இந்த மழை, இந்த இளமை, இந்த விளையாட்டு...

 

அசோகமித்திரனின் இந்த நாவல் தொகுப்பை பார்க்கும் போது, 'வாசகர் இதை எப்படி என்று வைத்து படிக்க முடியும்? பிரித்தால், பாதியாக விண்டு வந்து விடாதா' என்று சந்தேகம் தோன்ற, அதை எடுத்து திருப்பிப் பார்த்தேன். பார்த்தபோது 'கொஞ்சம் பரவாயில்லை' என்று தோன்றியது.

2. தடங்கள் என்ற ஒரு புத்தகம் பார்த்தேன். பயணக் கட்டுரை புத்தகம். எடுத்து பிரித்துப் படித்துப் பார்த்ததில் பாலைவனம், ஒட்டகம், ஒட்டகத்துக்கு ஊசி போடுவது என்றெல்லாம் வந்தது. ஆஸ்திரேலியா பயணக் கதை போல...

ரொம்ப ட்ரை சப்ஜெக்ட்டாக இருந்து விடப் போகிறது என்று எடுக்கவில்லை!

3. மறுபடியும் ஒரு பெரிய புத்தகம் .

'பேய் பறவைகள்' என்று தலைப்பு. சீன எழுத்தாளர் போல தெரிகிறது.

இவ்வளவு பெரிய புத்தகத்தை வாங்கி போகிறவர்கள் எத்தனை பேர் இருப்பார்கள், எப்படி படிப்பார்கள், ராமாயணம் மகாபாரதம் ஸ்டாண்ட் வைத்திருப்பது போல் வீட்டில் வைத்திருப்பார்களா, எங்கு உட்கார்ந்து படிப்பார்கள் என்றெல்லாம் கவலை வந்தது்

நான் வாங்கப் போவதில்லை நமக்கு எதற்கு இந்த கவலை என்று வந்து விட்டேன்!!

மணிமேகலை பிரசுரம்.

"சங்கர்லால் கழுத்து கழுத்துப்பட்டையை தளர்த்திக் கொண்டு, சாய்வு நாற்காலியில் அமர்தபடி எதிரில் டீபாயின் மேல் கால்களை தூக்கிப் போட்டுக் கொண்டு தேநீரை சுவைத்தார்.."

இது மாதிரி வர்ணனைகளுக்கு ராமு வரைந்த ஓவியம் உட்பட சங்கர்லால் இன்னமும் மனதில் நிற்கிறார். சிறு வயதின் ஆரம்ப ஹீரோ்.

சங்கர்லால் மட்டுமா? சமையல்காரர் மாது. ( 'மர்ம மனிதன்" கதையில் அவரே குற்றவாளியாக கைது செய்யப்படுவார். "துன்பத்தின் ரேகை அவர் முகத்தில் ஓடும்") இன்ஸ்பெக்டர் வஹாப், மனைவி இந்திரா, கூர்விழி, கத்தரிக்காய்...

இந்த தலைப்புகளைப் பார்த்தபோது நான் பல வருடங்களுக்கு முன்பு வசித்த தஞ்சை மருத்துவக் கல்லூரி குடியிருப்புக்குச் சென்றுவிட்டேன். அங்குதான் அப்பா பைண்ட் செய்து வைத்திருந்த இந்த புத்தகங்களை எடுத்து படித்து சங்கர்லாலின் ரசிகன் ஆனேன்.

முதன் முதலில் முத்து காமிக்ஸ் படித்து இரும்புக்கை மாயாவியின்ரசிகன் ஆனேன் என்றால், முதலில் கதைகளாக படித்து சங்கர்லால் ரசிகள் ஆனேன்.

இப்போதும் முத்து காமிக்ஸ் இரும்புக்கை மாயாவி, ஜானி நீரோ, லாரன்ஸ் டே விட்டை ரசிக்க முடிகிறது. சங்கர்லால் புத்தகங்கள் படிக்க முடியுமா என்று சோதிக்க வேண்டும். தமிழ்வாணன் நாவல்களில் வரும் கதாபாத்திரங்கள் அத்தனை பேருக்கும் தூய தமிழ் பெயராக இருக்கும். மலர்விழி, துரைப்பாண்டியன், மலர்க்கொடி..

இவ்வளவு பெரிய புத்தகம் இருந்தால் பிரித்து படிக்க முடியுமா என்று சந்தேகம் எல்லோருக்கும் வரும். நானும் கேட்டிருந்தேன். 'உயிர்மை'யில் மனுஷ்யபுத்திரன் அதற்கு 'படிக்க முடியுமே' என்று சொல்வதுபோல ஒரு ஸ்பெசிமன் வைத்திருந்தார்.

