Tid Bits.

மாதம் இரண்டாயிரத்து எண்ணூறு செலுத்தி பத்தாயிரம் முதலீடு செய்தால் இருநூறு முதல் முன்னூறு சதம் லாபம் சம்பாதிக்க வழி சொல்கிறோம் என்று ஒரு விளம்பரம் calloptionputoption.com என்ற வெப் சைட்டுக்காக businessline இல வந்துள்ளதைப் பார்க்கலாம். (no relation to Abdul Kalam)

அவர்கள் தமது கடந்த மாதங்களிலான நடவடிக்கை லாப விவரங்கள் கொடுத்திருப்பது சுவாரஸ்யத்தைத் தருகிறது. வேலை இல்லாமல் வீட்டில் இன்டர்நெட் தோண்டிக் கொண்டு இருப்பவர்கள் வேடிக்கை பார்க்கலாம்.

***
தொலைக்காட்சித் தொடர்களை அதிகம் பார்ப்பதில்லை. எப்போதாவது தொ.கா. மேயும்போது வரும் சிறு சிறு கட்டிங்குகள் ஆயாசத்தைத் தருகின்றன. நம்மில் ஒவ்வொருவரும் விடாமல் பார்க்கும் தொ. கா. நிகழ்ச்சிகள் குறித்து ஒரு சர்வே எடுக்கலாமா?
***
இந்துஸ்தானி இசை அரசி கங்கு பாய் Hangal காலமாகி விட்டார். எண்பதுக்கு மேற்பட்ட வயதில் இந்த அம்மையார் சுருதி பிசகாத அருமையான சாரீரத்துடன் மேல் ஸ்தாயியில் சஞ்சாரம் செய்து பாடியது மறக்க முடியாத அனுபவம். இவர் பீம் சென் ஜோஷி க்கும் மூத்த சிஷ்யர் என்பது குறிப்பிடத் தக்கது.
***
எதிர்க்கட்சிகள் வரப்போகும் இடைத்தேர்த்தல்களை புறக்கணிக்க முடிவு செய்துள்ளது எதனால்? தோல்வி நிச்சயம் என்ற பயமா? உதை விழுமோ என்ற தயக்கமா? செலவு செய்ய விருப்பம் இல்லையா? வரப்போகும் பெரிய தேர்தலுக்கு துட்டை சேர்த்து வைக்கலாம் என்ற புத்திசாலித்தனமா?
***
பண பலத்தால் ஆளும் கட்சி வெற்றி பெற்றது என்பது தோற்ற கட்சித் தலைவர்கள் எப்போதும் தரும் வாதம். நாங்கள் அந்த அளவு செலவு செய்யவில்லை அல்லது செய்ய முடியவில்லை என்று ஒப்புக் கொள்கிறார்களா என்பது தெரியவில்லை.
***
காசு கொடுத்தால் வாங்கிக் கொண்டு இஷ்டம போல் ஏன் வாக்கு அளிப்பதில்லை நம் மக்கள்? சாமி கண்ணைக் குத்தும் என்ற பயமா? காசு வாங்கியதற்கு சாமி கண்ணைக் குத்தாதா என்ன?
***