தகப்பன் மரம்

 

இரண்டு வருடங்களுக்கு முன் நான் பேஸ்புக்கில்   டிசம்பர் 31 ஆம் தேதி எழுதியதை இங்கு தருகிறேன்.  கொஞ்சம் எடிட் செய்து, கொஞ்சம் மாற்றி சேர்த்து எழுதலாமா என்று பார்த்தேன்.  அப்படியே விட்டு விட்டேன்!

என் கடமை :

இன்று இந்த வருடத்தின் கடைசி நாள். அது வருடத்தின் கடைசி நாளாக மட்டுமல்லாது, மாதத்தின் கடைசி நாளாகவும் (!) வாரத்தின் கடைசி நாளாகவும் அமைந்தித்திருப்பது சிறப்பு! இதெல்லாம் வாட்ஸாப்பில் ஷேர் செய்ய வேண்டிய கடமை இருக்கிறது.

இன்றும் நாளையும் நிறைய வேலை இருக்கிறது. இன்று மாலை முதலே அட்வான்ஸ் ஹேப்பி நியூ இயர் நிறைய பேருக்கு சொல்ல வேண்டும். நாளை விடிந்தது முதல்.. அட, இரவு பனிரெண்டு மணி முதலே கடமை தொடங்கி விடும்.

எதிர்ப்படுபவர்கள் எல்லோருக்கும் ஹேப்பி நியூ இயர்..

சாலை முழுக்க, மால் முழுக்க, கடைத்தெரு முழுக்க, கடற்கரை முழுக்க ஜனங்கள் நிறைந்திருப்பார்கள்.

கோவில்களிலும்...

விசேஷ அர்ச்சனைகளுடன் இந்து கிறிஸ்துவ கோவில்களில் சிறப்பு வழிபாடுகள்.

இரவு 11. 56 முதல் எதிர்பார்ப்பு கூடும். நாடித்துடிப்பு எகிறும். விளக்குகள் சிணுங்கத் தொடங்கும். உஷார்ப்படுத்துகிறார்களாம்.

11.59... ஒருநாள் கிரிக்கெட்டின் பரபரப்பான கடைசி பந்து ஆட்டம் போல பரபரப்பு உச்சத்தில் இருக்க...

12.00

விளக்குகள் திடீர் உயிர் பெற மக்கள் ஆரவாரித்து கூச்சலிட்டு கண்டவர்களிடமும் - எதிரில் காண்பவர்களிடம் எல்லாம் என்று பொருள் கொள்க - வாழ்த்து பரிமாறுவார்கள். கட்டிப் பிடிப்பார்கள்.

இதையெல்லாம் கண்டுகொள்ளாமல் வீட்டில் தூங்கி கொண்டிருப்பவர்களையும் விட மாட்டார்கள். எழுப்பி எழுப்பி வாழ்த்து பரிமாறுவார்கள். பாதித் தூக்கத்தில் நாமும் "ஹா....வ்....ப்பி நியூ இயர்" என்று கொட்டாவியை அடக்கி பதில் மரியாதை செய்ய வேண்டும்.

கடமைகள். வருடம் மாறா கடமைகள். நமக்கு நாமே உற்சாகப் படுத்திக் கொண்டு சந்தோஷப்பட்டுக் கொள்ளும் தருணங்ககள்...

ஹேப்பி நியூ இயர் புத்தாண்டு வாழ்த்துகள், ஆங்கிலப் புத்தாண்டு வாழ்த்துகள் (ஏப்ரல் 14 அன்று மறக்காமல் தமிழ் புத்தாண்டு வாழ்த்துகள் என்று சொல்ல வேண்டும்) என்று ஆளுக்கு ஆள், க்ரூப்புக்கு க்ரூப் சொல்லிக் கொண்டே, அனுப்பிக் கொண்டே இருக்க வேண்டும்! வருடத்தின் மற்ற நாட்களைக் கடக்க மனிதர்களுக்கு ஒரு உற்சாகம், ஒரு போதை தேவைப்படுகிறது.

