வெள்ளி வீடியோ : வானத்திலிருந்து தேவதை இறங்கி... வந்து நின்றாளோ வளையல்கள் குலுங்கி...

1971 இல் வெளியான விருது பெற்ற திரைப்படம் வெகுளிப்பெண்.  தேவிகா, நிர்மலா, ஜெமினி, முத்துராமன் நடித்தது.  

இதே கதையில் சௌகார் ஜானகி தயாரித்து தோல்வியுற்ற படம் பற்றி முன்னர் கண்டோம்!   இந்தப்படம் விருது பெற்றது.

வி குமாரின் இனிய டியூனில் கண்ணதாசன் பாடல் 

அந்தக் காலத்தில் மிக திரும்பி மறுபடி மறுபடி கேட்கவைத்த பாடல்.  

டி எம் எஸ்ஸின் இனிய குரலில் அழகான பாடல்.  இரண்டாவது சரணம் எங்கு தேடியும் கிடைக்கவில்லை.  வேறு வழியில்லை, அந்த சரணத்தை நீங்களே பாடிக்கொள்ள வேண்டியதுதான்! 

எங்கெல்லாம் வளையோசை கேட்கின்றதோ 

அங்கெல்லாம் என் ஆசை பறக்கின்றது 

என்னைத்தொட்ட எண்ணங்கள் 

மின்னல் இட்ட கன்னங்கள் 

என்னென்று நான் சொல்வதோ 

சுகமான இசைபாடும் இளமங்கை யாரோ 

பதமாக நடமாடும் அவள் வண்ணத்தேரோ 

வானத்திலிருந்து தேவதை இறங்கி 

வந்து நின்றாளோ வளையல்கள் குலுங்கி 

என்னைத்தொட்ட எண்ணங்கள் 

மின்னல் இட்ட கன்னங்கள் 

என்னென்று நான் சொல்வதோ 

கரைபோட முடியாத புது வெள்ளை ஆடை 

கலைமானும் அறியாத விழி வண்ணஜாடை 

பார்வையில் இளமை வார்த்தையில் மழலை 

கூந்தலும் வணங்கும் காலடி நிழலை 

என்னைத்தொட்ட எண்ணங்கள் 

மின்னல் இட்ட கன்னங்கள் 

என்னென்று நான் சொல்வதோ