காதலும் கடவுளை போல... அதை உயிரினில் உணரணும் மெல்ல

சிறுவயதில் காலை ஆல் இந்தியா ரேடியோ திருச்சி, மதுரை வானொலி நிலையங்களில் அதிகாலை கேட்ட பகுதி பாடல்கள் மனதில் நின்ற வண்ணம் இருந்தன.  அவற்றை 2022 மார்ச் 25 தொடங்கி சென்ற வாரம் வரை வரை பகிர்ந்து வந்திருக்கிறேன்.  நான் கேட்ட, மற்றும் அனைவர் அல்லது நிறையபேர் கேட்டிருக்கும் பிரபல அல்லது அடிக்கடி கேட்டிருக்கக் கூடிய பாடல்கள் காலியான நிலையில் வேறொரு யோசனை வைத்திருந்தேன்.  ஒரு பிறமொழிப் பாடல் ப்ளஸ் ஒரு தமிழ்ப் பாடல் என்று...  

மிக ஆச்சரியகரமாக JKC ஸாரிடமிருந்து சில நாட்கள் முன்பு இந்த மெயில் வந்தது.  அப்படி பிற மொழிப் பாடல்கள் என்று பகிரும் வகையில் நான் நிறைய ஹிந்திப் பாடல்கள் பகிரும் எண்ணத்தில் இருந்தேன். JKC இதை அனுப்பி இருப்பதால் இந்தப் பாடலுடன் தொடங்குகிறேன்.

============================================================

JKC Sir ன் மெயில்...  அதைத் தொடர்ந்து பாடல்...

வணக்கம்\

வெள்ளி வீடியோ பதிவில் பிறமொழி பாடல்களையும், கருத்துக்கும், பாடலின் சிறப்புக்கும் ஏற்ப பாடல்  காட்சியையும் உட்படுத்தி பதிவிடலாம் என்பது எனது கருத்து.  

உதாரணமாக ஒரு மலையாள சினிமா பாடலை மலையாள வரிகளுடன், அவற்றின் தமிழ் உச்சரிப்புடன், தமிழ் மொழி பெயர்ப்புடன் தந்திருக்கிறேன். விருப்பம் இருந்தால் பிரசுரிக்கவும்.

Movie : Arakkallan Mukkalkallan [1974]  : அரைக்கள்ளன் முக்கால் கள்ளன்.

Lyrics : P.Bhaskaran - பாடல் வரிகள் - பி. பாஸ்கரன்

Music : V.Dakishana Moorthy - இசை - வி. தக்ஷிணாமூர்த்தி

Singer : K.J.Yesudas - பாடியவர் - கே ஜே ஏசுதாஸ்

ராகம்  :  கீரவாணி 

மலையாளப் பாடல் அப்படியே தமிழில் - Transliterated version

நின்ற மிழியில் நீலோற்பலம்.

நின்னுடெ சுண்டில் பொன்னசோகம்

நின் கவிளினயில்  கனகாம்பரம்

நீயொரு நித்ய வசந்தம்.

பிரேமகங்கையில் ஒழுகி ஒழுகி வண்ண

காமதேவன்ர கஹளஹம்சமே

உள்ளிலே பொய்கையில் தாமரை வலயத்தில்

ஊஞ்ஜலாடுக தோழி நீ

ஊஞ்ஜலாடுக தோழி

(நின்றெ)

வான வீதியில் உதிச்சு சிரிச்சு வரும்

பூநிலாவின்றே சகியானு நீ

இன்னென்ற சிந்தையாம்  இந்திர சதஸிலாய்

இந்தீவர மிழியாடு நீ

இந்தீவர மிழியாடு    

(நின்றெ)

பாடல் மொழியாக்கம்

உன்னுடைய விழிகளில் நீலோற்பலம்.

உன்னுடைய உதடுகளில் பொன் அசோகம்

உன்னுடைய கன்னங்களில் கனகாம்பரம்

நீ ஒரு நித்ய வசந்தம்.

