:). அதுவரை அனைவரையும் அமைதி காக்கும்படி வேண்டுகிறேன்.. அமைதி.. அமைதி...:)

இங்கு நான் சொல்லப்போவது முழுக்க முழுக்க என் கற்பனைக் கதைதான் என்பதனை:), புஷ்பா அங்கிள் கடையில் விற்கும், புகை வராத கற்பூரத்தின் மேல் அடிச்சுச் சத்தியம் பண்றேன்:).. அதனால யாரும் இதை சரித்திரக் கதையோடு ஒப்பிட்டு மீயுடன் ஜண்டைக்கு:) வந்திடக்கூடாது என்பதனை முன்னமே ஜொள்ளி வைக்கிறேன்ன்:) பிக்கோஸ் மீ ஒரு “அப்பாவீஈஈஈஈ”:).

எனக்குப் பாருங்கோ அலட்டுவது பிடிக்காது:).. ஹா..(இங்கின ஒரு ஹா தான் போடோணும் என ஏகாந்தன் அண்ணன் சொல்லியிருக்கிறார்:)).. அதனால ஸ்ரெயிட்டா என் பிரசங்கத்தை ஆரம்பிக்கிறேன்:)..

ஆவ்வ்வ் மேடையில் லைட் போதாது, நான் கஸ்டப்பட்டுச் செய்த மேக்கப் தெரிய வாணாமோ?:).. பிங் லைட்டாப் போடுங்கோ அப்போதான் மீ பிங்கியாத் தெரிவேன்:)..

நான் இங்கு சொல்லப் போவது “அதிர-பதம்”.. வருங்காலத்தில் இது ஸ்கூல் சிலபஸ் ல:) சேர்க்கப்படலாம்:), எனவே நோட் எடுக்க விரும்புவோர் எடுத்துக்கோங்க.. “நா ஒண்ணும் வாணாம் சொல்ல மாட்டேன்”:).

()()()()()() _()_ ()()()()()()

வணக்கம் _()_ அன்பு நெஞ்சம் கொண்ட எங்கள்புளொக் வாசகர்கள்.. பெரியோர்கள், அம்மா, ஐயா, அக்கா, அண்ணா, தம்பி.. அனைவருக்கும்:).{இங்கு எனக்கு தங்கை கிடையாது:) மீ மட்டும்தான் தங்கை:)}  சரி சரி முறைக்காதீங்க:).

உண்ட மயக்கத்திலே, சற்றுக் கண்களை மூடிக்கொண்டிருக்கும் சீதாவுக்கு எல்லாமே கனவுபோலத் தெரிகிறது... கண்மூடித் திறப்பதற்குள்... எத்தனை பிரச்சனைகள்.. எத்தனை சோதனைகள் எத்தனை அனுபவங்களைச் சந்தித்து வந்தாயிற்று..

அன்று “அண்ணலும் நோக்கினான் அவளும் நோக்கினாள்” என்பதில் ஆரம்பிச்ச பயணம்:) இன்று லவ..குஸா வுடன் அழகிய குட்டிக் குடும்பமாகி நிற்கிறது.

நாம் யாருடனோ பேசும் போது.. நோக்கினேன் எனச் சொல்வது தப்பாம், நோக்குதல் என்பது, அடையவேண்டும் எனும் ஆசையோடு பார்த்தலாம், எனவே ஒரு பெண்ணை/ஆணை பார்த்தேன் அல்லது கண்டேன் எனச் சொல்வதுதான் சரியாம்.

கண்ணை மூடிய சீதாவின் மனதில், முனிப்பாட்டி சொன்னவைகள்  ஓடத் தொடங்கின..!!!!..

சீதைக்குப் பல நாளாக மனதிலே இருந்த கவலை யாதெனில், தானோ ராமனோ மனதறிந்து தவறு செய்தவர்கள் அல்ல.  அனைத்தாலும் சிறந்தவர்கள், அனைவராலும் விரும்பப்படுபவர்கள்.  அப்போ தமக்கு ஏன் இவ்ளோ துன்பங்கள் வாழ்வில் வந்தன என்பதே.  அதற்கு, முனிப்பாட்டி:) ஒரு சரித்திரத்தையே அவிட்டு விட்டா...

