நாங்கள் தரிசனம் செய்த கோயில்கள் - 01 நெல்லைத்தமிழன்

ஸ்ரீ வசந்த வல்லபராயர் கோயில், வசந்தபுரம், பெங்களூர்

புது வருடம் ஆரம்பித்துவிட்டது.  முந்தைய தொடரைத் தொடர்வதற்குப் பதில், சமீபத்தில் நாங்கள் சென்றுவந்த ஒரு கோயிலைப் பற்றி எழுதலாம் என்று நினைத்தேன்.  பெங்களூர் வந்த பிறகு, பிரபந்தங்களைச் சேவிக்க சில கோயில்களுக்கும், குழுவாக ஒவ்வொருவர் வீட்டிற்கும் செல்வது உண்டு. சில நேரங்களில் எங்கள் குழு, ஒரு கோயிலில் கூடி அங்கு பிரபந்தம் சேவிப்பது உண்டு. நாலாயிர திவ்யப் ப்ரபந்தங்களில், என்ன என்ன சேவிப்பது என்று முன்பே தீர்மானித்துக்கொண்டு, குழுத் தலைவர் எல்லோருக்கும் தெரிவித்துவிடுவார். சௌகரியப்படுபவர்கள் அனைவரும் சென்று கலந்துகொள்வோம்.  நாங்கள் அப்படிச் செல்வது கடந்த ஒரு வருத்துக்கும் மேலாக மிகவும் குறைந்துவிட்து.  சென்ற வருடம் செப்டம்பரில் மகளின் நிச்சயதார்த்த்திற்குப் பிறகு எங்களுக்கு வேலை அதிகமாகிவிட்ட து. மகள் திருமணம் ஏப்ரலில் முடிந்து அவர்கள் ஏப்ரல் இறுதியில் வெளிநாடு செல்வது வரை நேரம் வேகமாக ஓடிவிட்ட து. சமீபத்தில், குழுவில் இருக்கும் ஒருவர், தனக்கு 80வயது ஆரம்பமாகப் போவதால், தான் சிறிய வயதிலிருந்து சென்றுகொண்டிருந்த ஒரு கோயிலில் பிரபந்தம் சேவிக்கலாம், அன்று அங்கு கல்யாண உத்ஸவம் வேறு நடைபெறுகிறது. காலை 9 ½ யிலிருந்து மதியம் 1 மணி வரை கோயிலில் சேவிப்போம் என்று சொல்லியிருந்தார்.  என்னிடம் பேசும்போது அந்தக் கோயில் ஆயிரம் வருடங்களுக்கும் மேலான மிகப் பழமையான கோயில் என்று சொன்னார். அதனால் மனைவியுடன் அந்தக் கோயிலுக்குச் செல்லாம் என்று நினைத்தேன். அது நாங்கள் இருக்கும் இத்திலிருந்து சுமார் 12 கிமீ தூரம்.

Obsession மாதிரி, தினமும் 9-10 கிமீ நடப்பது, பிறகு சமீபகாலமாக ஜிம்மிற்குச் சென்றுவருவது என்று பல வேலைகளை நான் வைத்துக்கொண்டிருப்பதால், இந்த மாதிரி பயணம் எனக்கு என் தொடர் வேலைகளுக்குக் குறுக்கீடாகிவிடுகிறது. இருந்தாலும் அன்று காலை 4 மணிக்கே எழுந்து என் நடைப்பயிற்சி மற்றும் ஜிம், யோகா முடித்துவிட்டு, 8 ½ மணிக்குத் தயாராகிவிட்டேன். ஓலா டாக்சியில் இருவரும் அந்தக் கோயிலுக்குச் சென்றோம். ஞாயிறு காலை என்பதால், அரை மணி நேரத்திலேயே கோயிலுக்குச் சென்றுவிட்டோம். மற்றவர்களும் வந்த பிறகு பெருமாளை வணங்கிவிட்டு, பிரபந்தம் சேவிப்பதற்காக பிராகாரத்திற்குச் சென்றோம். அங்கு ஒரு மேடை, மைக் போன்றவைகள் ஏற்பாடு செய்யப்பட்டிருந்தன. பொதுவாக எல்லாக் கோயில்களிலும் (கர்நாடகா/பெங்களூர்) தமிழ் பிரபந்தங்கள் சேவிக்கப்படுவதில்லை. காரணம் அதற்கான ஆட்கள் நிறையபேர் இல்லாத துதான். கோயிலில் உள்ளவர்களுக்கும் நாங்கள் திவ்யப்ப்ரபந்தம் சேவிக்கப்போவதில் மகிழ்ச்சி.