புத்தாண்டு சபதம் எடுத்து, ஓரிரு நாட்கள் அதைக் கடைபிடிக்க வேண்டும். கேக் கொடுக்க வேண்டும். உயரதிகாரிகளை ஸ்வீட், பழம் கொடுத்து கண்டுகொள்ள வேண்டும். சால்வை போர்த்த வேண்டும். சிலருக்கு ஆப்பிள், சிலருக்கு எலுமிச்சம்பழம்.

டைரி கிடைக்கிறதா, காலண்டர் கிடைக்கறதா என்று அலைய வேண்டும். GRT காலண்டர் போல கிடைத்தால் உத்தமம்.

பிரியாணி கிடைக்கிறதா என்று தேடுவது உபரி அலைச்சல்..

ஒரு வாரம்தான். மக்கள் மெல்ல இயல்பு வாழ்க்கைக்கு திரும்பத் தொடங்கும் நேரம்...

இருங்கள்...

அடுத்து பொங்கல் வந்து விடும்.. அதற்கு தயாராக வேண்டும். பொங்கல் வாழ்த்து சொல்ல வேண்டும்..

எப்படியோ நாமும் ஒருநாள் ஏதாவது வித்தியாசம் காண முயல்கிறோம். நாளை மற்றுமொரு நாளே என்பது அன்றாட கடமைக்கு அலுப்புடன் திரும்பும்போது தெரிந்து விடும், தெளிந்து விடும்!

சொல்ல மறந்து விட்டேனே... அட்வான்ஸ் ஹேப்பி நியூ இயர்..

டிசம்பர் 31, 2023

==========================================================================================

தகப்பன் மரம் 

"மண்ணுக்கு மரம் பாரமா.. மரத்துக்குக் கிளை பாரமா.. கொடிக்குக் காய் பாரமா..."

மண்ணுக்கு மரம் வரம். குழந்தையை மார்பில் தாங்கி தூங்க வைக்கும் தகப்பனைப் போல இந்த மரம் அந்தக் கொடியை தன்மேல் படரவிட்டுப் பாசம் கொண்டாடுகிறது!

உறவுகள், நட்புகள் அனைவருக்கும் இனிய ஆங்கிலப் புத்தாண்டு நல்வாழ்த்துகள். 

===============================================================================

அன்று...

சுயநல மனிதன், யானையின் பாதையில் அமைந்துள்ள தன் வீட்டைக் காத்துக்கொள்ள அமைத்த மின்சாரவேலியில் சிக்கி ஒரு தாய் யானை உயிரிழக்க, அதன் குட்டியின் பரிதவிப்பை தொலைக்காட்சியிலும், செய்தித்தாளில் பார்த்தபோது எழுதியது.

====================================================================================================

ஜெயகாந்தன் கவிதை ஒன்று.  1963 ல் எழுதியது என்று நினைக்கிறேன்.

===============================================================================

God Father படத்தில் இடம் பெறும் காட்சியில் மார்லன் பிராண்டோ மடியில் ஒரு பூனை அமர்ந்திருக்கிறது பாருங்கள்.  

காட்சி எடுக்கும்போது இப்படி இருக்க வேண்டும் என்று ஐடியாவே இலையாம்.  ஒத்திகை பார்க்கும்போது ஸ்டுடியோவில் அங்குமிங்கும் அலைந்து கொண்டிருந்த இந்தப் பூனையைப் பிடித்து மடியில் அமர்த்திக் கொண்டு நடித்தாராம் பிராண்டோ.  பார்த்தால் அதுவே அந்தக் காட்சிக்கு ஒரு ஸ்பெஷல் எஃபெக்டைக் கொடுத்து விட்டதாம்!