ஒரு புத்தகத்தை பிரித்து வைத்திருந்தார்.

பிரித்தால் பக்கங்கள் பிரியாமல் அல்லது பைண்டிங் உடையாமல் அது விரிந்து கொடுக்கும் தன்மை இருப்பது போல இருக்கிறது பார்த்தால்.

இருந்தாலும் பக்கம் புரட்டுவது என்பது கொஞ்சம் அலுப்பான செயலாக இருக்கும் என்றே தோன்றுகிறது! அதற்கு பக்கத்தில் மற்ற புத்தகங்களையும் பார்த்தேன் எதுவும் சிறிய சைஸ்லயே இருக்காது போல...!!

உயிர்மையில் அதிகம் சுஜாதா புத்தகங்களை பார்க்க முடியும். சுஜாதாவின் நாவல்கள், தேர்ந்தெடுத்த சிறுகதைகள் என்று பெரிய தொகுப்பாக போட்டிருக்கிறார்கள். அருமையான கலெக்ஷன். அவற்றை ஏற்கனவே சில வருடங்களுக்கு முன் நான் வாங்கி வைத்து விட்டேன்.

இப்போது சுஜாதா செக்ஷனை பார்க்கும்போது முதல் நாள் அங்கு ஓரிருருவர் கூட இல்லை. அடுத்த நாள் ஏதோ இருவர் இருந்தார்கள்.

அங்கிருந்த விற்பனை பெண்மணியிடம் "இப்போது சுஜாதா புத்தகங்களுக்கு மவுசு போய்விட்டதா? அங்கு அருகிலேயே நெருங்க முடியாது. இப்போது இவ்வளவு காற்றாடுகிறதே... மற்ற இடங்களில் தான் கூட்டம் அதிகமாக இருக்கிறது" என்று கேட்டேன்.

"யார் சார் சொன்னது? இப்பவும் சுஜாதா புத்தகங்களை தேடி வந்து கட்டு கட்டாக வாங்கி கொண்டு போகிறார்கள்" என்று பதில் சொன்னார் அந்தப் பெண்.

நான் கொடுத்திருக்கும் புகைப்படத்தில் இருக்கும் மனுஷின் இரண்டு கவிதைகளை படிக்க முடிகிறதா? இரண்டு தினங்களில் எடுக்கப்பட்ட இரு வேறு கவிதைகள்.

========================================================================================

====================================================================================================

நான்கைந்து நாட்களாக பேச முடியாத அளவு இருமல்.  ஜுரம்.  இருமினால் உடம்பில் ஆங்காங்கே இழுத்துப் பிடித்துக் கொண்டு மகா அவஸ்தை.  இதோ இந்தக் குழந்தைகள் போல நானும் மழையில் நனைந்து விளையாடி இருக்கிறேன் என்பது ஒரு மகிழ்ச்சியான நினைவு.

===============================================================================================

====================================================================================================

Face Book ல் ரசித்தது...

=========================================================================================

=====================================================================================================

இணையத்தில் ரசித்த படம்.  இதற்கு என்ன கமெண்ட் கொடுப்பீர்கள்?

=======================================================================================

படித்ததன் பகிர்வு...  காழ்ச்சப்பாடுகள்  ------  மம்மூட்டி.

மகத்துவத்தினால் அல்ல, மாறாக மலையாளியின் மனதில் நான் கண்டுணர்ந்த கசடுதான் காரணமானது.

பச்சனும் நானும் அருகருகே அமர்ந்திருந்தோம். சினிமாவில் புகழ்பெற்ற பலரும் வணங்கி மரியாதை செலுத்தியபடி எங்களைக் கடந்து போனார்கள். யார் வந்தாலும் சிரிப்புடன் நெஞ்சில் கை வைத்து மரியாதை செலுத்தினேன். ஆனால் அமிதாப்பச்சன் பெண்கள் வந்தபோது அவர்களுடைய வயதிற்கு தகுந்தாற்போல நாற்காலியிலிருந்து எழுந்து மரியாதை செலுத்தினார். நான் மிகவும் வெட்கப்பட்ட தருணமாயிருந்தது அது.

