அலுவலக அனுபவங்கள் ; நண்பர் வாங்கிய லஞ்சம்

அது 1970 களின் பிற்பகுதி.  

வீட்டுவசதி வாரியத்தில் ஒரு வீடு விலைக்கு வாங்க ஏற்பாடுகள் நடந்துகொண்டிருந்தது.  சொந்த வீடு ஒன்று வந்துவிட வேண்டும் என்கிற எண்ணத்தில் வாசு அலைந்து கொண்டிருந்தார்.  அவர் வேலை பார்ப்பது ஒரு மலைவாசஸ்தலத்தில் எனினும் வீடு இந்த ஊரில் வாங்கக் காரணம் இங்குதான் விளம்பரம் வெளியிடப்பட்டு விற்பனை நடக்கிறது, இது அவர் மாமனார் ஊர்.

அன்று ஊரிலிருந்து வந்த வாசு மாமனார் பாலுவை சம்பந்தப்பட்ட அலுவலகத்துக்கு உடன் வரச்சொல்லி அழைத்தார்.

"நான் எதுக்கு வாசு?  நீயே போயிட்டு வந்துடேன்..."

"அட, லஞ்சம் கொடுக்கணும் மாமா...  எனக்கு எப்படி, என்ன செய்யறதுன்னு தெரியலை.  நீங்களும் வாங்க..."

"எனக்கு மட்டும் லஞ்சம் கொடுத்துக் கொடுத்துப் பழக்கமா என்ன?  கைகால் எல்லாம் உதறுது..  நீயே போயிட்டு வந்துடேன்...  எனக்கு வாங்கியும் பழக்கமில்லை, கொடுத்தும்  பழக்கமில்லை"

"நான் மட்டும் என்ன மாமா?  தினசரி அஞ்சு பேருக்கு லஞ்சம் கொடுத்துக்கிட்டு, ஆறு பேர் கிட்ட வாங்கிட்டு பழகி இருக்கேனா?  கொடுக்காம நடக்காது...  வாங்க..."

இருவரும் பாலம் தாண்டி அந்த அலுவலகத்தை அடைந்தார்கள்.  குறிப்பிட்ட அறைக்குள் நுழையும் முன்பு உள்ளே இருந்தவரைப் பார்த்த பாலு பின்வாங்கினார்.

"இவரா உன்னிடம் லஞ்சம் கேட்டார்?"

"ஆமாம்... ஏன்?"

"வாசு..  இவர் தீர்த்தலிங்கம்..  எனக்குத் தெரிந்த நண்பர்.."

"நல்லதாப் போச்சு..  குறைக்கப் பார்க்கலாம்... வாங்க"

"வேணாம் வாசு..  நீ உள்ளே போய்க் கொடுத்துட்டு  வா...  நான் இங்கேயே இருக்கேன்...  உனக்குத் தெரியாததா?  வேலை நடக்கணும்" -  இது மாதிரி சமயங்களில் இவர்களிடம் லஞ்சம் வாங்கவும் முடியாமல், வரவை விடவும் முடியாமல் ஏதாவது சாக்குபோக்கு சொல்லி வேறொருவருக்கு வேலையை முடித்துக் கொடுத்து விடுவார்கள் இதுமாதிரி ஆட்கள்.  அந்த அனுபவம் ஏற்கெனவே இவருக்கு தன்னுடைய அலுவலகத்திலேயே உண்டு.

எனவே பாலு வெளியிலேயே காத்திருக்க, வாசு வேலையை முடித்துவிட்டு வெளியே வந்தான்.

பாலுவுக்கு மனசே ஆறவில்லை.  'இவரா இப்படி!  என்று சொல்லிக் கொண்டே இருந்தார்.

அந்த வாரம் ஊருக்குச் சென்று விட்டு பத்து நாட்கள் கழித்து மறுபடி ஒரு வேலையாய் வாசு வந்தபோது பாலு புன்னகையுடன் வரவேற்றார்.