========================================================================================

ரசித்த படம் 

தாய்க்கிளி..  பின்நாட்களில் தாய் சொல்லும்..  "நீங்க மழைல கூட நனையக்கூடாதுன்னு உங்களை என் சிறகுகளுக்குள்ள பொத்திப்பொத்தி வளர்த்தேனே..."

=============================================================================

குமுதத்தில் வந்த கிசுகிசு...   யார் யார் என்று தெரிகிறதா?

==================================================================================

============================================================================

நியூஸ் ரூம் 

-  உத்தர பிரதேசத்தில், 49 ஆண்டுகளுக்கு முன் கண்காட்சியில் தொலைந்து போன, தற்போது, புல்மதி என்றழைக்கப்படும் பெண், 8 வயது சிறுமியாக இருக்கும் போது மொராதாபாதில் கண்காட்சி ஒன்றில் காணாமல் போயுள்ளார்.  அவரை, வயதான நபர் ஒருவர் கூட்டிச்சென்று ராம்பூரில் ஒரு குடும்பத்தினரிடம் விற்றுவிட்டார்.  அங்கு வளர்ந்த அவர், தற்போது போலீசாரின் முயற்சியால் 57 வயதில் குடும்பத்தினரை சந்தித்து உள்ளார்.

-  கர்நாடக மாநிலம் கலபுரகி அப்சல்புராவின் கத்தரகா கிராமத்தில் பாக்யவந்தி கோவில் அமைந்துள்ளது.  தன் மாமியார் இறக்க வேண்டும் என ரூபாய் நோட்டில் எழுதி, கோவில் உண்டியலில் போட்டது யார் என்ற கேள்வி எழுந்துள்ளது.

-  தாய்லாந்தின் பாங்காக்கில் இருந்து, 175 பயணிகள், 6 ஊழியர்கள் என 181 பேருடன் தென்கொரியாவுக்கு புறப்பட்ட பயணியர் விமானம், அந்நாட்டின் முவான் விமான நிலையத்தில் தரையிறங்கும் போது, ஓடுபாதையில் இருந்து விலகி, கான்கிரீட் தடுப்புச் சுவர் மீது மோதி விபத்துக்கு உள்ளானதில், 179 பேர் உயிரிழந்தனர். இந்த விபத்தில் 32 வயதான லீ மற்றும் 25 வயதான குவான் ஆகிய இரு விமானப் பணிப்பெண்கள் மட்டும் அதிர்ஷ்டவசமாக உயிர் தப்பினர்.

-  சான் பிரான்ஸிஸ்கோ: இந்திய வம்சாவளியை சேர்ந்த ஓபன் ஏ.ஐ., இன்ஜினியர் மர்ம மரணம் குறித்து எப்.பி.ஐ., விசாரணை கோரும் அவரது தாயாருக்கு, முன்னணி தொழிலதிபர் எலான் மஸ்க் ஆதரவு தெரிவித்துள்ளார்.

-  போபால் : மத்திய பிரதேசத்தின் போபாலில் விஷவாயு கசிந்து பேரழிவை ஏற்படுத்திய சம்பவம் நடந்து, 40 ஆண்டுகளாகியுள்ள நிலையில், ஆலையில் உள்ள கழிவுகளை பாதுகாப்புடன் அழிக்கும் முயற்சிகள் துவங்கியுள்ளன.

-  காபூல்: ஆப்கானிஸ்தானில் பெண்கள் புழங்கும் வீடுகள் உள்ளிட்ட இடங்களில் ஜன்னல்கள் வைக்க தலிபான்கள் தடை விதித்துள்ளனர்.

-  பரேலி, 'புத்தாண்டு கொண்டாட்டங்களில் இஸ்லாமியர்கள் பங்கேற்க வேண்டாம்' என அகில இந்திய முஸ்லிம் ஜமாத் மவுலானா அமைப்பின் தலைவர் ஷஹாபுதின் ரஸ்வி தெரிவித்துள்ளார்.

