"திங்க" க்கிழமை : தேங்காய் பால் கூட்டு - துரை செல்வராஜூ ரெஸிப்பி

தேங்காய் பால் கூட்டு

ஃஃ ஃஃ ஃஃ ஃஃ 

தேவையானவை:

நடுத்தரமான

உருளைக்கிழங்கு  300 gr 

சாம்பார்  வெங்காயம் 15 

முந்திரிப் பருப்பு 15

தேங்காய் ஒருமூடி

பச்சை மிளகாய் 2

 மஞ்சள் தூள் 1  tsp 

மிளகு 1  tsp 

சீரகம் 1⁄2   tsp 

ஓமம் 1⁄2   tsp 

பட்டை ஒரு துணுக்கு

கிராம்பு 3

கல் உப்பு தேவைக்கேற்ப

தாளிப்பதற்கு :-

கடலெண்ணெய் தேவைக்கு

கடுகு 1⁄2   tsp 

உளுத்தம்பருப்பு 1⁄2  tsp 

கறிவேப்பிலை ஒரு இணுக்கு

செய்முறை:-

உருளைக் கிழங்குகளைத்

தோல் சீவி  நாலாக நறுக்கிக் கொள்ளவும்.. வெங்காயத்தையும்  சுத்தம் செய்து ஒன்றிரண்டாக

நறுக்கிக் கொள்ளவும்.. 

மிளகாயை இரண்டாகக் கீறிக் கொள்ளவும்.

தேங்காயைத் துருவி தண்ணீர் விடாமல் 

மிக்ஸியில் அரைத்து 

முதல் நிலைப் பாலாக 200 ml

 பிழிந்து  -

இந்தப் பாலுடன் முந்திரிப் பருப்பு மிளகு ஓமம் சேர்த்து மிக்ஸியில் அடித்துத் தனியே வைக்கவும்.. ..

முதல் முறை அரைக்கப்பட்ட தேங்காய்த் துருவலுடன் மேலும் சிறிது தண்ணீர் விட்டு

இரண்டாம் நிலைப் பாலாக 150 ml  பிழிந்து -

இதனுடன் உருளைக் கிழங்குத் துண்டுகளைச் சேர்த்து உப்பு போட்டு வேக விடவும். 

வாணலியில் எண்ணெய் விட்டு கறிவேப்பிலை, கடுகு, உளுத்தம்பருப்பு சீரகம், பட்டை கிராம்பு மிளகாய் தாளித்து மஞ்சள் பொடியுடன் வெங்காய  துண்டுகளையும் சேர்த்து சற்று வதக்கி வெந்து கொண்டிருக்கும்  உருளைக் கிழங்குடன் சேர்க்கவும்..

நன்றாக வெந்த கிழங்குகளை

ஒன்றிரண்டாக மசித்த 

நிலையில் முதலில் பிழிந்தெடுத்த பாலையும் சேர்த்து கொதிக்க விட்டு இறக்கி வைக்கவும்...

உருளைக் கிழங்கு துண்டுகள் மசிந்தும் மசியாமலும்  இருப்பது நல்லது..

தேங்காய்ப் பால் சற்று சுண்டியதும் இறக்கவும்.

இதில் இரண்டே இரண்டு பச்சை மிளகாய் மட்டுமே... எவ்வித மசாலாத் தூளும் சேர்க்கப்படவில்லை..

நம்முடைய நலம்

நம்முடைய கையில்..