"திங்க" க்கிழமை: முருங்கைக்காய் மசாலா - துரை செல்வராஜூ ரெஸிப்பி

 முருங்கைக்காய் மசாலா 

*** *** ***

தேவையானவை :-

முருங்கைக்காய் 5.

பூண்டு 5 பற்கள்

சாம்பார் வெங்காயம் 10

கல் உப்பு தேவைக்கு.

அரைப்பதற்கு :

தேங்காய் ஒரு மூடி.

மிளகு ஒரு tsp

சோம்பு 2 tsp

கசகசா 2 tsp

பட்டை  சிறிது.

கிராம்பு 2

ஏலக்காய் 2.

மஞ்சள் தூள் 1/2 tsp

மல்லித்தூள் 2 tsp

தாளிப்பதற்கு :-

பசுநெய் 2 tsp

கடுகு , உளுத்தம்பருப்பு சிறிதளவு

கறிவேப்பிலை ஒரு இணுக்கு

குறிப்பு:-

 

1)

பிஞ்சாக இல்லாமலும்

 முற்றியதாக  இல்லாமலும்

நடுத்தரமாகப் பார்த்து

முருங்கைக் காய்களை

 வாங்கிக் கொள்ள வேண்டியது அவசியம்..

2)

இந்தப் பக்குவத்திற்கு

சாம்பார் வெங்காயம் தான் வேண்டும்..

செய்முறை:- 

முருங்கைக் காய்களை சீராக நறுக்கி இட்லித் தட்டில் வைத்து அவித்துக் கொள்ளவும் . 

வெந்த முருங்கைக் காய்த் துண்டுகளின் உட்புற சதையை மட்டும் வழித்து எடுத்துக் கொள்ள வேண்டும்..

வெங்காயம் பூண்டு இவற்றைத் தோல் நீக்கி  சுத்தம் செய்து அலசி விட்டு

சன்னமாக நறுக்கிக் கொள்ளவும்..

தேங்காயைத் துருவி 

மிக்ஸியில் இட்டு மிளகு கசகசா சோம்பு பட்டை கிராம்பு ஏலக்காய் சேர்த்து, விழுதாக அரைத்துக் கொள்ளவும்..

வாணலி ஒன்றை அடுப்பில் வைத்து, அதில் பசுநெய் விட்டு காய்ந்ததும், கறிவேப்பிலையுடன் கடுகு உளுத்தம்பருப்பு சேர்த்து தாளிக்கவும்..

இத்துடன்

நறுக்கிய வெங்காயம் பூண்டு சேர்த்து நன்றாக வதக்க வேண்டும்..

வதக்கிய வெங்காயத்துடன்

முருங்கைக்காய் சதைப்பகுதி,

தேங்காய் விழுது மஞ்சள் பொடி மல்லித் தூள் உப்பு சேர்த்துக் கிளறி சற்றே கொதிக்க விட்டு  இறக்கினால் முருங்கைக் காய் மசாலா தயார்..

இது 

உடலுக்கு வலு சேர்க்கும்.. மிகச் சிறந்த மருந்து..

ஃஃ

தரமான சமையல்

தருமே மகிழ்ச்சி

நம்முடைய நலம்

நம்முடைய கையில்..

 ஃஃஃ

 ஃஃஃ