இந்தக் கோயில் வசந்த வல்லபராயர் கோயில் என்று அழைக்கப்படுகிறது. முற்காலத்தில் மாண்டவ்ய ரிஷி, அடர்ந்த காட்டுக்குள் பாறையின் மீது கட்டிய கோயில் இது. ஸ்தலபுராணத்தின் பிரகாரம், பெங்களூர் முன்பு கல்யாணபுரி என்று அழைக்கப்பட்தாம். அங்கு வசந்தபுரம் என்ற இட த்தில் அமைக்கப்பட்ட கோயில் இது.  இந்தக் கோயிலைச் சுற்றி அடர்ந்த வனப்பகுதி இருந்த தாம். அங்கு ரிஷிகள் தவம் செய்வதற்கேற்ற சூழ்நிலை இருந்த தாம். கோவில் அர்ச்சகர், மாண்டவ்ய ரிஷி ஐந்து இடங்களில் விஷ்ணு கோயில்களை அமைத்தாராம், அவர் பெயரால்தான் மாண்டவ்ய என்று அழைக்கப்பட்ட பகுதி, பிற்காலத்தில் மாண்ட்யா என்று பெயர் பெற்றுவிட்ட து என்றார். இந்த வசந்த வல்லபராயர் கோயிலைச் சுற்றி ஐந்து புனித தீர்த்தங்கள் இருந்த தாகவும், தற்போது இரண்டு தீர்த்தங்கள் மாத்திரம் இருக்கின்றன என்றார். (தேவதீர்த்தம், வசந்த தீர்த்தம்). அதிலும் இப்போது தூர்த்துவிட்டு கட்டிடங்கள் கட்டுவது ஆரம்பித்துவிட்ட து என்றார்.  வனாந்தரப்பகுதியாக முற்காலத்தில் இருந்த இந்த இடம் இப்போது மிகுந்த வளர்ச்சி பெற்று கட்டிடங்கள் வீடுகள் என்று ஆகிவிட்டது.

வருடத்தின் முதல் ஞாயிறில் அந்தக் கோயிலின் படங்கள் அலங்கரிக்கட்டும் என்று நினைத்ததால் இந்தப் பதிவு.

ஸ்ரீ வசந்த வல்லபராயர் கோயில்

ஸ்ரீ வசந்த வல்லபராயர் கோயிலின் முன்பகுதி

கோவிலின் வெளிப்புறப் பகுதி. 

த்வஜஸ்தம்பமும், தீபத்தம்பமும்.

கோவிலின் வெளியே வெற்றித்தம்பம் போன்று இருந்த இடத்தில் கருடாழ்வார் கோவிலின் மூலவரைப் பார்த்திருக்கும்படியான தோற்றம்.

கோவிலின் உள் நுழைந்ததும், துவாரபாலகர்களுக்கு இடப் புறத்தின் இரு மூலையிலும் அனுமான் சந்நிதியும் சக்கரத்தாழ்வார் சந்நிதியும் இருக்கின்றன.

வெளிப் பிராகாரத்தின் ஒரு மூலையில் மாண்டவ்ய மஹரிஷி. 

