"திங்க"க்கிழமை : சேமியா அல்வா - நெல்லைத்தமிழன்

 

 003- திங்கக்கிழமை பதிவு – சேமியா அல்வா - நெல்லைத்தமிழன்

 

இந்தச் செய்முறையை இணையத்தில் பார்த்து என் நோட்டில் குறித்துவைத்திருந்தேன். அன்றொரு நாள் எங்கள் சம்பந்தி வீட்டிற்கு வருவதாகக் முந்தைய நாள் இரவு சொல்லியிருந்தார்.  என்னுடைய மகள் வீட்டில் வைத்திருந்த ஒரு பெட்டியை (அதில் கிறிஸ்மஸ் மரம் செய்வதற்கான எல்லாப் பொருட்களும், அதனை அலங்காரம் செய்ய பல்வேறு ஜோடனைப் பொருட்களும் இருந்த ன) வாங்கிச்செல்வதற்காக அவர் வந்தார். எனக்கு அவர்களுக்கு ஏதாவது ஒரு இனிப்பு செய்துதரணும் என்று ஆசை. 

அவர்களுக்கும் இனிப்பில் அவ்வளவு விருப்பம் இருந்ததில்லை. இருந்தாலும் வருபவர்களுக்கு ஒரு இனிப்பு செய்யணும் என்று நினைத்து என் குறிப்பு நோட்டைப் பார்த்ததும் இது கண்ணில் பட்ட து. 

காலையில் 5 மணிக்கு எழுந்திருக்கும் நான், ஒன்றேகால் மணி நேரம் நடைப்பயிற்சி (அல்லது 10,000 ஸ்டெப்ஸ்), பிறகு ஒரு மணி நேரம் ஜிம் என்றெல்லாம் ஒரு ஒழுங்குமுறை சமீப காலமாக வைத்துக்கொண்டிருக்கிறேன். அதனால் இந்த இனிப்பை 1 மணி நேரத்துக்குள் செய்துவிடலாம் என்று நினைத்திருந்தேன். 

தேவையான பொருட்கள்

சேமியா (வெள்ளை நிறம், ரோஸ்ட் செய்யாத து) 200 கிராம் (இதனை கிச்சடிச் சேமியா என்று சொல்வார்கள்)

ஜீனி 500 கிராம்

முந்திரி 50 கிராம்

உலர் திராட்சை 50 கிராம்

ஏலப்பொடி 1 சிட்டிகை

நெய் 100 மி.லி

கேசரி நிறப் பொடி சிறிது 

செய்முறை

50 கிராம் நெய் விட்டு, கடாயில் முந்திரி திராட்சையைச் சேர்த்து வறுத்துக்கொள்ளவும். 

பக்கத்திலேயே ½ லிட்டர் தண்ணீர் சூடுபடுத்திக்கொள்ளவும். 

கடாயில் வறுத்தவற்றுள் முந்திரியை மாத்திரம் எடுத்துவைத்துக்கொள்ளவும். திராட்சையுடன் சேர்த்து சேமியாவைப் போட்டு வறுக்கணும். திராட்சையும் உப்பவேண்டும். 

பிறகு சூடு தண்ணீரை கடாயில் சேர்த்து நன்கு கலக்க வேண்டும். 

சேமியா நன்கு வேகணும். தண்ணீர் போனதும், நிறமியைச் சேர். இந்தக் கலவை கெட்டியாக ஆகும். சேமியா நன்கு வெந்திருக்கணும். தொட்டால் mash ஆகணும். இப்போது ஜீனியைச் சேர்க்கணும். 

ஜீனி சேர்ந்ததும் இளகும். கொஞ்ச நேரம் கிளறினால் திக்காக ஆகும். பிறகு கடைசியில் 50 கிராம் நெய் சேர்க்கணும். பிறகு ஏலக்காய் பொடி சேர்த்துக் கிளறணும். 

அல்வா பதம் வந்த தும், அடுப்பை அணைத்துவிட்டு, முந்திரியை மேலே சேர்க்கவும். 

வாழை இலையில் சேமியா அல்வாவைப் பரிமாறணும்.

நான் படங்கள் எடுக்கும் அவசரத்தில், அடுப்பை சேமியாவில் சுடுநீர் சேர்த்ததும் சிம்மில் வைக்க விட்டுப்போய்விட்டது. இன்னும் கொஞ்சம் அதிக நீர் சேர்த்திருந்திருக்கலாம். சேமியா இன்னமுமே குழைவாக வெந்திருக்கணும் என்று தோன்றியது.

நான் சாப்பிட்டுப் பார்க்கவில்லை. நான் டயட்டில் இருக்கிறேனே  (ஷுகர் சம்பந்தப்பட்டது, அரிசிச்சாதம், பால் பொருட்கள் எதையும் சாப்பிடக்கூடாது. இதுபற்றி இன்னொரு வாரத்தில் எழுதுகிறேன்)

எங்கள் பெருமாளுக்குக் கண்டருளப்பண்ணினேன்.   இன்னொரு வாரத்தில் இன்னொரு செய்முறையுடன் உங்களைச் சந்திக்கிறேன்.