கசிந்துருகும் கண்ணீர் / வருவாய் என நாம் வறட்சியில் இருந்தோம் / பழங்கணக்கு

கடந்த வருடத்தில்  

​2018 புள்ளி விவரங்கள்: 

அதிக பார்வையாளர்கள் :

ஏப்ரல் 2 திங்கள் திரிசங்கு பாகம். (10003)

குறைந்த பார்வையாளர்கள் : 

17.11.18 சனி (160)

அதிக கமெண்ட்ஸ் : 

20.12.18 வியாழன். 

225. 

குறைந்த கமெண்ட்ஸ் : 

17.1.18 புதன் வாரவம்பு. 

(14). 

     53 திங்கட்க்கிழமையில்  55 வகையான 'திங்கற' ஐட்டங்களை பற்றிப் பார்த்திருக்கிறோம்.  ஏதோ ஒரு வாரம் நெல்லைத்தமிழனின் மூன்று ரெசிப்பிகளைஒன்றாக வெளியிட்ட நினைவு என்பதால் ப்ளஸ் டூ!

     நமது தளத்தில் 52 சிறுகதைகள் வெளியாகியுள்ளன.  நண்பர்களின் திறமை முழுவதும் வெளிவந்த படைப்புகள்.  வருடம் முழுவதும் ஆதரவளித்த வலையுலக நண்பர்களுக்கும், ஸ்பெஷலாக திரு ரிஷபன் ஜி அவர்களுக்கும் நன்றிகள்.  தொடர்ந்து ஆதரவளிக்கவேண்டும் என்று அன்புடன் கேட்டுக்கொள்கிறோம்.

     புதன் கிழமைகளில் வம்பு பேச ஆரம்பித்து, பின்னர் புதிர்களில் நுழைந்து தற்சமயம் கேள்வி பதில்களில் நிற்கிறது.

     வியாழன் கதம்பம்...   சொல்ல என்ன இருக்கிறது?  எந்த வகையிலும் சேராதது அது! இலக்கியம், வெட்டி அரட்டை, சிறுகதை, கவிதை எடுத்துக் போட்டது என்று சகல திசைகளிலும் பரவும் பதிவு.

     52 வெள்ளிகளில் சுமார் அறுபதுக்கும் மேற்பட்ட பாடல்களை வெள்ளியில் பகிர்ந்திருக்கிறோம்.  சில வெள்ளிகளில் ஒன்றுக்கும் மேற்பட்ட பாடல்கள் பகிரப்பட்டதால் அதிகம் சொல்கிறேன்.

     சனிக்கிழமைகளில் பகிரப்பட்ட நற்செயல்களையும் ஞாயிறு புகைப்படங்களையும் அளக்க முடியுமா என்ன?

​

         

     வருடத்தில் ஏதோ ஒருநாள் பதிவில்லாமல் போனதால் 364 பதிவுகள்.  விவரம் கீழே!

​     வார வம்பு பகுதிக்கு தொடர்ந்து 24 . 1. 18 அன்றும் 15 கமெண்ட் வந்ததால் பதிவாசிரியர் வெறுத்துப்போய் 31.1.18 புதன் அன்று மௌன (எழுதா) விரதம் மேற்கொண்டார்.  ஆம்! இந்த வருடத்தில் 364 பதிவுகள். பதிவு வெளியாகாத ஒரே நாள் :   31.1.18. புதன்.

     எங்கள் ப்ளாக் இதுவரை :   அதிக பதிவுகள்:  2018 = 364.  குறைந்த பதிவுகள் : 2011 = 249.  இன்றைய பதிவையும் சேர்த்து எங்கள் ப்ளாக்கின் மொத்த பதிவுகள் 3,049.

     தொடர்ந்து எங்களுக்கு சமையல் ரெஸிப்பிகளும், அவ்வப்போது கதைகளும் தரும் நெல்லைத்தமிழனுக்கு நன்றி.  இந்த வருடம் அவர் கதைகளில் இன்னும் அதிகம் கவனம் செலுத்த வேண்டுகிறோம்.

