"திங்க" க்கிழமை : தினை உருண்டை - துரை செல்வராஜூ ரெஸிப்பி

தினை உருண்டை 

ஃஃ ஃஃ ஃஃ

தேவையான பொருட்கள் :

தினையரிசி 250 gr

பச்சைப் பயறு 100 gr

பழுப்பு வெல்லம் 100 gr

முந்திhp 15

திராட்சை 10

ஏலக்காய் தூள் சிறிதளவு

நெய் தேவைக்கேற்ப

செய்முறை :-

 அடுப்பில் வாணலியை வைத்து நெய் விட்டு, மிதமான சூட்டில் முந்திரி, திராட்சை ஆகியவற்றை  வறுத்துக் கொள்ளவும்..

அதே வாணலியில் மேலும் சிறிது நெய் விட்டு தினையரிசியை சிவக்க  வறுத்து ஆறியதும் 

அனைத்தையும்

மிக்ஸியில் இட்டு மாவாக அரைத்துக் கொள்ளவும். 

அடுத்து

பச்சைப் பயறையும் சிவக்க  வறுத்துப் பொடி செய்து கொள்ளவும்.

வெல்லத்தை கல்லுரலில் இடித்துப்  பொடியாக்கி

தண்ணீருடன் சேர்த்து, கம்பி பதமாக  பாகு காய்ச்சிக் கொள்ளவும்.

தினை மாவு பயற்றம் மாவு இவற்றுடன் முந்திரி, திராட்சை ஏலக்காய் தூளைச் சேர்த்து வெல்லப் பாகினை ஊற்றிக் கிளறவும்..

 

இப்போது  இந்தக் கலவையினை அழுத்திப் பிசைந்து, கைகளில் நெய் தடவிக் கொண்டு சிறு சிறு

உருண்டைகளாகப் பிடித்து வைத்து முருகனுக்கு நிவேதனம் செய்த பின் வீட்டிலுள்ள அனைவருக்கும் வழங்கவும்..

உடல் நலனை உத்தேசித்து

வெல்லத்தின் அளவை மாற்றிக் கொள்வது உங்கள் விருப்பம்..

நம்முடைய நலம்

நம்முடைய கையில்..