மலையாளிகளாகிய நாம் பெண்களுக்கு எழுந்து நின்று மரியாதை செலுத்துவதில்லை என்பது மட்டுமல்ல, ஆண்கள் வரும்போது பெண்கள் எழுந்திருக்க வேண்டும் என்றும் எதிர்பார்க்கிறோம். நமக்கு எல்லாவற்றின் மீதும் எப்போதும் அலட்சியம் இருக்கிறது. நமக்குப் பிறர் மரியாதை தரவேண்டும் என்பதை நம் வாழ்வின் எதிர்பார்ப்பாய் நினைக்கிறோம். பேருந்துகளில் பெண்களின் இருக்கைகளில் நாம் உட்கார்ந்திருந்தாலும் எழுந்து அவர்களுக்கு இடம் கொடுக்க யோசிப்போம். ஆனால் கடைக்கோடி கிராமத்தில் வாழும், எழுத்துக்கூட்டி வாசிக்கக்கூடத் தெரியாத வடஇந்தியனோ, தமிழனோ, தெலுங்கனோ பெண்களுக்காக எழுந்திருப்பான். பேருந்திலாக இருந்தால் உட்காரச் சொல்லி நின்று பயணிப்பார்கள்.

பெண்களின் மீதான அவமதிப்பு மலையாளிகளின் பழைய பாரம்பரியமில்லை என்பது நிஜம். நம் பண்டைய இலக்கியங்களில் எல்லாம் காதலன் காதலியை பகவதி, தேவி என்றுதான் கூப்பிட்டிருக்கிறான். அங்கிருந்து வந்த இப்பதங்கள் நம் மொழியிலிருந்தும் இப்போது மாயமாயிருக்கிறது. திருமண நிகழ்வுகளில்கூட

இப்போது மரியாதை செலுத்தும் வழக்கமில்லை. இந்த மரியாதையின்மை நம் ரத்தத்தில் கரைந்ததின் பலனை நாம் அனுபவிக்காமலில்லை. யாருக்கும் அடங்கி அடிமையாய் வாழமுடியாது என்கிற மனசுதான் எவ்வளவோ வரலாற்றுப் போராட்டங்களுக்கு நம்மைக் கொண்டு சென்றிருக்கிறது. அதனுடைய பலனைப் பாவப்பட்ட லட்சக்கணக்கான மக்கள் அனுபவிக்கவும் செய்கிறார்கள். ஆனால் அதெல்லாம் இதை நியாயப்படுத்தக் கூடியதல்ல.

தமிழ்நாட்டில் பரஸ்பரம் 'சார்' என்றுதான் கூப்பிடுகிறார்கள். அவ்வார்த்தையில் மரியாதையின் ஊற்றுக்கண் இருக்கிறது. நமக்கே 'சார்' என்று கூப்பிடுவதைக் கேட்க ஆசையிருக்கும். ஆனால் கூப்பிட அல்ல. அப்படி கூப்பிட்டாலோ அதனுடைய அர்த்தம் வேறாக இருக்கிறது. ஒரு ஆட்டோ டிரைவரை 'சார்' என்று கூப்பிட நம்மால் முடியுமா? ஆனால் ஒரு தமிழரோடு பிரயாணம் செய்தால் நாம் இதைப் பார்க்கவும் கேட்கவும் முடியும்.

மற்றவர்களின் மேல், குவியும் தனிப்பட்ட மரியாதையைக்கூட நம்மால் தாங்கிக் கொள்ள முடியாது. கொச்சியில் இந்த ஐந்து வருடத்தில் லட்சாதிபதியான மனிதரொருவர் இருக்கிறார். நான் வெளிநாட்டிற்கு சென்றிருந்தபோது அந்நாட்டினர் அவர் பட்ட கஷ்டங்களையும், செலுத்திய உழைப்பையும், அடைந்த வளர்ச்சியையும் குறித்து மிகவும் மரியாதையோடும், வாத்சல்யத்தோடும் பேசுவதைக் கேட்டிருக்கிறேன். அவர் ஏற்றுமதி செய்யும் பொருட்களுக்கு உலகச் சந்தையில் நல்ல மதிப்பும், விலையும் இருக்கிறது. அவருடைய வியாபார உத்தியும், கடின உழைப்பும்தான் அப்படி அவர் ஜெயித்ததிற்குக் காரணமாக இருந்திருக்கிறது. ஆனால் சொந்த ஊரில், கள்ளக் கடத்தல் செய்து கிடைத்த பணம்தான் அது என்று ஒரே வரியில்,

====================================================================================================

==================================================================================================================

நியூஸ் ரூம் 

- கடந்த, 20 ஆண்டுகளுக்கு முன் வரை, பள்ளி பருவத்தில் இலந்தை பழம் சாப்பிடாத, பொன் வண்டுகளை பிடித்து விளையாடாதவர் யாரும் இருக்க மாட்டார்கள். அந்த அளவுக்கு இலந்தை பழமும், பொன் வண்டுகளும் பிரசித்தம்.  பொதுவாக இலந்தை மரங்கள் உள்ள இடங்களில், பொன்வண்டுகள் தவறாமல் காணப்படும். தற்போது இலந்தை மரங்களை வளர்ப்பது குறைந்ததால், அதை சார்ந்து இருந்த பொன் வண்டுகளும் அழியும் நிலைக்கு தள்ளப்பட்டுள்ளதாக, வன உயிரின ஆர்வலர்கள் கூறுகின்றனர்.

