சிறு விரல்களில் தலைகோதி மடிதனில் எனை வளர்த்தாய்

 சிந்துபைரவியில் ஏனோ இளையராஜா S. P. பாலசுப்ரமணியத்தை பாட அழைக்கவில்லை. 

முழுக்க முழுக்க 'தாஸேட்டன்'தான்   அப்பா..  என்ன குரலப்பா...    என்ன இசை அப்பா...    விருது பெற்ற திரைப்படம்.  "இது மாதிரி இசை ஏன் மற்ற படங்களுக்கு கொடுக்கவில்லை என்று கேட்கிறார்கள்...  இந்த மாதிரி கதை, இந்த மாதிரி இசை கொடுக்க வாய்ப்புள்ள காட்சிகளை யார் தருகிறார்களோ அவர்களுக்குத்தான் கொடுக்க முடியும்" என்று பேசினார் இளையராஜா.

ஓரொரு பாட்டு கேட்கும்போதும் இந்தப் படத்திலேயே இதுதான் பெஸ்ட் ஸாங் என்று நினைக்க வைக்கும் ('தண்ணி தொட்டி தேடிவந்த' பாடல் தவிர)  

இந்தப் படம் வெளிவந்தபோது இதன் ஒலிநாடாக்கள் பயங்கர ஹாட் சேல்ஸ்.  பாலச்சந்தர் படங்களில் வசனங்களும் கூர்மையாக இருக்கும்.  காட்சிகளும் தேர்ந்தெடுக்கப்பட்ட பட்டை தீட்டப்பட்ட காட்சிகளாயிருக்கும்.  குடியில் கெட்டு, தெருத்தெருவாக சுற்றும் JKB யாரோ ஒரு ஷர்மா கச்சேரி நடக்கும் அரங்குக்குள் சென்று அவரை மிரட்டி அவர் பாடும் முறையை தாக்கி இவர் தர்பார் பாடிக் காட்டுவார்.  சற்றே செயற்கையாக இருந்தாலும், அந்தக் காட்சியில் அதை மறக்கடிப்பது இளையராஜாவு, யேசுதாஸும்.  அந்த ஷர்மா தாழ் ஸ்ருதியில் லோச்சனா பாடி இடைவெளி விட, யேசுதாஸின் கம்பீரக்குரலில் ஸ்வரம் எழும் பாருங்கள்...  எங்கு எதை எப்படி வைப்பது என்பதை, அந்தக் காட்சியில்  KB யும், இளையராஜாவும் அற்புதமாக வடிவமைத்திருக்கிறார்கள்.

ஒரு பெண்ணின் மீதான ஏக்கம், என்னதான் அவள் சங்கீதத்தில் விற்பன்னியாக இருந்தாலும், ஒரு கலைஞனை இப்படி ஆட்டி வைக்குமா?  சுஹாசினியைக் கெஞ்சி சிவகுமாரை தீர்த்தகி சொல்லி, அவர் திருந்தியதும் சுஹாசினியை ஊரை விட்டு விரட்டி விடுகிறார்கள்.  சிவகுமார் கோபித்ததும் மறுபடி அழைக்கிறார்கள்.  அவர் வருகிறேன் என்று  வரும்.  யேசுதாஸ் குரலில் அமிர்தவர்ஷினி...  அமிர்தவர்ஷினியில் பல கீர்த்தனைகள், பல சினிமாப பாடல்கள் இருந்தாலும் எனக்கு இந்தக் காட்சிக்குப் பொருத்தமாக மனதில் எழுந்த பாடல் 'வானின் தேவி வருக...'

அதுவும் இளையாராஜா இசையில் அமைந்த அமிர்தவர்ஷினி பாடல், ஆனால் SPB குரலில்.

