"தெய்வீகம்" என்ற தலைப்பிற்கு வாசகர்கள் அனுப்பிய படங்கள்!

 

நெல்லைத்தமிழன்:  

1. தமிழ்மணம் என்று ஒன்று இருந்தபோது மாய்ந்து மாய்ந்து அடுத்தவர்களின் பதிவுகளையும் படித்த பிளாக் எழுத்தாளர்கள், இப்போது அப்படிப் படிப்பதுபோலவே தெரியவில்லையே. அப்படி என்றால் அப்போது படித்ததே சுயநலம் காரணமாகத்தானா?   

& தமிழ்மணம் காலம் எல்லாம் தமன்னா காலம் போல பொலிவிழந்துவிட்டது. ஆனால் அந்தக் காலத்தில் கூட பதிவைப் படிக்காமலேயே தமிழ்மணம் வோட்டுப் போட்டவர்கள் பலர். மேலும் அந்தக் காலத்தில் தமிழ்மணம் grading கொஞ்சம் திப்பிசங்கள் நிறைந்தவைகளாக இருந்தன என்பது என் அபிப்பிராயம். 

Blog காலத்தை, facebook களவாடிவிட்டது. சிலர் மட்டுமே இன்னும் blog படிப்பவர்களாக தொடர்கின்றனர். facebook, யுட்யூப், whatsapp ஆகிய தளங்கள் blog தளத்தை முடக்கிவிட்டன. 

2.  பிளாகுகளில் நீங்கள் காலையில் முதலில் பார்க்கும் பிளாக் எது?  

#, & , * : இதில் என்ன சந்தேகம்? எங்கள் Blogதான்! 

3. உங்களை இப்போதும் உயிர்ப்புடன் இயங்கவைக்க நீங்கள் கடைபிடிக்கும் பழக்கங்கள் என்ன என்ன?    

# தினசரி சுமார் மூன்று கிலோ மீட்டர் நடை. மூச்சுப் பயிற்சி. இரண்டு வேளை தியானம்.

& பச்சைத் தண்ணீர்க் குளியல், பச்சைக் காய்கறிகள், பச்சைப் பழங்கள் உண்பது, பச்சைப் புல் தரையில், பச்சை மரங்கள் சூழ்ந்த பார்க்கில் பத்து கிலோ மீட்டர் நடப்பது என்றெல்லாம் எழுத ஆசை! ஆனால் அப்படி எல்லாம் எழுதினால் அது பச்சைப் புளுகு ஆகிவிடும்! 

4.  நாய் வளர்ப்பதன் காரணம் என்ன? ஒரு காரணமா இல்லை பல காரணங்களா? எனக்கு 'பந்தா' என்ற ஒரு காரணம் தவிர வேறு தென்படமாட்டேன் என்கிறது. 

# சிலருக்கு நாயோடு விளையாடுவது, கொஞ்சுவது, நாய் நம் மேல் குதித்து விளையாடுவது, இவை பிடிக்கிறது. எனக்குப் பிடிக்காது என்பதால் இவர்களுக்கு ஏன் பிடிக்கிறது என்று எனக்கு சொல்லத் தெரியவில்லை .

நம் மீது அன்பு காட்டும் பிராணி மீது நாம் அன்பு கொள்வது புரிந்து கொள்ளத்தக்கதுதான்.