பிரேம கங்கையில் மிதந்து வந்த

காமதேவனின் அம்சமே

உள்ளமது பொய்கையில் தாமரை வட்டத்தில்

ஊஞ்சலாடுக தோழி நீ

ஊஞ்சலாடுக தோழி

வான் வீதியில்  உதிச்சு சிரித்து வரும்

பூ நிலாவின் தோழி நீ

இன்று என்னுடைய சிந்தை என்ற இந்திர சதஸில்

கருங்குவளை விழிப்  பெண்ணான நீ ஆடுகிறாய்

கருங்குவளை விழிப் பெண்ணான நீ ஆடுகிறாய்                                

==========================================================================================

'கோடம்பாக்கம்' என்று ஒரு படத்திலிருந்து இன்று பாடல்.  

என்னைப்பொறுத்தவரை அந்தப் படத்தின் ஒரே நல்ல பாடல்.  

ஹரிஷ் ராகவேந்தரும் (பாரதியார் படத்தில் வரும் 'நிற்பதுவே நடப்பதுவே' பாடல் நினைவிருக்கிறதா?) ஹரிணியும் பாடி இருக்கும் பாடல்.

சிற்பியின் இசை.  விஜய் சாகர் எழுதிய பாடல்.  நல்ல மெலடி என்பதற்கு ஒரு எடுத்துக் காட்டு இந்தப் பாடல்.  அது சொல்லும் விஷயமும் இளசுகளின் மனசை வருடும்!  படத்தின் கதையும் படம் எடுப்பது பற்றிதான்.  தனது முதல் படம் எடுக்க ஒரு இயக்குனர் படும் பாட்டை விவரிக்கும் படம்.

ஹரிஷ் :  ரகசியமானது காதல்
மிக மிக ரகசியமானது
காதல் 

ரகசியமானது காதல்

மிக மிக ரகசியமானது
காதல் 

ஹரிஷ் : முகவரி சொல்லாமல்
முகம் தன்னை மறைக்கும்
ஒருதலையாகவும் சுகம்
அனுபவிக்கும் சுவாரஸ்யமானது
காதல் மிக மிக சுவாரஸ்யமானது
காதல்

ஹரிஷ் : சொல்லாமல் செய்யும்
காதல் கனமானது சொல்லச்
சொன்னாலும் சொல்வதுமில்லை
மனமானது சொல்லும் சொல்லை
தேடி தேடி யுகம் போனது இந்த
சோகம் தானே காதலிலே சுகமானது

ஹரிஷ் : வாசனை வெளிச்சத்தை
போல அது சுதந்திரமானதும்
அல்ல ஈரத்தை இருட்டினை
போல அது ஒளிந்திடும்
வெளி வரும் மெல்ல

ஹரிஷ்: ரகசியமானது காதல்
மிக மிக ரகசியமானது
காதல்

ஹரிஷ் : முகவரி சொல்லாமல்
முகம் தன்னை மறைக்கும்
ஒருதலையாகவும் சுகம்
அனுபவிக்கும் சுவாரஸ்யமானது
காதல் மிக மிக சுவாரஸ்யமானது
காதல்

ஹரிணி : கேட்காமல் காட்டும்
அன்பு உயர்வானது கேட்டுக்
கொடுத்தாலே காதல் அங்கு
உயிராகுது கேட்கும் கேள்விக்காக
தானே பதில் வாழுது காதல் கேட்டு
வாங்கும் பொருளும் அல்ல
இயல்பானது

ஹரிணி : நீரினை நெருப்பினைப்
போல விரல் தொடுதலில்
புரிவதும் அல்ல காதலும்
கடவுளை போல அதை உயிரினில்
உணரனும் மெல்ல

ஹரிணி : ரகசியமானது காதல்
மிக மிக ரகசியமானது காதல்

ஹரிணி : முகவரி சொல்லாமல்
முகம் தன்னை மறைக்கும்
ஒருதலையாகவும் சுகம்
அனுபவிக்கும் சுவாரஸ்யமானது
காதல் மிக மிக சுவாரஸ்யமானது
காதல்