-  குடும்ப உறுப்பினர்களைப் போலவே வீட்டு வேலைகளைச் செய்து, அவர்களின் அன்றாட வாழ்க்கையின் ஒரு பகுதியாக குரங்கு மாறி உள்ளது. இந்த குரங்கு வீட்டு வேலை செய்யும் வீடியோ இணையத்தில் வைரலாகி வருகிறது.பாத்திரங்களைக் கழுவுதல், சப்பாத்திக்கு மாவு உருட்டி தேய்ப்பது, சுடுவது, மசாலா அரைப்பது போன்ற பணிகளை செய்கிறது.  சமைக்கும் போதெல்லாம், ஆர்வத்துடன் உதவி செய்கிறது. இந்த வீடியோ சமூக வலைதளங்களில் வைரலாகி வருகிறது. 

========================================================================================

கிட்டத்தட்ட ஒரே மாதிரி இருக்கும் கேள்வியும் பதிலும்.  குமுதத்தில் சுஜாதாவைக் கேளுங்கள் பகுதியில் இடம்பெற்றவை.  வெவ்வேறு சமயங்களில் கேட்கப்பட்ட,  கிட்டத்தட்ட  ஒரே மாதிரி அர்த்தம் உடைய கேள்விகள்..... 

பதில்களும் கிட்டத்தட்ட ஒரே மாதிரி!

கேள்வி :  ரேடியோ, டி.வி., கம்ப்யூட்டர், செல்போன் இவற்றிற்குப் பிறகு அடுத்ததாக, மனிதர்களுக்கு வரப்போகும் தவிர்க்கமுடியாத அத்தியாவசியப் பொருள் எதுவாக இருக்கும்?

எஸ்.பார்த்தசாரதி, வேலூர் - 632 001.

பதில். :  அடுத்ததாக இவை அனைத்தும் ஒரே சாதனத்தில் இப்போதே ஒன்று சேர்ந்து கொண்டிருக்கின்றன. ஒரு செல்போனில் இன்று சினிமா எடுத்து, அதை எடிட் செய்து, வயர்லஸ் இன்டர்நெட் மூலம் உலகத்தின் மறு மூலைக்கும் அனுப்ப முடிகிறது. எல்லாமே ஒருங்கிணைந்து எடை, சைஸ் குறைந்து, திறமை அதிகரித்து பேச்சாணைகளுக்குக் கீழ்ப்படியும். ஆனால் மனித அறிவு தர்க்கத் திறமை பெறுவதில் கொஞ்சம் 'ஸ்லோ'தான். இந்த இயலின் பெருக்கத்தின் ஆதார விதி மூர்ஸ் லா (Moore's Law) இன்னும் செலாவணியில் உள்ளது. அதன்படி ஒரு கைக்கெடிகார சைஸில் உலகளாவிய செய்தித் தொடர்பு, வீடியோ காமிரா, கம்ப்யூட்டர், அனிமேட்டர், ஜி.பி.எஸ். நோட்டுப் புத்தகம், முப்பரிமாண ப்ரொஜக்ஷன் டிஸ்ப்ளே, ஸ்டார் வார்ஸ் சினிமாவில் R2D2 அணிந்திருக்குமே அது நிஜமாகும். அல்லது சில ஜேம்ஸ்பாண்டு படங்களில் கூட பார்த்திருப்பீர்கள். ஆனால், வரும் வருடங்களில் மக்கள் சந்தோஷமாக இருப்பார்களா என்றால், அது வேறு ஆராய்ச்சிக்குரிய விஷயம்.

மக்களின் தனிமையும் சுயநலவாதமும் அதிகரிக்கும். சௌகரியங்கள் பல்கிப் பெருகும். கண்ணீர் துடைபடாது.