ராமன், விசுமாமா என்றொருவரால்,  தன் அம்பை எய்து “தாடகை” எனும் பெண்ணைக் கொன்றார்.  பெண்ணை நான் கொல்லேன் என்றுதான் ராமன் சொன்னார், ஆனா விசுமாமாதான், 'அது உருவம்தான் பெண் ,  உள்ளம் பேய் அதனால் தயங்காதே கொன்றுவிடு'  எனச் சொன்னார்..  “சிலரின் வார்த்தைகள் சுடும்”.. அதுபோல ராமனின் அம்பும் சுட்டுக்கொண்டு போய் தாடகையைக் கொன்றது..  ராமனின் துன்பத்திற்கான முதல் அத்தியாயம் அங்கு ஆரம்பமானது.

அடுத்து, “மந்தரை” என்றொரு பாட்டி இருந்தா, அவவுக்கு முதுகு கூனலாக இருக்கும், அதனால் அவவைக் கூனி எனவும் அழைப்பார்கள். ராமன் மண்கட்டிகளால், அந்தக் கூனல் முதுகில் அடித்து விளையாடுவார், அதனை விளையாட்டாகவும் நகைச்சுவையாகவும் நினைத்தார் ராமன்.

ஆனால் ஒருவரின் உணர்வுகளோடும், குறைபாடுகளோடும், கிண்டல் கேலி பண்ணி விளையாடுவது நகைச்சுவை ஆகாது.   இதனால் கூனி மிகவும் வருந்தினா மனதில்.  அவவால் ராமனை எதிர்த்துப் பேச முடியவில்லை..  “மண்கட்டியால் என்னை அடித்துக் கேலி பண்ணுகிறாயா?  உனக்கு மண்ணே இல்லாமல் பண்ணுகிறேன் பார்” எனச் சாபம் கொடுத்தார்...  அதனால் ராமன் நாடிழந்து காட்டுக்குப் போனார்.

அந்த அடர்ந்த காட்டிலே ஒரு குடிசை..   குடிசையின் உள்ளே பெரீய பார்த்றூம்.. அதன் ஷவரை திறந்துவிட்டு, சீதா குளிச்சுக் கொண்டிருக்கிறா, அது பெரீய காடு என்பதால் கொடிய மிருகங்கள் ஏதும் வந்துவிடக்கூடும் எனும் பயத்தில், குடிசையின் வாசலில் இருக்கும் கதிரையில், ராமன் இருக்கிறார் காவல்போல.

ராமன் அழகான வாலிபன், கம்பீரமான தோற்றம், பெண்களை மனதாலும் தப்பாக நினைக்காத கற்புக்கு அரசன்...   ஆனால் கொஞ்சம் விளையாட்டுப் பிள்ளை:).

தனியே வாசலில் இருந்த ராமனுக்குப் பொழுது போகவில்லை:).   இந்நேரம் அவ்வழியால் போய்க் கொண்டிருந்த சூப்பனா எனும் ஒரு அக்கா, ராமனைப் பார்த்து விடுகிறா.  அவ அரக்கர்கள் குலத்தைச் சேர்ந்தவ, அசிங்கமான தோற்றத்தை உடையவ..   பார்த்ததும்..  'அடடா இவ்ளோ அழகான வாலிபனா? அதுவும் இக்காட்டில்?' என நினைச்சு அவவுக்கு காதல் அரும்பி விடுகிறது.

சீதை..,  ராமனின் உள்ளத்தைக் காதலிச்சா, ஆனா இந்த சூர்ப்பனாவுக்கு வந்தது உடல் கவர்ச்சி..  அதனால், தன்னை ஒரு மிக அழகிய தேவதைபோல மாற்றி, நேரே ராமனிடம் வருகிறா...

வந்து காதல் மொழிகள் பேசி, தன்னை மணந்துகொள் என்பதுபோல பேசுகிறா. இந்த சூப்பனா அக்காவுக்கு ராமன் திருமணமானவர் என்பது தெரியாது, அதனால அவ ஆசைப்பட்டதில் தப்பில்லைத்தானே?.