இப்போது இங்கு பகிரும் பாடல் சுஹாசினி திரும்பி வருகிறேன் என்று உறுதி அளித்திருக்கும் நாளில் யேசுதாஸ், மன்னிக்கவும் JKB பாடும் பாடல். இந்தப் பாடலிலும் ஒரு ஸ்பெஷல் செய்திருந்தார் இளையராஜா.  இதுவும் காட்சிக்கு பொருத்தமாக அமையும்படி செய்திருந்தார்கள் இரு மாயன்களும்.  ஆரோகணப பிரயோகத்தில் மட்டுமே பாடலை அமைத்திருந்தார் இளையராஜா.  ஒரு சரிவை சந்தித்து விட்டு மீண்டு வந்திருக்கும் JKB க்கு இனி சரிவே - அவரோகணமே- வரக்கூடாது என்பது போல..

பாடலின் இடையிலேயே சுஹாசினி தன் தாயுடன் பேசும் ரகசிய நயன பாஷை..  அதற்கு இளையராஜா தந்திருக்கும் ஒற்றை வயலின் இழைதல்...  இந்த தாய்மகள் உறவு மட்டும் படத்தில் யாருக்கும் வெளிப்படாமல் போகிறதே என்று ஏக்கமாகவும் இருக்கும்.

கல்யாணி ராகத்தில் அமைந்திருக்கும் இந்தப் பாடலின் வரிகளும் ரசிக்கும்படி இருக்கும்.  முகம் காட்ட மறுத்தாய்...  முகவரியை மறைத்தாய்...,, சிரிப்பாலே எரித்தாய் மடிமீது மரித்தேன், நீ முன்வந்து பூ சிந்து விழித்துளிகள் தெறிக்கிறது துடைத்து விடு..

காட்சியுடன் இருக்கும் காணொளிகளை பகிர விடாமல் செய்திருக்கிறார்கள் பாவிகள்!  காட்சியையும் சேர்ந்து ரசிக்க வேண்டுமென்றால் இங்கு க்ளிக் செய்து அங்கு சென்று பார்க்கவேண்டும்!

படம் முடிவு வழக்கம் போல KB பாணி.  பக்கத்து வீட்டு நீதியின் பேரனை (அல்லது பேத்தியை?) சுலக்ஷணா சிவகுமார் தம்பதிக்கு பரிசாகக் கொடுத்து விட்டு கிளம்பி விடுகிறார்!

கலைவாணியே
கலைவாணியே உனை தானே அழைத்தேன்
உயிர் தீயை வளர்த்தேன்
வர வேண்டும் வரம் வேண்டும் துடித்தேன்
தொழுதேன் பலமுறை நினைத்தேன் அழுதேன்
இசை தரும்

கலைவாணியே உனை தானே அழைத்தேன்
உயிர் தீயை வளர்த்தேன்
வர வேண்டும் வரம் வேண்டும் துடித்தேன்
தொழுதேன் பலமுறை நினைத்தேன் அழுதேன்
இசை தரும் கலைவாணியே

சுரம் பாடி சிரித்தாய் 

சிரிப்பாலே எரித்தாய் 

மடிமீது மரித்தேன் 

மறுஜென்மம் கொடுத்தாய்

சிறு விரல்களில் தலைகோதி 

மடிதனில் எனை வளர்த்தாய்

இசை எனும் வரம் வரும்

நேரம் திசை சொல்ல வில்லை மறந்தாய்

முகம் காட்ட மறுத்தாய் ஆஆஆ

ஆஆ ஆஆ …. 