+++++++++++++++++++++++++++((

கேள்வி. :  சினிமா, டி.வி என்ற கற்பனைக் குதிரைகள், உலகம் முழுவதும் ஒரு வாரம் ஓடாமல் இருந்தால் உலகம் எப்படி இருக்கும்? தமிழ்நாடு எப்படி இருக்கும்?

அமல்ராஜ், பாபநாசம்.

பதில். :  இருந்திருக்கிறோமே. உங்கள் தாத்தா பாட்டிகளைக் கேட்டுப் பாருங்கள். தற்காலத்தில், ஒருவாரம் கணவன், மனைவி உறவு நெருக்கமாகும். பிள்ளைகளைக் கடற்கரைக்கும் கோயிலுக்கும் அழைத்துச் செல்வீர்கள். பழைய நண்பர்கள், தூரத்து உறவினர் களைப் போய் சந்திப்பீர்கள். வீட்டில் கேரம்போர்டு, மானோ பொலி, தாயக்கட்டான் ஆடுவீர்கள். சீக்கிரமே படுத்துக் கொண்டு விடுவீர்கள். ஒருவாரம் ஜாலியாகத் தான் இருக்கும். அதற்கப்புறம்தான் பாயைப் பிராண்டுவீர்கள்.

டான் பிரவுனின் 'டாவின்சி கோட் படித்தீர்களா? தமிழில் ஏன் அது மாதிரியான புது நாவல் முயற்சிகள் வருவதில்லை?

-ஜி. ஜோசப்ராஜ், புதுக்கோட்டை

தமிழில் அவ்வகையான நாவல்கள் எழுத உலகப்புகழ் பெற்ற 'லாஸ்ட் சப்பர்' போன்ற சித்திரம் தமிழ்நாட்டில் வேண்டும். ஐகனா கிராஃபி பற்றிய ஆராய்ச்சி தெரிந்தவர்கள் வேண்டும். அவர்களுக்கு ஜெட் வேகத்தில் செல்லக்கூடிய தமிழ் நடை வேண்டும். நிறைய நிறைய ஓய்வும் பண பலமும் வேண்டும். டாவின்சி ரேஞ்சுக்கு இல்லாவிட்டாலும் சிப்பாய் கலகத்தை ஆராய்ச்சி செய்து, அதில் ஒரு தமிழன் கலந்து கொள்வதாக 'கருப்பு சிவப்பு வெளுப்பு' என்ற தொடர்கதை ஆரம்பித்தேன். கையை வெட்டுவேன் நிறுத்து என்றார்கள். எனக்கு இடது கையால் ஷேவ் செய்து பழக்கமில்லாததால் நிறுத்தி விட்டேன். என்னதான் 'ரத்தம் ஒரே நிறம்' என்று எழுதினாலும் ஆரம்ப உற்சாகத்தை இழந்துவிட்டேன்.

ஒரு யோசனை தோன்றுகிறது, ராஜாரவிவர்மாவின் லட்சுமி சரஸ்வதி சித்திரங்களுக்கு யார் மாடலாக உட்கார்ந்தார்கள் என்று ஆராய்ந்து ஒரு நாவல் எழுதலாம்.

சுஜாதா.

சுஜாதாவின் இந்த பதில் கொஞ்சம் மாற்றி அல்லது பரந்துபட்டு யோசிக்காமல் கேள்வி "லாஸ்ட் ஸப்பர்" ஓவியத்தை வைத்து டாவின்சி கோட் எழுதப்பட்டதை போல தமிழில்" என்று அப்படியே எடுத்துக் கொண்டு தட்டையாக பதில் அளித்து இருப்பது போல தோன்றவில்லை?

=======================================================================================

பொக்கிஷம்  :-

இந்தக் கதை முழுக்கதையாக பைண்ட் செய்யப்பட்டு எங்களிடம் இருந்தது.  அப்புறம் யாரோ லவட்டிக்கொண்டு சென்று விட்டார்கள்!