ஆனா, இந்த ராமன் என்ன பண்ணியிருக்கோணும், உடனேயே சொல்லியிருக்கோணும்..  'பெண்ணே எனக்குத் திருமணமாகி விட்டது, நீ வேறு ஆளைப்பார்' என:).   ஆனா இவர் அப்படிச் சொல்லாமல் ரைம் பாஸ் பண்ணலாமே என எண்ணிப் பேசிக்கொண்டிருந்திருக்கிறார்..

திடீரென ஷவர் ஓவ் ஆனதும், சீதை குளித்து முடிச்சிட்டா என எண்ணி, அவசரமாக, “உன்னை என்னால் மணம் முடிக்க முடியாது, ஆனா அதோ பார் என்னை விட அழகான வாலிபன் “லக்கு” அங்கிருக்கிறான் போய் அவனோடு பேசிப்பார்”.. எனச் சொல்லி தன் தம்பி லக்கு விடம் அனுப்பி விடுகிறார்..   தம்பி படு கோபக்காரன், இவவை ஏதும் பண்ணி விடுவான் என நன்கு தெரிஞ்சே அங்கு அனுப்பினார்.  இவ்விடத்தில் ராமன், சூப்பனாக்கா ஒரு பெண் என்பதால் நகையாடினார், அத்தோடு லக்குவிடம் போய்க் கேள் எனச் சொல்லியது மிகப் பெரிய தப்பு, தானே?  இங்கிருந்து சென்றுவிடு எனச் சொல்லியிருக்கலாம்.

அதை நம்பி சூப்பனா அக்கா லக்குவிடம் போய் காதல் மொழி பேச... லக்குவுக்கு கோபம் அதிகமாகி, அந்தக்காவின் மூக்கை வெட்டி அனுப்பி விடுகிறார். ஒரு பெண்ணுக்கு லட்சணம் கொடுப்பது மூக்கும் முழியும்தான், அந்த அழகையே கெடுத்து விட்டாரே,  இதுக்கெல்லாம் காரணம் ராமன்தான் என சூர்ப்பனாக்கா ராமனுக்குச் சாபம் கொடுத்து விடுகிறார்.
அதாவது “ஒரு பெண் என்பதால் கிண்டல் பண்ணி விட்டாயே, உனக்குப் பெண்ணே இல்லாமல் பண்ணுகிறேன் பார்” என...  அதனால்தான் சீதையைப் பிரிய நேர்ந்தது.

”பொதுவாகப் பெண்கள், எதில் மிக ஆழமாக, ஆர்வமாக, அன்பாக இருக்கிறார்களோ, அவர்கள் மனம் ஒடியும்போது, அதன் எதிர்ப்பக்கமாக, அதைத் தூக்கி எறிந்து, எக்ஸ்றீம் லெவலுக்குப் போகக்கூடியவர்கள்”:).

இப்படி இந்த மூன்று பெண்களின் சாபத்திற்கும் ஆளானமையாலேயே, உங்கள் இருவருக்கும் இவ்ளோ துன்பம் நேர்ந்தது... எனக்கூறி, முனிப்பாட்டி மெல்லிய நெருப்பைக் கொழுத்தி, சீதைமேல் போட்டு விட்டா. அது இப்போ கொழுந்து விட்டு எரியத் தொடங்கியது.

இப்படிப்பட்டவரா ராமன்?,  இவரோடா இத்தனை துன்பங்களையும் அனுபவித்துக் கொண்டு குடும்பம் நடத்துகிறேன்?  இப்படி ஒரு வாழ்க்கை எனக்குத் தேவை இல்லை,  இப்பவே நான் என் பிறந்த வீடு செல்லப்போகிறேன்,  ராமனுக்கு டிவோஸ் நோட்டீஸ் அனுப்பப்போகிறேன் என மனதால பொங்கிய வேளை...

இரு கரங்கள் மெதுவாக சீதையின் தோளைத் தொட்டன.. கண் திறந்து பார்த்தால், புன்னகையோடு ராமன்.

நடந்தவற்றை எல்லாம் சொல்லி,  'கையை எடுங்கள்.. எனக்கு விடுதலை தாருங்கள், நான் என் அம்மா வீட்டுக்கே போய் விடுகிறேன் ...'   என்றா சீதை.