& எவ்வளவு யோசித்தாலும், எனக்கும் பிடிபடாத விஷயம், இந்த நா வ சமாச்சாரம்தான். சிறு வயதில், நானும் நாய்க்குட்டி வளர்க்க ஆசைப்பட்டது உண்டு. பக்கத்து வீட்டு நண்பர், அவர்களின் வீட்டு நாய் போட்ட குட்டி ஒன்றை  எங்கள் வீட்டுக்குக் கொடுத்தார். கொட்டங்கச்சியில் வைத்த பாலை மடமடவென்று நக்கிச் சாப்பிட்டது. அப்புறம் ஒரு மூலையில் போய்ப் படுத்துக்கொண்டது. மீண்டும் பால் அல்லது சாதம், மீண்டும் முடங்கல். இரவு நான் தூங்கியபிறகு, மெல்லிய குரலில் அழுதுகொண்டே இருந்தது. மறுநாள் நான் பள்ளிக்கூடம் போயிருந்த சமயம், என்னுடைய அம்மா, அதை பக்கத்து வீட்டாரிடம் திருப்பிக் கொடுத்துவிட்டு கும்பிடு போட்டுத் திரும்பிவிட்டார். 

" எங்கே அம்மா அந்த நா கு ?"

" எதுக்குடா அந்த சனி! எப்போ பார்த்தாலும் வாலை பின்னங்கால்களுக்கு நடுவே மடக்கி வைத்துக்கொண்டு சோம்பேறித்தனமா படுத்துகிட்டு இருக்கு. ராத்திரி தூங்கவிடாம அழுதுக்கிட்டே இருக்கு. அந்த சனியனை பிறந்தவீட்டுக்கே அனுப்பிவிட்டேன். "

அப்போது அந்த ஆசை இருந்தது! ஆனால் இப்போ, யாராவது ஒரு நாயையும் கொடுத்து அதை வளர்க்க மாதம் இருபதாயிரம் ரூபாய் கொடுக்கிறேன் என்றாலும் வேண்டாம் என்று சொல்லி ஓடிவிடுவேன். 

( நான் ஆராய்ச்சி செய்துள்ள ஒரு விஷயம் : 'நாய் வளர்க்கும் வீடுகளில் உள்ள பையன்கள் (பெண்கள் அல்ல, பையன்கள்) கொஞ்சம் மக்குகளாக இருக்கின்றனர்!' 

5.  நன்றாக விதவிதமான இட்லி/தோசை மாவு- ராகி இட்லி, பெசரட், இட்லி/தோசை மா, அடை, வெந்தயக்கீரை தோசை என்றெல்லாம், ரொம்ப அதிக விலை இல்லாமல் கிலோ 60 ரூபாய்க்குக் கிடைக்கும்போது, அதுபோல இடியாப்பமும்,  எதற்கு வீட்டில் கஷ்டப்பட்டு அரைத்து, அலம்பி என்றெல்லாம் உழலவேண்டும் என்று நினைத்திருக்கிறீர்களா?

# பல உணவு வகைகள் நியாயமான விலைக்கு வெளியில் எளிதாகக் கிடைக்கிறது என்பது உண்மைதான். என்றாலும் அவை தயாரிப்பில் காட்டப்படும் சுத்தம் நம்மால் சரி பார்க்கப்பட  முடியாத ஒன்று. 

அதிக அளவில் தயாரிக்கப்படும் உணவு வகைகளில் சில சமயம் சரியான சுவை இருப்பதில்லை என்பதும் உண்மை.

& என் வீட்டு சமையல் உதவியாளர், சுலபமாக இடியாப்பம் செய்கிறார். குறுகிய நேரத்தில் மாவு தயார் செய்து, அதை இடலித் தட்டுகளில் இடியாப்பமாகப் பிழிந்து, ஆவியில் வைத்து எடுத்துவிடுகிறார்! அதற்கு தேங்காய்ப்பால் தயார் செய்து, ஸைட் சப்போர்ட் ஆகக் கொடுக்கிறார்! 

6. ப்ரார்த்தனைக்கு மதிப்பா இல்லை ஸ்லோகத்துக்கு மதிப்பா? தன் கஷ்டத்துக்கு மனமுருகி ஒருவர் பாடல் எழுதுகிறார் அவருக்குச் சரியாகிவிடுகிறது என்று வைத்துக்கொள்ளுங்கள். மற்றவர்களும் அந்தப் பாடலைப் பாடினால் கஷ்டம் சரியாகிவிடுமா?