சிரமபரிகாரங்கள் முடிந்து பேசிக்கொண்டிருந்தபோது பாலு சொன்னார்.

"உன் கிட்ட லஞ்சம் வாங்கினார் இல்லையா?  அவர் நான்கு நாட்களுக்கு முன்னால் இங்கு வந்திருந்தார்...  நீ அவருக்கு எவ்வளவு கொடுத்தே?"

"இரண்டாயிரம்..  ஏன்?  அவர்கிட்ட ஏதும் கேட்டு விட்டீர்களா?  ஐயோ..."

"சேச்சே...  இல்லை வாசு...  அப்படிச் செய்வேனா?  வேறு ஏதோ வேலையாய் வந்தவர் வாசலில் நான் உட்கார்ந்திருப்பதை பார்த்ததும் நின்று பேசிவிட்டுப் போனார்.  விஷயம் என்னன்னா..  உன்கிட்ட பணம் வாங்கினார் இல்லையா?  அன்னிக்கி சாயந்திரமே அவரோட புது சைக்கிள் தொலைந்துபோச்சாம்...  சொல்லிட்டிருந்தார்.  அன்னிக்கிதான்னு  அவர் சொன்னதிலிருந்து புரிஞ்சுக்கிட்டேன்.  'என் மாப்பிள்ளை கிட்ட வாங்கினே இல்ல..  அதான்னு நினைச்சுக்கிட்டேன்"

"அது சரி, என்கிட்டே மட்டுமா வாங்கியிருப்பார்?  எவ்வளவு பேர்கிட்ட வாங்கி இருப்பார்?  ஒரு சைக்கிள் போச்சு.. அவ்வளவுதானே?  விடுங்க மாமா..." 

உள்ளே சென்ற வாசு திரும்பிப் பார்த்து, "புது சைக்கிள்ன்னா சொன்னீங்க?  பாவம்" என்று உள்ளே சென்றான்.

"நியாயம் இவருக்கு மட்டும் கிடைச்சா போதுமாப்பா?"

================================================================================

நம்முடைய நாட்டில் நீராடுவதிலும், நீரை உண்ணுவதிலும் பெரியவர்கள் மிகவும் கவனமாக இருப்பார்கள். "புறந்தூய்மை நீரான் அமையும்" என்று வள்ளுவர் சொல்லி இருக்கிறார். ஆதலால் நாள்தோறும் நீராடலை இன்றியமையாத கடமையென்று விதித்து இருக்கிறார்கள்.

விடியற்காலையில் எழுந்து நீராடுவது மிகவும் உத்தமமானது. விடியல் நான்கு மணி முதல் ஐந்து மணிக்குள் செய்யும் ஸ்நானத்தை ரிஷி ஸ்நானம் என்பார்கள். இது உத்தமம். ஐந்து மணிக்குமேல் ஆறரைக்குள் செய்வது மனித ஸ்நானம். இது மத்திமம். அதற்குப் பிறகு செய்வது ராட்சச ஸ்நானம். இது அதமம்.

சூரியன் உதித்தபிறகு நீராடுவது சிறப்பன்று.

- ஸ்ரீ ராமச்சந்திர டாங்க்ரே -

கலைமகள் பிப்ரவரி 1971 இதழிலிருந்து....

"தம்பி...  கவிதை இன்னும் வரல....."

===========================================================================================================================

முன்பு முகநூலில் கேட்ட கேள்விதான்.  அடுத்து வரும் இரண்டு படங்களும் எந்தெந்தக் கதைக்கான படங்கள்?  கீதா அக்கா....  இரண்டாவதை  நீங்கள் சொல்லி விடுவீர்கள்.

"ஈஸியான கேள்வியாவே கேக்குது பயபுள்ள...  நல்லா இருப்பா...  நல்லா இரு!"

========================================================================================

 என்னாது...  ஸ்ரீராமோட கவிதை இல்லையா?  

+++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++++



தமிழ்மணம்.