முகம் காட்ட மறுத்தாய்

முகவரியை மறைத்தாய்

நீ முன் வந்து பூச் சிந்து

விழித்துளிகள் தெரிக்கிறது

துடைத்துவிடு

கலைவாணியே .....
உள்ளம் அழுதது உன்னை தொழுதது 

உனது உயிரில் இவன் பாதி 

கங்கை தலையினில் 

மங்கை உடலினில் சிவனும் இவனும் ஒரு ஜாதி

ராமன் ஒருவகை கண்ணன் ஒருவகை

இரண்டும் உலகில் சமநீதி

அங்கே திருமகள் இங்கே கலைமகள் 

அவளும் இவளும் சரிபாதி

கண்ணீர் பெருகியதே

ஆஆ ஆஆ ஆஆ ஆஆ ஆஆ

கண்ணீர் பெருகிய கண்ணில் உன்முகம் 

அழகிய நிலவென மிதக்கும் 

உயிரே உயிரின் உயிரே 

அழகே அழகின் அழகே

இனி அழ வலுவில்லை விழிகளில் துளியில்லை

இனியொரு பிரிவில்லை துயர் வர வழியில்லை

வருவாய்

 

===============================================================================================================

நன்றி JKC ஸார்.

வடக்கன் வீர காத (ஒரு வடகேரள வீர கதை) என்ற திரைப்படத்தில் இருந்து ஒரு பாடல்.

இசை: Bombay ravi ബോംബെ രവി பாம்பே ரவி

பாடலாசிரியர்: K. jayakumar -  கே ஜெயகுமார்

பாடகர்: K.J. Yesudas  കെ ജെ യേശുദാസ്  கே ஜே யேசுதாஸ்

ராகம்: Mohanam  മോഹനം  மோஹனம்

படம்: Oru Vadakkan Veera Katha. ഒരു വടക്കൻ വീരഗാഥ ஒரு வடக்கன் வீர காத

பாடல் தமிழில் - Transliteration

சந்தனலேப சுகந்தம் சூடியதாரோ

காற்றோ காமினியோ

மைவர்ண பெட்டி துரன்னு கொடுத்தது

யவ்வனமோ ருது தேவதையோ (2)

(சந்தன...)

செங்கதலிமலர் சுண்டிலினார்க்கு நீ

குங்குமராகம் கருதி வச்சு

தொழுது மடங்கும்போல் கூவள பூமிழி

மற்றேது தேவன தேடி வண்ணு

மாரனிகச்ச  கவர்னு       

காற்று நின்னங்கபராகம்  நுகர்ன்னு 

ஆ…..ஆ….ஆ….

(சந்தன...)

மல்லி சாயகண் தன்னையச்சோ நின்றே

அங்கோபாங்க விபூஷணங்கள்

பூக்கிளந்தொரி வச்செடுத்து நின் யவ்வனம்

புத்தரியங்கம் குறிக்கயாயோ

பொன்னரஞானம் உலஞ்சு

முத்தடர்னீ  நக காந்தி கவர்னு                               

(சந்தன..)

மொழிபெயர்ப்பு. (சரியான தமிழ் பதங்கள் சில இடங்களில் கிடைக்கவில்லை.)

சந்தனகுழம்பின் நறுமணம் சூடியதாரோ?

காற்றோ காமினியோ?

மை வர்ண பெட்டி திறந்து கொடுத்தது

யவ்வனமோ ருது தேவதையோ

செங்கதலி மலர் உதடுகளில் யாருக்காக நீ

குங்கும ராகம் கருதி வைத்திருக்கிறாய்

கோவிலில் தொழுது திரும்பி வரும் பொழுது

கூவிளம் பூ போன்ற விழிகள்

மற்ற எந்த தேவனை தேடி அலைந்தது

மார் கச்சையுள் நுழைந்து

காற்று உன்னுடைய அங்க மகரந்தம் நுகர்ந்ததே.

மாமல்லன் தந்ததோ

உன் மேனி அலங்காரங்கள்

பூக்கிளை ஓடிச்செடுத்து உன் யவ்வனம்

புது யுத்தத்திற்கு நாள் குறிச்சதோ?

பொன் அரைஞான் நகர்ந்து

முத்து போன்ற நகப் பொலிவை கவர்ந்ததன்றோ 

ஆ ஆ ஆ

(இந்தப்பாடல் அகநானூற்றுப் பாடலைப் போன்றது.)

  

https://www.youtube.com/watch?v=6wptOGnLW_Q