"திங்க"க்கிழமை : ஆப்பிள் ரசம் - துரை செல்வராஜூ ரெஸிப்பி

 ஆப்பிள் ரசம் 

நாடு போற்றும் நல்லதொரு ரசம்!

டே!.. இதெல்லாம் உனக்குத் தேவையா?..

சரிங்க குருவே!..

ஆப்பிள் ரசம் வைப்பதற்குத் தேவையானவை :-

பச்சை ஆப்பிள் ஒன்று

பூண்டு 5 பல்

சின்ன வெங்காயம் 7

பால் பெருங்காயம் சிறிதளவு

மஞ்சள்தூள்  1⁄2   tsp   

கல்உப்பு தேவையான அளவு.

மல்லித்தழை சிறிது

வறுத்து அரைப்பதற்கு : -

துவரம்பருப்பு இரண்டு  tsp  

மிளகு ஒரு tsp  

சீரகம் ஒரு tsp  

தாளிப்பதற்கு :

பசுநெய் தேவைக்கு

கடுகு சிறிதளவு

சீரகம் சிறிதளவு

கறிவேப்பிலை ஒரு இணுக்கு

செய்முறை: 

1)

பூண்டு வெங்காயம் இவற்றை உரித்தெடுத்து அலசி விட்டு கல்லுரலில் நசுக்கிக் கொள்ளவும்.. 

2)

பால் பெருங்காயத்தைப் பொரித்து பொடி செய்து கொள்ளவும்..

3)

துவரம் பருப்பு  மிளகு சீரகம்   இவற்றை இளஞ்சூட்டில் வறுத்து -  பொடியாக அரைத்துக் கொள்ளவும். 

4)

ஆப்பிளை நாலு துண்டுகளாக நறுக்கி  750 ml தண்ணீரில்  வேகவிட்டு தண்ணீரைத் தனியே வடிகட்டி வைத்துக் கொண்டு ஆப்பிள் துண்டுகளை நன்றாக மசித்துக் கொள்ளவும்..

5)

ஆப்பிளை வேக வைத்த தண்ணீரில் அரைத்த பருப்பு மிளகுப் பொடியைக் கரைத்துக் கொள்ளவும்..

6)

நெய்யில் கடுகு, சீரகம் கறிவேப்பிலை தாளித்து நசுக்கி வைத்துள்ள பூண்டு  வெங்காயம் சேர்த்து வதக்கி பருப்புப் பொடி கரைத்த தண்ணீரை ஊற்றவும்..

7)

இத்துடன் -

மஞ்சள்தூள், பெருங்காயத் தூள், உப்பு போட்டு இரண்டு கொதி வந்ததும் மல்லித் தழை  கிள்ளிப் போட்டு இறக்கி வைக்கவும்..

 ஃஃஃஃஃ

தரமான சமையல்

தரும் மகிழ்ச்சி..

நம்முடைய நலம்

நம்முடைய கையில்.