     பின்னூட்டப் புயல்கள் உணர்வுக்கதைகள் ஸ்பெஷலிஸ்ட், சமையல் வித்தகி கீதா ரெங்கன், விளையாட்டாய்ப் பேசினாலும் ஆழமான எண்ணங்கள், கருத்துகள் கொண்ட அதிரா, கொசு உட்பட எல்லா உயிரினங்கள் மீதும் அன்பு செலுத்தும் ஏஞ்சல்...  

     உங்கள் அன்பாலும் ஆதரவாலும் நண்பர்கள் நாம் அனைவரும் இங்கு ஒன்று கூடி ஒரு மாலைநேரப் பூங்காவில் அரட்டையடிக்கும் உணர்வோடு கலந்து பேச முடிகிறது.  பெரும்பாலான நேரங்களில் செவ்வாய்க்கு கதைகள் பற்றி கதை பற்றி ஒரு கலந்துரையாடலே நடத்துகிறோம்.  சமையல் ரெசிப்பிகளை அலசி ஆராய்ந்து புது வகைகளை பேசிப் பகிர்கிறோம்.

     பழம்பெரும் பதிவர்கள் வல்லிம்மா, கீதா அக்கா போன்றவர்களின் அன்பிலும் ஆதரவிலும் கட்டுண்டு கிடக்கிறோம்.  அனுபவப் பதிவுகளுக்கு ஒரு வல்லிம்மா,  ஆன்மீகப் பதிவுகளுக்கு அரட்டைக்குப் பெயர்போன எல்லோரிலும் மனதளவில் வயது குறைந்த கீதாக்கா...

      முன்பெல்லாம் பெரும்பாலும் தவறாது வருகை தந்துவிடும் ஜீவி ஸார்...  அப்புறம் கதைகளுக்கு மட்டும் வருகை தந்து கொண்டிருந்தார்.  பின்னர் வருகை குறைந்தாலும் நம் தளத்தைத் தொடர்ந்து வாசித்து வருகிறார் என்று நம்புகிறோம்.  நமது வாட்ஸாப் குழுமத்தில், தனி மடலிலும் வேறு என்னென்ன மாற்றங்கள் இந்த தளத்தில் செய்யலாம் என்று எல்லாம் ஆலோசனை சொல்பவர்..

     சமையலில் ஸ்பெஷலிஸ்ட் என்றாலும் அனுபவத்திலும் வயதிலும் மூத்த காமாட்சி அம்மாவுக்கு நமஸ்காரங்கள்.  

     சமீப காலங்களில் கதைகளாகட்டும், அனுபவப் பகிர்வாகட்டும், அப்புறம் சமையல் பதிவாகட்டும் எல்லாவற்றிலும் கலக்கி வருபவர் கமலா ஹரிஹரன்.  மிகுந்த தன்னடக்கத்தோடு பதிவுகளும், பின்னூட்டங்களும் கொடுத்தாலும் பெரும் திறமைசாலி.

     பட்டும் படாமலும் பின்னூட்டமிட்டாலும் விடாமல் ஆதரவளிக்கும் ஜி எம் பி ஸார், ஒவ்வொரு பதிவிலும் ஏதாவதொரு பாடலை நினைவுகூரும் ஏகாந்தன் ஸார், அழகான கதைகளையும், கவிதைகளையும் படைக்கும் ஆற்றல் பெற்ற ஆன்மீக ஸ்பெஷலிஸ்ட் எங்கள் தஞ்சை மண்ணைச் சேர்ந்த துரை செல்வராஜூ ஸார்,  'வெட்டு ஒன்று, துண்டு ரெண்டு..  என்னுடைய நோக்கம் நேர்மை, வாய்மை' என்று போரிடும் கில்லர்ஜி..   பயணப்பதிவர், எந்த வம்பு தும்பிலும் சிக்காமல் நழுவும் நண்பர் வெங்கட் நாகராஜ்...

