நான் தரிசனம் செய்த கோயில்கள் – மனைவியுடன் யாத்திரை – பகுதி 10 நெல்லைத்தமிழன்

 

ஐந்துரதம் பகுதி மிகப் பெரிய வளாகமாக வேலியுடன் உள்ளது. இதனை பஞ்சபாண்டவர் ரதங்கள் அல்லது ஐந்திணைக் கோயில் என்று அழைக்கின்றனர். (அஞ்சுகோயில் என்று வழங்கப்படுவது திருவிற்றுவக்கோடு. அங்கும் பஞ்சபாண்டவர்கள் அமைத்த ஓரோர் கோயில் ஒரே வளாகத்தில் உள்ளது. அதுபற்றி இன்னொரு தொடரில் எழுதுகிறேன்). இந்த ரதங்களை, அதைச் சுற்றியுள்ள சிற்பங்களை முதலாம் நரசிம்மவர்மன் காலத்த து என்று நினைத்தார்கள். பிறகு அங்கிருந்த கல்வெட்டுச் செய்தியின் மூலம் இது இரண்டாம் நரசிம்மவர்மன் (690-725) காலத்தது என்று அறுதியிட்டனர்.

இங்குள்ள ஐந்து ரதம்/கோயில்களும் ரதத்தை ஒத்திருப்பதால், ரதம் என்றே அழைக்கின்றனர். (பல சோழர் காலக் கோயில்களில் முழுக் கோவிலோ அல்லது கர்பக்ரஹம் சார்ந்த கட்டுமான அமைப்போ ரதம் போன்ற தோற்றத்தில் அமைக்கப்பட்டிருக்கும்.  இதனை தாராசுரம், சார்ங்கபாணீ கோயில் போன்றவற்றில் நீங்கள் கண்டிருக்கலாம்). இவை எப்போதுமே கோயில்களாக இருந்த தில்லை. காரணம் இது முழுமை பெறவில்லை. இந்தக் கட்டுமானத்தில், ஒவ்வொரு கட்டுமானத்தின் அளவைப் பொருத்து, தர்மராஜா ரதம், பீம ரதம், அர்ஜுன ரதம், நகுல சகாதேவ ரதம் மற்றும் திரௌபதி ரதம் என்று அழைக்கின்றனர்.

ஐந்து ரதங்கள் அமைந்துள்ள வளாகம் இங்கிருக்கும் பெரும் கற்களைப் பார்த்தால், முழுமை பெற்றிருந்தால் இன்னும் நிறைய சிற்பங்கள் நமக்குக் கிடைத்திருக்கும் என்று தோன்றும். முதலில் தெரிவது திரௌபதி ரதம், அதையொட்டி அர்ஜுன ரதம், அதற்கு அப்புறம் பீம ரதம், யானைச் சிற்பத்தை அருகில் கொண்டுள்ள சிறிய ரதம் நகுல சகாதேவர்களுக்குரியது.

ஐந்து ரதங்கள் அமைந்துள்ளவிதம் (இணையம்)

நடுவில் தெரிவது நகுல சகாதேவ ரதம்

நகுல சகாதேவ ரதம், பீம ரதம், தர்மராஜா ரதம்

திரௌபதி ரதம், அர்ஜுன ரதம், நகுல சகாதேவ ரதம், பீம ரதம், தர்மராஜா ரதம்

யானைக்குப் பின்னால் சிங்கச் சிற்பம் தெரிகிறதா?

திரௌபதி ரதம் துவாரபாலகர்(பாலகி)களோடு. உள்ளே துர்கையின் சிற்பம். 

அர்ஜுன ரதம். இரண்டு கோணங்களில்

ஐந்து ரதம் – பழைய படம். தற்போது கொஞ்சம் சீரமைக்கப்பட்டிருக்கிறது

அர்ஜுன ரதத்தின் தோற்றம்.

 

அர்ஜுன ரதத்தின் பின்புறமுள்ள நந்தி

 

திரௌபதி ரதத்தின் முன்புள்ள சிங்கச் சிற்பம்

 

 

திரௌபதி ரதத்தின் பின்புறப் பகுதி. அடுத்தது அர்ஜுனன் ரதம்.

அர்ஜுனன் ரதம் (திரௌபதி ரதத்தின் அருகிலேயே)

பீமன் ரதம்

 

பீம ரதத்தின் முன்பகுதி முழுமையாக

 

பாறையைக் குடைந்து உருவாக்கப்பட்ட ரதங்கள்/மண்டபங்கள் இவை. 

பாறையைக் குடைந்து செய்துள்ள மாடங்கள். முழுமை பெறவில்லை

 

தர்மராஜா ரதம் (சிற்பங்களின் அழகுக்குக் குறையொன்றுமில்லை)

இன்னும் கால அவகாசம் கிடைத்திருந்தால் இருக்கும் பல சிறிய குன்றுகளும்/பாறைகளும் சிற்பங்களாக, கோயில்களாக மாறியிருக்கும்.

 

ஒருவேளை இந்தப் பகுதி முழுமை பெற்றிருந்தால் அனைவரும் பிரமிக்கும்படி அழகிய சிற்பங்களுடன் இருந்திருக்கும்.  இன்னும் பார்க்கவேண்டிய இடங்கள் இங்கு இருக்கிறது . அடுத்த வாரம் தொடர்வோமா?

 

(தொடரும்)