# பிரார்த்தனை செய்வது  ஆகட்டும், ஸ்லோகம் சொல்வது ஆகட்டும், இரண்டுக்கும் பலன் என்பது ஏற்படும் போது , அது தற்செயல் இல்லை என்று நாம் நினைக்கிறோம். 

இதில் ஒன்று உயர்வு, ஒன்று தாழ்வு என்று இருப்பதற்கு இடமில்லை. மனம் உருகிச் செய்யப்படுகிறதா என்பது தான் அளவுகோல் என்று பொதுவாக சொல்லப்படுகிறது.

பிரார்த்தனை பலித்தால் இறை அருள் என்றும் அது பலிக்காவிட்டால் நமது பூர்வ ஜென்ம பாபம் அது பலிப்பதற்கு தடையாகி விட்டது என்றும் நம்பி நம்மை நாமே சமாதானம் செய்து கொள்கிறோம். நமக்கு எது மன அமைதி தருகிறதோ அதனை நாம் நாடுவது இயல்புதானே.

6. கங்கையில் குளித்தால் பாவம் தீரும், கும்பமேளாவின்போது மூழ்கி எழுந்தால் பாவம் தீரும் என்பது நம்புபவர்களுக்கு மட்டுமா இல்லை எல்லோருக்குமா?

# பாவங்களை தீர்க்கும் புண்ணிய தீர்த்தங்களாக நமது கும்பகோணம் மகாமகக் குளம் உட்பட பல தீர்த்தங்கள் நமது சம்பிரதாயத்தில்தில் குறிப்பிடப்பட்டிருக்கின்றன. அவைகளில் உன்னத ஸ்தானம் வகிப்பது கங்கை. 

இதெல்லாம் " நம்பினவருக்கு நடராஜா " வகையான விஷயங்கள். 

பாவங்கள் தீருகின்றனவோ இல்லையோ நமக்குத் தெரியாது. ஆனால் அப்படி நடக்கும் என்கிற அதீத நம்பிக்கையையும் ஒரு மன நிறைவையும் கோடிக்கணக்கான மக்களுக்கு அளிக்கிறது என்பதில் ஐயத்திற்கிடமில்லை.

= = = = =

KGG பக்கம் : 

இன்றைய பதிவில், "தெய்வீகம்" என்ற தலைப்பிற்கு, வாசகர்கள் அனுப்பிய 14 படங்கள் இங்கே கொடுத்துள்ளேன். 

எல்லாவற்றையும் நீங்கள் பார்த்து, தெய்வீகம் என்ற தலைப்பிற்கு ஏற்ற ஏதாவது இரண்டு படங்களை மட்டும் கருத்துரையில் குறிப்பிடவும். 

ஒவ்வொரு படத்தின் வடகிழக்கு மூலையில் அந்தப் படத்தின் எண் குறிப்பிடப்பட்டுள்ளது. 

நீங்கள் தேர்ந்தெடுக்கும் படங்களுக்கு காரணம் எதுவும் குறிப்பிடவேண்டிய அவசியம் இல்லை. 

இதே படங்கள் எங்கள் Blog வாசகர்கள் whatsapp குழுவிலும், மின்நிலா புத்தகங்கள் whatsapp குழுவிலும், facebook பக்கத்திலும் வெளியிடப்படும். 

அதிக ஓட்டுகள் பெறுகின்ற இரண்டு படங்கள் பரிசுக்கு உரியதாக அடுத்த புதன் பதிவில் அறிவிப்போம். 

படங்கள் இங்கே: 

                                      

மேற்கண்ட பதினைந்தாவது படம் copy & paste செய்ததில் விட்டுப் போயிருந்தது. இப்போது சேர்த்திருக்கிறேன். வாசகர்கள் மன்னிக்கவும். 

தேர்வு செய்யுங்கள் நீதிபதிகளே! 

= = = = = = = = = =