"திங்க" க்கிழமை : உளுந்து சட்னி - துரை செல்வராஜூ ரெஸிப்பி

 உளுந்து சட்னி 

*** *** *** *** ***

தேவையானவை:

முழு உளுந்து 50 gr

சின்ன வெங்காயம் 15 

பூண்டு 5 பல்

மிளகு ஒரு tsp

தக்காளிப் பழம் ஒன்று

தாளிப்பதற்கு :

கடுகு சிறிதளவு

கறிவேப்பிலை ஒரு இணுக்கு நல்லெண்ணெய், 

கல் உப்பு தேவைக்கு .

செய்முறை

 வாணலியில் எண்ணெய் விட்டு  காய்ந்ததும் உளுந்து, மிளகு இவற்றை சிவக்க வறுத்துக் கொள்ளவும்.. 

அடுத்து -

உரித்த வெங்காயம், பூண்டு நறுக்கிய தக்காளி இவற்றையும்  வதக்கிக் கொள்ளவும். 

அனைத்தையும்

சற்று நேரம் ஆற வைத்து, ஒன்றாகச் சேர்த்து உப்பு போட்டு மிக்ஸியில்  அரைத்து எடுக்கவும்..

வாணலியில் எண்ணெய் விட்டு காய்ந்ததும்  -

கடுகு, கறிவேப்பிலை தாளித்துப் போட்டு இறக்கி

இட்லி தோசைக்கு பரிமாறவும்.

ஜனனேந்திரியங்களை பலப் படுத்துவதில் 

உளுந்து முக்கிய பங்காற்றுகின்றது.. 

அக்காலத்தில் பருவம் எய்திய பெண்களுக்கு உளுத்தங் களியுடன் நல்லெண்ணெய் கலந்து கொடுப்பர்.. 

வேறு சில விஷயங்களும் இருக்கின்றன.. பொது வெளியில் சொல்வதற்கு சித்த மருத்துவம் பயின்றவன் அல்ல நான்..

உளுந்து சட்னி  மூட்டு வலி குறைவதற்கும் நல்லது...

பிரியாணி யுகத்தில் வாழ்கின்றோம்.. உளுந்தங்களி  சட்னி இவற்றுக்கு என்ன மரியாதையோ!?..

ஆரோக்கியம் என்று வருவதால்  வற மிளகாய் சேர்க்கப்படவில்லை..

சரிதான் போ யா..  - என்பவர்கள் விருப்பம் போல வற மிளகாய் சேர்த்துக் கொள்ளலாம்..

தரமான சமையல்

தருமே மகிழ்ச்சி

நம்முடைய நலம்

நம்முடைய கையில்..

ஃஃ