- போபால்: மத்திய பிரதேசத்தில், சாலையில் நடந்து சென்ற நபரை வலுக்கட்டாயமாக பிடித்துச் சென்ற போலீசார், ஹெல்மெட் அணியவில்லை எனக் கூறி, அவருக்கு 300 ரூபாய் அபராதம் விதித்துள்ளனர்.

-  குவாலியர்: திருமணத்திற்கு எதிர்ப்பு தெரிவித்த மகளை போலீசாரின் கண் முன்னே தந்தை சுட்டுக்கொன்ற சம்பவம் மத்திய பிரதேசத்தில் அதிர்ச்சியை ஏற்படுத்தியுள்ளது.

-  சென்னை: டீ குடிக்க போன சென்னை ஐ.ஐ.டி. மாணவி பாலியல் தொல்லைக்கு ஆளான சம்பவம் அதிர்ச்சியை ஏற்படுத்தி இருக்கிறது.

-  கலிபோர்னியா: மெட்டா நிறுவனத்தில் 3600 ஊழியர்களை பணிநீக்கம் செய்ய மார்க் ஜூக்கர்பெர்க் முடிவு எடுத்துள்ளார்.

-  சென்னை: கோவளம் ஹெலிகாப்டர் சுற்றுலா திட்டத்திற்கு தடை விதிக்கப்பட்டதற்கு வரவேற்பு தெரிவித்த பா.ம.க., தலைவர் அன்புமணி, கிழக்குக் கடற்கரையை பறவைகள் வாழிடமாக அறிவிக்க வேண்டும் எனறு தமிழக அரசுக்கு கோரிக்கை விடுத்துள்ளார்.

-  உலக அளவில் போக்குவரத்து நெரிசலில் பெங்களூர் மூன்றாவது இடத்தில் உள்ளது.

-  அர்ச்சகர், புரோகிதர்களை திருமணம் செய்யும் இளம் பிராமண பெண்களுக்கு ஆண்டுக்கு ஒரு லட்சம் வீதம் மூன்று ஆண்டுகளுக்கு ஊக்கத்தொகை வழங்கப்படும் என கர்நாடக அரசு அறிவிப்பு. 

-  திருச்சி அருகே சிறுகாம்பூரில் அரசு டாஸ்மாக்கில் மது வாங்கி அருந்திய வேல்முருகன் என்னும் கூலித் தொழிலாளி தான் வாங்கிய மது பாட்டிலில் அடைப்பு இருப்பதை உணர்ந்து செல்ஃபோன் டார்ச் அடித்து பார்த்ததில் அதில் ஒரு இறந்த தவளை இருப்பது தெரிய வந்திருக்கிறது. அதை டாஸ்மாக் ஊழியர்களிடம் சொன்னதில் அவர்கள் அவரை தகாத வார்த்தைகளால் திட்டி, அந்த பாட்டிலை உடைத்திருக்கிறார்கள். வேல்முருகன் திருச்சி அரசு மருத்துவமனையில் சிகிச்சை பெற்று வருகிறார்.

-  தமிழகத்தில் கரும்பு சாகுபடி படிப்படியாக சரிவு.

-  சென்னை: சென்னை மெட்ரோ ரயில் தொழில்நுட்ப பிரிவில் பெண்களின் பிரதிநிதித்துவத்தை அதிகரிக்க முடிவு.

-  ஹெல்மெட் அணியாவிட்டால் பெட்ரோல் கிடையாது - உத்திரபிரதேச அரசு அதிரடி.

-  உலகளவில் பார்க்க வேண்டிய இடங்கள் பட்டியலில் நான்காம் இடம் பிடித்தது அசாம்.

-  விபத்தில் காயமடைந்தவர்களை உடனடியாக மருத்துவமனையில் சேர்ப்பவருக்கான உதவித்தொகை ரூ 25ஆயிரமாக உயர்த்தப்படும் என மத்திய அரசு அறிவிப்பு.

================================================================================================================

பொக்கிஷம்