     எல்லாப் பதிவுகளுக்கும் வந்து பின்னூட்டமிடுவதுமட்டுமல்ல, தளங்களில் ஏதேனும் பிரச்னை என்றால் முதலில் வந்து உதவி செய்யும் குறள்சித்தர்  DD..

     புகைப்படப் பகிர்வுகளுக்கு இப்போதும் தவறாது வந்து விடும் சகோதரி ராமலக்ஷ்மி...  அவர் கதைகளையும் கவிதைகளையும் மிஸ் செய்கிறோம்.  எதையும் விடாமல் படித்து எல்லாவற்றுக்கும் பின்னூட்டமிட்டு உற்சாகப்படுத்தும் (விட்டுப்போன கடந்தவாரப் பதிவுகளைக் கூடப் படித்து இப்போது கூட அரியர்ஸ் முடித்தார்!!) கோமதி அரசு அக்கா, முனைவர் ஜம்புலிங்கம் ஸார்..

     சுருக் நறுக் கதைகளாகட்டும், சுருக்கமான ரெசிப்பிகளாகட்டும் அனைத்திலும் கலக்கும் பானு அக்கா, தனது இறுக்கமான பள்ளி வேலைகளுக்கு நடுவிலும் தொடர்ந்து வந்து படித்து பின்னூட்டமிடும் எங்கள் தஞ்சைக்காரர் ஆசிரியர் கரந்தை ஜெயக்குமார், அதே எங்கள் தஞ்சைப்பதிவர் மனோ சாமிநாதன் மேடம், இன்னொரு ஆசிரியர் குடும்பத்தைச் சேர்ந்த துளஸிஜி...  பல்சுவைப்பதிவர் ராஜி..

     அபூர்வமாக வருகை தரும் வைகோ ஸார், ஜேகே அண்ணா, தேனம்மை, மாதேவி, அனுபிரேம், இளமதி, பட்டாபிராமன் ஸார் ஆகியவர்களுக்கும் நன்றிகள்.  பதிவுகள் இப்போது எழுதா விட்டாலும் அவ்வப்போது பின்னூட்டமிடும், ஆனால் நம் பதிவுகளைத் தொடர்ந்து படிக்கும் (அப்படித்தானே மிகிமா?) மிடில்க்ளாஸ்மாதவி...

     நட்பில் புதிதாக இணைந்திருக்கும், மண்வாசனைக் கதைகள் புகழ் விமலன் பேராளிக்கும் நல்வரவு.

     யாரையாவது குறிப்பிட மறந்திருந்தால் அவர்கள் மன்னிப்பைக் கோருகிறோம்.

  

     இவை அனைத்தும் நண்பர்களே...   உங்களால் சாத்தியமானது.  நன்றி உங்கள் அனைவருக்கும்.  வரும் காலங்களிலும் நம் அன்பும் இணைப்பும் தொடர்ந்திருக்கப் பிரார்த்திக்கிறோம்.  

          

சகோதரி தேனம்மை எப்போதும் சொல்வது போல 'வலைப்பதிவர் ஒற்றுமை ஓங்கட்டும்; என்றும் நம்முள் வலிமை பெருகட்டும்'.

              

வல்லிம்மாவின் வார்த்தைகளையும் கடன் வாங்கி கொள்கிறேன்.  "எல்லோரும் நன்றாக வாழவேண்டும்"

================================================================================================

பாவமன்னிப்பு!  ஒரு துளி கண்ணீரின் மகத்துவம்!

=================================================================================================

"இது பட்டாபிராமன் ஸார் பதிவிலிருந்து திருடியது"!

=====================================================================================================

இது இந்த வருடத்துக்கும் பொருந்தி விட்டது...... சோகம்!

=========================================================================================================

இந்த வியாழன்ல அவ்ளோதாங்க...