ராமன் மிக அமைதியாக,  'இங்கே பார் சீதா!.. நமக்கு இரு குழந்தைகளும் ஆகிவிட்டது, இப்போ போய் டிவோஸ் ஆ?:).. அதெல்லாம் பழையகதை சீதா, அதை மறந்து விடு' என்றார்.

அதை எப்படி மறப்பது?:).. “ஆண்கள் செய்யும் தவறுகளைப் பெண்கள் ஒருபோதும் மறக்க மாட்டார்கள் என, புளொக்கிலே ஒருவர் நோட்டீஸ் ஒட்டியிருக்கிறார், அப்போ இதை நான் மறந்தால், அவரின் நோட்டீஸ் பொய்யாகிடாது?:)”.. என்றா சீதை..:).

"அவரை விடு சீதா:), நான் சொல்வதைக் கேள்.. ராமன் எனும்எனக்கு இவ்ளோ பெரிய மதிப்புக் கிடைத்தது , என்னால் என்றா நினைக்கிறாய்?..   சத்தியமாக இல்லை, எனக்குக் கிடைத்த புகழ், பெருமை, கெளரவம் அத்தனையும், உன்னால்தான் கிடைத்தது சீதா..."

"உலகில் பல ராமன்களைக் காட்டலாம், ஆனால் ஒரு சீதையைக் காட்டுவதென்பது மிகப்பெரிய கஸ்டம்.."

 “ஒரு கணவனுக்கு அமையும் மனைவி, மிக நல்லவவாக, ஒழுக்கமுடையவவாக, அன்பாலும்  அறிவாலும் சிறந்து விளங்குவதால் மட்டுமே, அக்கணவனுக்குப் பெருமை, அக் கணவனால் தலை நிமிர்ந்து நடக்க முடியும்.  ஒரு ஆண் மிக நல்லவர், வல்லவர், ஒழுக்கமானவராக இருப்பினும், அவரது மனைவி ஒழுக்கமின்றி இருப்பின், அவ் ஆணால் தலை நிமிர்ந்து நடக்க முடியாது”.

அதனால்தான் சீதா, என் பெயரோடு உன்பெயரையும் இணைத்து வைத்தேன்.. சீதாராமன், வைதேகிராமன், ஜானகிராமன், லக்ஸ்மிராமன் இப்படி. இப்போ சொல் சீதா என்னை மன்னிக்க மாட்டாயா?..."

செண்டிமெண்ட்டுக்கு அடிமையானவர்கள்தானே பெண்கள்:),  சீதா மட்டும் விதிவிலக்கா என்ன?:)..

"மன்னிப்பதென்ன.. நான் பழசை எல்லாம் மறந்தே விட்டேன், இனிமேல் அதுபற்றிப் பேசமாட்டேன்.. " எனக்கூறி, கண்ணால் ஜாடை காட்டி, சீதா, ராமனை மன்னித்தா:).. சீதாவும் ராமனும் நல்ல கணவன் மனைவி மட்டுமல்ல, நல்ல நண்பர்களும்தான்:).

ஊசிக்குறிப்பு:

 “நல்ல நண்பர்கள் மறப்பார்கள்..  நம்மை அல்ல நாம் விட்ட தவறுகளை.. அதனை நாம் உணர்ந்து வருந்தும்போது”.... இவ்வரிய தத்துவத்தை, உங்களுக்காகக் காவி வந்தவர், 

உங்கள் பேரன்புக்கும், பெருமதிப்பிற்கும் உரிய புலாலியூர்ப் பூஸானந்தா அவர்கள்:)..

[ஆவ்வ்வ்வ்வ் பென்சில் பேப்பர், நோட்புக் என பல எடுத்து, பலபக்கத்தாலும் தொகுத்து, கிட்டத்தட்ட ஒரு புரொஜக்ட் ஆகவே இதை செய்து முடித்தேன் என்பது.. அந்தப் பரம் பொருளுக்கே வெளிச்சம்:)].. நன்றி வயக்கம் _()_.







தமிழ்மணம்.