கர்பக்ரஹத்தைச் சுற்றியுள்ள மதிள்சுவர். 

கோவிலின் வெளிப்பிராகாரத்தில் நிறைய மிக அழகிய வாஹனங்கள் இருந்தன. கருட வாஹனம் உங்கள் பார்வைக்கு.

கோயில் விமானம் (கர்பக்ரஹத்தின் மீது). இதில், கோவில் கர்பக்ரஹம், குன்றின் பாறையின் மீது அமைக்கப்பட்டிருப்பது தெரியும்.

கோவில் பிராகாரத்தில் திவ்யப் பிரபந்த சேவாகாலம்.

வெளிப்பிராகாரத்தில் இருந்த துளசி மாடத்தின் சிற்பம், யானைச் சிற்பம். இவையெல்லாம் பிற்காலத்தையவை.

அன்றைக்கு நடந்த கல்யாண உற்சவம். 

ஸ்ரீ வசந்த வல்லபராய ஸ்வாமி மூலவர் (இணையம்) இரு புறமும் பூமி, நீளாதேவித் தாயார்.

கர்பக்ரஹப் பகுதிக்குச் செல்வதற்கு முன், வலது புறம் சிறிய சந்நிதியில் அலர்மேல்மங்கை தாயார் இருக்கிறார். அதற்கு முன்வரைதான் எல்லா பக்தர்களும் செல்ல முடியும். அதற்குமேல், ஆடைக்கட்டுப்பாடு உண்டு (கேரளக் கோயில்கள் போல்).

கர்பக்ரஹம் மற்றும் அதற்கு முன் உள்ள சிறு மண்டபம், மிகவும் பழைமை வாய்ந்த து. இடைக்காலச் சோழர்கள் ஆட்சியின்போது கட்டப்பெற்றது. அதற்கு வெளிப்புறம் உள்ள கோயில் பகுதி மிகவும் பிற்காலத்தில் விரிவுபடுத்தப்பட்டது.  பெங்களூர் மற்றும் அதற்கு அருகில் உள்ள பகுதியில் பல கோயில்களை சோழமன்னர்கள் ஆட்சிக் காலத்தில் கட்டியிருக்கிறார்கள்.

கோயிலின் மூலவர், இருபுறமும் தாயார்களுடன்.

பிரபந்தப் பாராயணம் முடிந்து, மூலவருக்கு முன்பாக சாற்றுமுறை சேவித்து, தீர்த்தம் சடாரி பெற்றுக்கொண்ட பிறகு, வெளிப்பிரகாரத்தில் எங்களுக்கு பிரசாதம் ஏற்பாடு செய்திருந்தார்கள் (சர்க்கரைப்பொங்கல், புளியோதரை மற்றும் தயிர்சாதம்). 80ம் வயதில் நுழையும் அன்பர், (இவற்றையெல்லாம் ஏற்பாடு செய்தவர்) எங்களுக்கு கடைசியில் தாம்பூலப் பை வழங்கினார்.

எங்களிருவருக்கும் இந்த ஆயிரத்து இருநூறு ஆண்டுகளுக்கு மேல் பழைமையான கோயிலுக்குச் சென்றதில் மிகுந்த மகிழ்ச்சி. இந்தக் கோயிலில் இரவு ஏகாந்த சேவை 8 மணிவாக்கில் இருக்குமாம். மிகவும் ச்ரத்தையாக அப்போது பூஜை நடக்குமாம். கூட்டம் அதிகமில்லையாம். ஒரு வார நாளில் சென்றுவரவேண்டும் என்று நினைத்திருக்கிறேன்.

இந்த வருடத் துவக்கத்தில் மிகவும் பழைமையான கோவில் ஒன்றைப் பற்றித் தெரிந்துகொண்டீர்களா? அடுத்த வாரம் இன்னொரு கோயில் உலாவில் சந்திப்போம்.

 (தொடரும்)